Jodikdik ro
Kwaļok ippān juon M̧ōttam
Juon raan ke iaar ekkatak jān kūlaaj in seminary eo aō, eaar wōr juon en̄jake eaiboojoj im jeno̧lo̧k. Ke iaar riiti katak eo n̄an raan eo juon, Ikar lo turin mejān juon mōtta jen jikuuļ im ewōr juon en̄jake ekajoor bwe Iaikuj kwaļok naan in kam̧ool eo aō n̄an e.
Kōjekdo̧o̧n alikkar eo an en̄jake in, Ikar mijak. Ikar inepata bwe eo mōtta emaron̄ kōjekdo̧o̧n eō, eļaptata kōnke ejjab kain leddik rōt eo me enaaj itok limoin ilo kobatok ilo Kabun̄ in.
Iaar reilikļo̧k im ļōmņak n̄an juon kōnono jen Sister Mary N. Cook jen būreejtōnji eo eutiej an Doulul eo an Jiron̄ ro me eaar kōketak kōj n̄an buuļ jerbal im peran.1 Iaar kōņaan bwe in āinwōt in, innām iaar jeiki juon leta n̄an leddik in im kam̧ool kōn tallep in Kabun̄ in im kōn iakwe eo aō n̄an Bok in Mormon. Raan eo juon Iaar likūti juon kape in Bok in Mormon, ippān leta eo aō, n̄an ilowaan pāāk eo an.
N̄an bwilōn̄ eo aō, eo mōtta eaar lukkuun itoklimoin n̄an ko̧jpeļ eo. Jino in raan eo, eaar jiron̄ eō kōn ta eo eaar katak ilo an ekkatak kōn Bok in Mormon. Jet wiik tokālik, Iaar kwaļok kadkadin n̄an mijenede ro. Emōkaj, eaar bōk juon kapen jen Jetōb Kwojarjar bwe ta eo eaar katak kake ekar m̧ool. Mijenede ro im N̄a kar jan̄ ilo an kar jiron̄ kōm kōn en̄jake ko an. Eo mōtta tokālik ekar peptaij, im ro jinen im jemāņ rekar bwilōn̄ n̄an lo oktak ko raar waļo̧k ippān.
Ilukkuun m̧ōņōņō bwe Ikar maron̄ ellā jen mijak ko aō n̄an jipan̄ bōkļo̧k ko̧jpeļ eo n̄an mour eo an.