2012
Ukubeka iliso ngenkathalelo kwaye nokuShumayela ngokuNdwendwela uFundise
Janyuwari 2012

Umyalezo wabaNdwendweli Makhaya, Janyuwari 2011

Ukubeka iliso ngenkathalelo kwaye nokuShumayela ngokuNdwendwela uFundise

Funda lo myalezo, kwaye ngokufanelekileyo uxoxe ngawo kunye noodade obandwendwelayo. Sebenzisa lemibuzo ukukunceda womeleze odade bakho kwaye nokukwenza Umbutho wooMama usebenze kwindawo yawo ebomini bakho.

Ukholo, Usapho, Uncedo

“Uthando lokwenene [lunentsingiselo] engaphaya kwenimba yobulungisa,” wafundisa uMongameli Henry B. Eyring, Isekela lokuQala kwisiMongameli sokuQala. “Uthando lokwenene luzalwa lukholo eNkosini uYesu Krestu kwaye lunomsebenzi weNtlawulo Yakhe.”1 KooDade boMbutho wooDade, undwendwelo makhaya lungaba sisenzo sothando lokwenene, indlela ebalulekileyo yokusebenzisa ukholo lwethu kuMsindisi.

Ngokundwendwela amakhaya sifundise, sibeka iliso ngenkathalo ngokunxulumana nodade ngamnye, sabelane ngomyalezo wevangeli, kwaye sifune kwazi iimfuno zakhe nezosapho lwakhe. “Undwendwelo makhaya luye lube ngumsebenzi weNkosi xa iliso lethu elibukhali lisebantwini kunokuba libe kwinani,” uyayicacisa uJulie B. Beck, umongameli wajikelele wesimongameli soombutho woodade. “Enyanisweni, undwendwelo makhaya alugqibeki. Yindlela yobomi ayingomsebenzi. Ukukhonza ngenkolelo yokuba ngumfundisi ongumndwendweli makhaya bubungqina bokuba ngabalandeli.”2

Xa sihlala sinika okoko sibambelele sibeke iliso lenkathalelo kwaye sithandaze, siye sifunde indlela yokushumayela; eyona ilungileyo yokufundisa kakuhle kakhulu kwaye sifeze iimfuno zodade ngamnye kunye nosapho lwakhe. Ukushumayela nokufundisa kungathatha iindlela ezininzi—ezinye zinkulu ezinye azikho banzi kakhulu. “Kakhulu izenzo ezincinci zenkonzo zizo ezifunekayo ukuphakamisa nokusikelela omnye: umbuzo obandakanya usapho lomntu, amazwi amafutshane okukhuthaza, ukuncoma okunyanisekileyo, namagqabantshintshi nabhaliweyo ombulelo, unxebelelwano ngefowni,” wafundisa uMongameli Thomas S. Monson. “Ukuba siyatsala kwaye sivukile siyayazizi, kwaye ukuba siyazimamela sizilandele sizenze iimpembelelo ezifikayokuthi, singaphumeza okuninzi okulungileyo. …Azibaleki izenzo zenkonzo ezenziwa ngumkhosi woMbutho wooDade njengabandwendweli makhaya abafundisayo.”3

Kuvela kwiZibhalo eziNgcwele

Yohane 13:15, 34–35; 21:15; Mozaya 2:17; Imfundiso neMinqophiso 81:5; Mozisi 1:39

Kuphuma Embalini Yethu

Ngo 1843, amalungu eCawa eNavoo, eIllinois, bahlukaniswa bazi wadi ezine. NgoJulayi waloo nyaka, iinkokheli zooMbitho wooMama zaseka umbutho labandwendweli elalinoo dade abane bewadi nganye. Le mibutho yabandwendweli makhaya’ yayinemithwalo ekunye nokuhlola iimfuno kwaye nokuqokelela iziphiwo. Umbutho wooMama wasebenzisa ezi ziphiwo ukufeza abaneentswelo.4

Elo xesha abandwendweli makhaya bayeka ukuqokelela iziphiwo, basenayo kodwa indima yokuhlola iintswelo—ezomoya nezenyama kwaye basebenze ukufezekisa ezoo ntswelo Eliza R. Snow (1804–87), isekela lesibini kwisimongameli sajikelele soMbutho wooMama, wacacisa: “UTitshala … kufanelekile nakanjani abenoMoya weNkosi, xa engena ku loondlu ayazi ukuba umoya adibana nayo phakathi kuyo. … Cela phambi kukaThixo kwaye noMoya oyiNgcwele ukuba uwufumane [uMoya] ukuze ukwazi ukudibana nomoya ophumelelayo kuyo loondlu … kwaye uve amazwi omawuwathethe oxolo entuthuzelo, kwaye ukuba ufumana udade eziva egodola, umthathe umfake entliziyweni yakho njengangokuba unothathela umntwana esifubeni sakho kwaye [yena] umfudumeze kakhulu umgqibe.”5

© 2012 yi Intellectual Reserve, Inc., Ikhampani Onke amalungelo agciniwe. Kubhalwe eUSA. Isivumelo sesiNgesi: 6/11. Isivumelo Sokuguqula: 6/11. Inguqulelo ka Visiting Teaching Messge, January 2012. Xhosa. 10361 774

Izikhumbuzo

  1. Henry B. Eyring, “The Enduring Legacy of Relief Society,” Liahona, Nov. 2009, 124–25.

  2. Julie B. Beck, “Inhlangano Yomama: Ngumsebenzi Ongcwalisiweyo,” Liahona, Nov. 2009, 111.

  3. Thomas S. Monson, “Three Goals to Guide You,” Liahona, Nov. 2007, 118.

  4. Bona Daughters in My Kingdom: The History and Work of Relief Society (2011), 105.

  5. Eliza R. Snow, in Daughters in My Kingdom, 108.

Yintoni Endinokukwazi Ukuyenza?

  1. Ndenza Ntoni Mna ukunceda oodade bam ukuba bave ukuba Ndingumhlobo wabo obathandayo kwaye obakhathaleleyo?

  2. Ingaba Ndingabhetele njani ekubekeni iliso lam elikhaliphileyo kubo kwaye nasekukhathalaleni abanye?