Mga Balita sa Templo

Ground Broken alang sa Unang Templo sa Connecticut

Gisugdan ang konstruksyon sa unang templo sa mga Santos sa Ulahing mga Adlaw didto sa Connecticut, USA, pagkahuman sa seremonya sa groundbreaking nga gipangulohan ni Presidente Thomas S. Monson sa Hartford niadtong Sabado, Agosto 17. Ang Hartford Connecticut Temple mao ang ikaduha sa New England (ang lain anaa sa Boston, Massachusetts) ug usa sa 170 LDS nga templo nga gigamit, gitukod pa, o giplano pa sa tibuok kalibutan.

Ikaduhang Templo sa Colorado

Niadtong Sabado, Agosto 24, si Elder Ronald A. Rasband sa Kapangulohan sa Seventy mipahigayon sa mga seremonya sa groundbreaking alang sa ikaduhang templo sa Colorado, USA, sa Fort Collins Colorado Temple. Ang laing templo anaa sa Denver, mga 59 ka milya (95 km) habagatan sa Fort Collins.

Gilitratohan ni Nicolas Carrasco, sa maayong kabubut-on sa Church News