Elder Tad R. Callister
Ena Mataveiliutaki ni Vitusagavulu
A kaya o Elder Tad Richards Callister, ka se qai kacivi walega oqo kina Mataveiliutaki ni Vitusagavulu ka lewe ni iKarua ni Kuoramu ni Vitusagavulu, ka vakamacalataka ni dua tiko na nodratou vakatutu na Veitacini me na rawa mai kina na “toso dina” ena Lotu. “O ya e wili kina e levu sara na tamata, sega walega ni o ira era lako mai lotu ni sakaramede, o ira sara ga era kania tiko na sakaramede, ciqoma na cakacakatabu ni Lotu ka qaravi tiko ena lotu ka cakacakataka tiko na nodra veiyalayalati”.
A vakamacalataka ni gadreva me vukei ira na iliuliu ni Lotu ena nodra vanua ena ka oqori, e vakavinavinakataka o Elder Callister ni kacivi koya na Turaga me veiqaravi ena levu sara na itavi. “Niu a sa veiqaravi voli ena vanua era veiqaravi kina o ira sara ga oqori—peresitedi ni iteki kei na bisopi, kei na peresitedi ni italatala qase—sa na rawa niu kidava ka kila na ka sara ga era na gadreva tiko,”a vakamacalataka o koya.
A kaulotu tudei o Elder Callister mai na Eastern Atlantic States Mission, peresitedi ni italatalaqase, peresitedi ni kaulotu, daunivakasala nei peresitedi ni iteki, bisopi, peresitedi ni iteki, mata ni iwasewase, Vitusagavulu ni iWasewase, peresitedi ni Kaulotu mai Canada Toronto East, (2005–08), ka sa mai veiqaravi voli vaka-Peresitedi ni iWasewase ni Pasifika ena gauna e mai kacivi kina me lewe ni Mataveiliutaki ni Vitusagavulu.
E luvedrau o Reed kei Norinne Callister ka a sucu ena Tiseba 1945, mai Glendale, California, Amerika, e a rawata o Elder Callister na nona dikiri ni daunivika mai Brigham Young University ena 1968. E rawata na nona koroi ni loya mai na University of California e Los Angeles ena 1971. Ena yabaki 1972 e rawata kina na koroi ni LLM (master’s) ena ka e baleta na ivakacavacava mai na New York University. Mai na 1972 kina 2005 e a cakacaka voli kina vaka-loya, ka sa vola oti e so na ivola baleta na Veisorovaki kei na Vukitani vakakina na Veivakalesuimai.
E a vakamautaki Kathryn Louise Saporiti ena vula o Tiseba 1968 mai na Valetabu e Los Angeles California. E ono na luvedrau.
Sa raica o Elder Callister na liga ni Turaga ena veika e yaco ena nona bula. “Sa veivakadrukai sara ga na loloma ni iVakabula kau nanuma ni o Koya kei na Tamada Vakalomalagi erau sa waraka tu ga me rau vakalougatataki keda ena veika lalai kecega eda cakava, baleta ni o ya sa Nodrau ituvatuva.”