2013
Un̄n̄are peid make
Jeptōm̧ba 2013

Naan in Katak an Kōrā, Jeptōm̧ba 2013

Un̄n̄are peid make

Lukkuun ekkatak katak in im, n̄e ekkar, kōnono kake ippān kōrā ro jeim ak jatim kwoj loļo̧k. Kōjerbal kajjitōk ko n̄an jipan̄ eok kōkkajoorļo̧k kōrā ro jeim im jatim, im n̄an kōm̧m̧an bwe Doulul eo an Kōrā en m̧ōttan eo emourur an mour eo am make. N̄an meļeļe ko reļļapļo̧k, etal n̄an reliefsociety.lds.org.

Pija
Jiiļ eo an Doulul eo an Kōrā

Tōmak, Baam̧le, Deeor

Un̄n̄are peid make ej maron̄, kallim̧ur, im kijejeto n̄an kakke n̄an em̧m̧an eo ad make ilo jetōb im kanniōk im an baam̧le ko ad.1

Ilo ad katak im kōjerbal pedped ko an un̄n̄are peid make ilo kapijuknen ko ad im jukjukinpād ko, ewōr ad iien ko rem̧m̧an n̄an kea kōn rijeram̧ōl im riakuj im n̄an jipan̄ ro jet erom un̄n̄are peid make bwe ren maron̄ niknik ilo iien ko an apan̄.

Ewōr ippād jim̧we im eddo eo n̄an kōjerbal anemkwoj eo ad n̄an erom un̄n̄are peid make ilo jetōb im kanniōk. Kōnono kōn un̄n̄are peid make ilo jetōb im ad pedped ioon Jemedwōj Ilan̄, Elder Robert D. Hales jen Doulul eo an Jon̄oulruo Rijilōk ro eaar katakin: “Jej erom rioktak im un̄n̄are peid make ilo jetōb ilo ad lukkuun jar ilo mour kōn bujen ko—kōn bōk m̧ōttan kwojkwoj eo ilo erreo, erreo kōn juon peba in mālim an tampeļ, im wūjlepļo̧k n̄an jerbal n̄an ro jet.”2

Elder Hales eaar kapilōk kōj n̄an erom un̄n̄are peid make ilo kanniōk, “eo ej koba etal n̄an jikuuļ ko reutiejļo̧k ālkin high school ak kaminene in jikuuļ in katak kapeel in pā, katak jerbal, im mour ilowaan wōt kōjeram̧m̧an ko ad. Jen joļo̧k m̧uri im kakkoņ jāān kiiō, jej m̧aanjabpopo n̄an jerbal in jipan̄ aolep raan an Kabun̄ ilo iiō ko rej itok. Jibadbad eo jim̧or an un̄n̄are peid make ilo kanniōk im jetōb ej n̄an karōk kōj make ioon bwidej eo eutiejļo̧k bwe jān maron̄ kotak ro jet ilo aikuj.”3

Jān Jeje ko Rekwojarjar

Matu 25:1–13; 1 Timote 5:8; Alma 34:27–28; Doctrine and Covenants 44:6; 58:26–29; 88:118

Jān Bwebwenato eo Ad

Ālkin an Armej ro Rekwojarjar ilo Raan-ko Āliktata kar aiin doon ilo Salt Lake Valley, eo eaar juon āne jem̧aden ettoļo̧k, Būreejtōn Brigham Young eaar kōņaan bwe ren wejepedik im kajutak kapijuknen ko aer. Meļeļe in Armej ro Rekwojarjar raar aikuj in katak kapeel ko me naaj kar kōtļo̧k bwe ren erom un̄n̄are peier make. Ilo kijejeto in, Būreejtōn Young eaar wōr an lōke eļap ilo maron̄ ko, tōļan ko, tiljek, im m̧ōņōņō eo an kōrā ro, im eaar kōketak er ilo eļaptata eddo kein ilo kanniōk. Ilo an eddo kein rejeno̧lo̧k an Doulul eo an Kōrā sister ro emakijkij aer oktak rainin, pedped ko rej jokkuun wōt juon:

  1. Katak n̄an iakwe jerbal im joļo̧k jowwan.

  2. Bōk juon jetōb an un̄n̄are peid make.

  3. Bōk eddo eo an juon make n̄an kōkajoorļo̧k ilo jetōb, ājmour, jeļāļo̧kjeņ, jerbal, jāān ko, m̧ōn̄ā, im menin aikuj ko jet remenin aikuj n̄an oņaake mour.

  4. Jar kōn tōmak im peran n̄an ioon apan̄ ko.

  5. Kōkajoorļo̧k ro jet me rej aikuj jipan̄.4

© 2013 jen Intellectual Reserve, Inc. Aolep jim̧we rej pād ippān. Jeje ilo USA. Kōmālim ilo kajin English: 6/13. Kōmālim an ukook: 6/13. Ukook eo an Visiting Teaching Message, September 2013. Marshallese. 10669 874

Kakeememej ko

  1. Lale Bok in Bōk Meļeļe 2: Tōl Kabun̄ eo (2010), 6.1.1.

  2. Robert D. Hales, “Coming to Ourselves: The Sacrament, the Temple, and Sacrifice in Service,” Liahona im Ensign, Māe 2012, 34.

  3. Robert D. Hales, “Coming to Ourselves,” 36.

  4. Lale Daughters in My Kingdom: The History and Work of Relief Society (2011), 51.

Ta Eo Imaron̄ Kōm̧m̧ane?

  1. Ekōjkan aō jipan̄ sister ro ij mije er lo uwaak ko n̄an aikuj ko aer ilo kanniōk im jetōb?

  2. Ij ke kōļapļo̧k un̄n̄are peid make eo aō ilo jetōb kōn m̧aanjabpopo n̄an kwojkwoj eo im wūjlepļo̧k n̄an jerbal?