Feia apî

Te iteraa eaha te mea e parau atu

Mai te mea e, te feruri ra outou e, aita i nava‘i to outou ite no te evanelia no te faaite i te reira ia vetahi ê, ei hau na to outou aau na roto i teie mau fafauraa no roto mai i te mau papa‘iraa mo‘a:

« A faateitei mai na orua i to orua na reo i teie nei feia ; a parau atu i te mau mana‘o ta’u e tuu atu i roto i to orua na aau, e e ore roa orua e faahaamahia i mua i te taata nei ;

« No te mea e horo‘ahia ïa ia orua i te hora mau ihoa, oia ïa i te taime mau ihoa, i te mea ta orua e parau ra » (PH&PF 100:5–6).

« Na te Faaa‘o râ, na te Varua Maitai ra, o ta te metua e tono mai ma to’u nei i‘oa ra, na’na e haapii mai ia outou i te mau mea atoa, e e faaite faahou mai hoi ia outou i te mau parau atoa ta’u i parau atu ia outou na » (Ioane 14:26).

E mau fafauraa nehenehe teie, tera râ, no te farii i te reira, e mea ti‘a ia tatou ia rave i ta tatou tuhaa. I roto i teie parau poro‘i, ua haapii mai te Peresideni Eyring ia tatou e nahea ia: « Faaineine no te faaite atu [i te evanelia] na roto i te faaîraa i to outou feruriraa i te mau parau mau o te evanelia i te mau mahana atoa ». Eaha te ti‘a ia outou ia rave no te faaî i to outou feruriraa i te mau parau mau o te evanelia ?