Pagsinina Sama sa usa ka Deacon

Ni Hilary M. Hendricks

Gibase sa tinuod nga istorya

1. Karon birthday ni Eli. Kwatro anyos na siya.

   Upat pa ka tuig, mabunyagan na ka.

   Ug upat ka tuig human niana, mahimo na ka nga deacon ug makaapud-apod ka na sa sakrament.

2. Wala madugay, gitabangan ni Mama si Eli sa pag-ilis sa iyang pajama sa sinina nga pangsimba.

3. Ang mga deacon magsul-ob ba og pang-superhero nga karsones sa simbahan?

   Dili. Ang mga deacon magsul-ob og maayo nga karsones.

4. Ang mga deacon ba magsul-ob og superhero nga sinina sa simbahan?

   Dili. Ang mga deacon magsul-ob og puti nga polo ug magkurbata.

5. Gusto kong magsul-ob og puti nga polo ug nindot nga karsones. Gusto kong magsinina sama sa usa ka deacon.

   Gitabangan ni Mama si Eli sa pagsul-ob og maayo nga karsones, puti nga polo, ug magkurbata.

6. Sa simbahan, gikyugpos ni Eli ang iyang mga kamot samtang nagtan-aw siya sa mga deacon nga miapud-apod sa sakrament.

7. Dihang gidala sa mga deacon ngadto kang Eli ang sakrament, mipunit og piraso sa tinapay si Eli ug dayon gitunol ang tray ngadto ni Mama.

8. Mipahiyom si Mama kang Eli. Nalipay si Eli nga nakatabang. Gibati niya nga sama sa usa ka deacon.

Mga paghulagway pinaagi ni Simini Blocker