Bisopi Gary E. Stevenson
Bisopi Vakatulewa
E kaya o Bisopi Gary Evan Stevenson ni sa levu sara na gauna ena nona bula e dau vakadikeva toka kina na cakacaka bibi era dau vakayacora na bisopi e vuravura raraba. Na tamana, e kaya o koya, na “bisopi ni noqu gauna ni itabagone, ka mana sara vakatitobu vei au na nona veiqaravi.”
Ena vuqa na gauna, e dau sureti Bisopi Stevenson kina na tamana ena nona dau lai sikovi ira na sivia na 60 na yada era tiko ena nodratou tabanalevu. E vulica mai vei tamana o Bisopi Stevenson na veilesoni me baleta na veiqaravi Vakarisito kei na nodra vukei o ira na vakaleqai tu. Na veilesoni oqori, e kaya o koya, ena vukei koya vakavinaka ena nona veikacivi vaka-Bisopi Vakatulewa ni Lotu.
“O ira na bisopi ni Lotu era noqu qaqa,” e kaya o koya. “Ena veisiga yadua era sa veivakauqeti tiko vei ira na lewe ni Lotu, vakauasivi vei ira na gonelalai kei na cauravou kei na goneyalewa.”
A sucu ena Okosita ni 1955 vei rau o Evan N. kei Vera Jean Stevenson, a tubu cake o Bisopi Stevenson ena dua na matavuvale mai vei ira na ivuvu ni lotu mai na Utah Cache Valley.
Ni cauravou tiko, a ciqoma kina e dua na veikacivi ni laki kaulotu ki Japani. Na ilesilesi oqori a conaki kina e yaloi Bisopi Stevenson e dua na loloma rua na yasana me baleti Esia kei na wasei ni kosipeli ka sa tu voli ena nona bula taucoko.
Ni lesu mai ena kaulotu a laki curu ki na Utah State University. Oqori na vanua a sotavi Lesa Jean Higley kina (ka mokuti ena gauna vata ga) Erau a vakamau na lewe rua ena Epereli ni 1979 ena Valetabu na Idaho Falls Idaho. E va na luvedrau tagane na Stevensons.
A rawata o Bisopi Stevenson e dua na koroi ni vakacici bisinisi e muri a qai tauyavutaka ka veiqaravi vakaperesitedi ni dua na kabani ni buli iyaya ni vakaukauwa yago.
Sa veiqaravi oti ena vuqa na veikacivi duidui ena Lotu, oka kina na daunivakasala ena dua na mataveiliutaki ni iteki, bisopi, ka peresitedi ni Tabana ni Kaulotu na Japan Nagoya (2004–07). A kacivi ki na iMatai ni Kuoramu ni Vitusagavulu ena 2008 ka veiqaravi vakadaunivakasala ka peresitedi ni iWasewase na Asia North.