2013
Oktak tok n̄an Irooj
Pāpode 2013

Naan in Katak an Kōrā, Pāpode 2013

Oktak tok n̄an Irooj

Lukkuun ekkatak kein katak in im, n̄e ekkar, kōnono kake ippān kōrā ro jeim ak jatim kwoj loļo̧k. Kōjerbal kajjitōk ko n̄an jipan̄ eok kōkkajoorļo̧k kōrā ro jeim im jatim, im n̄an kōm̧m̧an bwe Doulul eo an Kōrā en m̧ōttan eo emourur an mour eo am make. N̄an meļeļe ko reļļapļo̧k, etal n̄an reliefsociety.lds.org.

Pija
Jiiļ eo an Doulul eo an Kōrā

Tōmak, Baam̧le, Deeor

Sister ro rekāāl an Kabun̄ in—ekoba jiron̄ ro rej delo̧n̄e Doulul an Korā, sister ro rej jepļaaktok n̄an makūtkūt ko, im rioktak ro rekāāl—aikuji rejtake eo im jemjerā eo an rikaki in loļo̧k ro an kōrā. “Bōk kuņaan eo an membōr elukkuun aorōk n̄an dāpij rioktak eo im ilo bōktok membōr ro rejeniknik tok n̄an kajoor,” Elder M. Russell Ballard an Doulul eo an Jon̄oulruo Rijilōk ro eaar ba. ‟Dāpij ettōņak eo bwe Doulul eo an Kōrā … emaron̄ erom[juon] iaan wāween [ko] jemjerā eo ekajoor epād ippād ilo Kabun̄ in. Mōkaj pukōtļo̧k ro kar katakin er im bar kōro̧o̧ltok er, im karuwaineneik er tok n̄an Kabun̄ in kōn doulul eo am.1

Āinwōt membōr in Doulul eo an Kōrā, jemaron̄ jipan̄ membōr ro rekāāl katak tōmak ko an Kabun̄ in, āinwōt:

  • Kwaļo̧k juon kōnono.

  • Kwaļo̧k naan in kam̧ool.

  • Mour kōn kien jitlo̧k.

  • Kōļļā juon m̧ōttan jon̄oul im jortak ko jet.

  • Bōk kuņaam ilo jerbal in menmenbwij an baam̧le.

  • Kōm̧m̧ane peptaij ko im kapen ko n̄an ro jibweer im jimmaer remej.

‟Ebōk ro m̧ōttam rekajoor pād n̄an kōm̧m̧ane bwe membōr ro rekāāl ren en̄jake aenōm̧m̧an im ruwainene ilo im̧ōn jar eo,” Elder Ballard eaar ba.2 Aolepād waj, ak elaptata rikaki in lolok ko an kōrā, ewōr eddo ko raorōk n̄an ejaake jemjerā ko ippān membōr ro rekāāl āinwōt juon wāween n̄an jipan̄ er erom ‟oktak tok n̄an Irooj” (Alma 23:6).

Jān Jeje ko Rekwojarjar

2 Nipai 31:19–20; Moronai 6:4

Jān Bwebwenato eo Ad

‟Kōn ļapļo̧k in oran eo an rioktak ro,” būreejtōn Gordon B. Hinckley (1910–2008) eaar ba, “jej aikuj kōm̧m̧ane juon kijejeto eo ekanooj ļap n̄an jipan̄ er ilo aer pukōt iaļ eo aer. Kajjojo iaer reaikuj jilu men ko: juon m̧ōttan, juon eddo, im naajdrik er kōn ‘naan em̧m̧an an Anij’ (Moronai 6:4).”3

Rūkaki in loļo̧k ro an kōrā rej pād ilo juon jekjek n̄an jipan̄ ro rej mije er. Jemjerā emakijkij an itok mokta, āinwōt an bar walo̧k n̄an juon jiron̄ ilo Doulul eo an Kōrā eo ekar rikaki in loļo̧k an sister eo erūtto. Erum̧wij aer kalek juon jemjerā mae iien rej jerbale turājet im turājet eo juon ilo juon būrojāāk in karreo. Rej erom mōtta, im ilo aer kōnnaan kōn Ennaan in Loļo̧k eo an Kōrā, er jim̧or rej rūttoļo̧k kake kōn ‟naan eo em̧m̧an an Anij.”

Būreejtōn Joseph Fielding Smith (1876–1972) eaar ba bwe Doulul eo an Kōrā ‟ej mōttan eo eaorōk an aelōn̄ an Anij ioon laļ in im … jipan̄ membōr ro an n̄an bōk mour indeeo ilo aelōn̄ in kiin̄ eo an Jemed.”4

© 2013 jen Intellectual Reserve, Inc. Aolep Jim̧we ko rej pād ippān. Jeje ilo Amedka. Kōmālim ilo kajin Pālle: 6/12. Kōmālim an ukook: 6/12. Ukook eo an Visiting Teaching Message, February 2013. Marshallese. 10662 874

Kakeememej ko

  1. M. Russell Ballard, “Members Are the Key,” Liaona, Jebtōm̧ba 2000, 18.

  2. M. Russell Ballard, Liaona, Jeptōmba. 2000, 17.

  3. Gordon B. Hinckley, “Aolep Rioktak Raorō,” Liaona, Pāp. 1999, 9.

  4. Joseph Fielding Smith, ilo Daughters in My Kingdom: The History and Work of Relief Society (2011), 97.

Ta Eo Imaron̄ Kōm̧m̧ane?

  1. Ij ke jar kōn eo mōtta im kajjitōk bwe Jetōb en maron̄ tel kōj ilo ad kwalo̧k n̄an sister ro jeid im jatid?

  2. Ilo wāween ta ko jej jerbali n̄an kajjojo sister ro jej lale er bwe en maron̄ jeļā bwe jej m̧ool in kea kake er?