Manatu mo Afiafi Faaleaiga

O lenei lomiga e aofia ai tusiga ma gaoioiga e mafai ona faaaoga mo afiafi faaleaiga. O nai faataitaiga nei.

“O Le Misiona ma le Auaunaga a Iesu Keriso,” itulau 18: Ua faasoa mai e Elder Russell M. Nelson ni vaega se lima o le soifuaga o Iesu Keriso e mafai ona tatou mulimuli i ai. Mafaufau e talanoaina vaega nei ma auala e faaaoga ai i o tatou olaga. Atonu e te manao e faitau se tala mai tusitusiga paia o le soifuaga o le Faaola pe matamata se vitio o le Tusi Paia (biblevideos.lds.org) o loo faaalia ai se tasi o na vaega. Atonu foi e te faamaeaina i le tuuina atu o lau molimau e uiga i Lona soifuaga ma [Lana] galuega ma usu le pese “Faapaia Mai Au” (Viiga, nu. 70).

“O Le a le Mea e Ta’u o le Uo Moni?” itulau 52: Atonu e te manao e amata i le fesili atu, o le a le mea e ta’u o le uo moni? Faitau le faauigaga a Elder Robert D. Hales ma talanoa po o a ituaiga uo e tatau ona avea ai i tatou. Mafaufau e faamatala atu se aafiaga i se taimi sa faia ai e se tagata se mea ia te oe e pei lava o se uo moni, ma talanoa e faatatau i uiga faaalia e mafai ona fesoasoani ai i tagata o le aiga ia avea ma ni uo lelei atu i isi.

“Faamanatuina o Malumalu!” itulau 62: Faatasi ma lou aiga, matamata i ni ata o auala eseese ua faamanatuina ai e tamaiti le malumalu. Mafaufau e faaali atu se ata o le malumalu aupito lata atu ia te outou ma talatalanoa pe aisea e taua ai malumalu. Ia faamamafa atu e na o totonu lava o le malumalu e mafai ona faamauina ai aiga. Atonu e te manao e faauma i le usuina o le pese “E Mafai Na Faavavau Aiga” (itulau e 183).

I Lau Gagana

O loo maua le Liahona ma isi tusi a le Ekalesia i le tele o gagana i le languages.lds.org.