Vakavuvuli ni Noda Gauna

Ena ikava ni Siga Tabu ena vakatabakiduataki tiko ena lesoni ni Matabete i Melikiseteki kei na iSoqosoqo ni Veivukei na “Vakavuvuli ni Noda Gauna.” Mena vakarautaki na veilesoni yadua mai na dua se vica na vosa mai na koniferedi raraba se qai oti toka ga (raica na ituvatuva e ra). Sa rawa vei ira na peresitedi ni iteki kei na tikina mera digitaka na vosa me na vakayagataki, se mera lesia na itavi oqo vei ira na bisopi kei na peresitedi ni tabana. Mera na vakadreta na iliuliu vei ira na veitacini ena Matabete i Melikiseteki kei ira na marama ena iSoqosoqo ni Veivukei na kena bibi mera na vulica na vosa vata ga ena Siga Tabu o ya.

O ira era tiko ena lesoni ni ikava ni Sigatabu era sa vakauqeti me ra vulica ka kauta mai ki na kalasi na mekesini e taba tu kina na vosa ni koniferedi se qai vakayacori oti ga.

Vakatutu ni kena Vakarautaki e Dua na Lesoni mai na Vosa Eso

Masuta me tiko vata kei iko na Yalo Tabu ena nomu vulica ka vakavulica na vosa eso. O na temaki beka mo vakarautaka na lesoni ena nomu vakayagataka eso tale na iyaragi, na vosa ga ni koniferedi e vakadonui me lewenivuli. Na nomu ilesilesi mo vukei ira na tani me ra vulica ka bulataka na kosipeli me vaka e vakavuvulitaki ena iotioti ni koniferedi raraba ni Lotu.

Railesuva na vosa eso, vakasaqara na ivakavuvuli kei na ivunau ena sotava na nodra gagadre na lewe ni kalasi. Vakasaqara talega na italanoa, na idusidusi ena ivolanikalou, kei na veimalanivosa ka na vukei iko mo vakavuvulitaka na dina.

Cakava e dua na idusidusi ena ivakarau mo vakavuvulitaka kina na ivakavuvuli kei na ivunau. Me oka ena nomu idusidusi na taro eso era na vukei kina na lewe ni kalasi:

Vakaraica na ivakavuvuli kei na ivunau ena vosa.
Vakasamataka na kedra ibalebale.
Wasea na veika o kila, nomu vakasama, na veika e sotavi kei na ivakadinadina.
Vakayagataka na ivakavuvuli kei na vunau ena nodra bula.

Lesoni ni Veivula Mera Vakavulici	iYaragi ni Lesoni ni iKava ni Sigatabu
Noveba 2011–Epereli 2012	Vosa era tabaki ena Noveba 2011 Liaona*
Me 2012–Okotova 2012	Vosa era tabaki ena Me 2012 Liaona*