Iren Mahsen en Padahk en Pas SEPTEMPE 2011
Kakehlailih Peneinei Kan sang Kalaudlahn Pwoson en Pali Ngehn
Onopiki iren mahsen wet, oh ni duwen eh pahn konehng koasoaiahkihieng lih akan me komw kin pwarek. Doadoahngki peidek kan pwehn seweseikomwi kakehlailih riomw lih akan oh pwehn wiahda Pwihn en Sawas en Lih en wiahla pali kesempwal en pein ahmw mour.
Pwoson • Peneinei • Sawas
Julie B. Beck, president lap en Pwihn en Sawas en Lih mahsanih: “Mie rehi laudlahn kadehdehn kesempwalpen sapwellimen Koht serepein. … I pehm me saikinte mie anahnepen laudlahn pwoson oh mour pwung en emenemen duwen me anahn nan mwehi wet. Saikinte mie laudlahn anahnepen peneinei oh ihmw kan en kehlail duwen me anahn nan mwehi wet.”
Lih akan kak sawas wiahda ihmw oh peneinei kehlail kan ni arail pahn mwekidki kaudiahl me kohdohng pein irail. “Koahiek en warohng, alehdi, oh mwekidki kamarain me kohdohng pein emenemen wia koahiek me keieu kesempwal me kak alahldi nan mour wet,” Sister Beck doula. “Warohng Ngehn en Kauno kin tepikihda inangih alehdi Ngehno oh pil dehde me emen anahne en warohng. Kolokol kosonned akan, kolkoluhla, oh welweliakapw inou sarawi kan me wiawihda ni pepdais iei me kin kahluwaikitail ong kapai en kin ansou koaros ahniki Ngehn en Kauno rehtail. Wiahda oh kolokol inou sarawi kan en nan tehnpas sarawio kin pil kapatahieng kehlail oh manaman en pali ngehn ong mour en lih men. Pasapeng tohto ong peidek apwal akan kin dierek sang nan wadwadek pwuhk sarawi kan pwehki pwuhk sarawi kan wia ahl ong kaudiahl. … Kapakap rahn koaros kesempwal ong ahniki Ngehn en Kauno rehtail.”1
Kitail pil kin kakehlailih tohn atail peneinei kan ni pali ngehn ni atail kin seweseirail wehwehki duwen pilahn soutuk en Sahm Nanleng. “Dah me kitail wia pwehn kamwahuihla atail kaunop neitail serihkan ni pali ngehn ong arail pwukoa soutuk kan?” Elder M. Russel Ballard en Pwihn en Wahnpoaron Ehk-riemeno peidek. “Mwein pasapeng me keieu pid soahng koaros iei: Padahkihieng irail duwen momouriki padahk kan en rongamwahuo.” Padahk wet kin kohdo sang kapakap rahn koaros, onopiki pwuhk sarawi kan, oh mwongepene nan peneinei iangahki soutik en peneinei nan wihk koaros oh kin kohla Sarawi. Elder Ballard kawehwe: “Kitail kin kaunop rahn koaros, ansou wet, ong mour soutuk. Ma kitail sohte kaukaunop ong mour soutuk, eri kitail wie kaukaunop ong mehkot me tikitiksang, mwein tikitiksang douluhl.”2
Sang Pwuhk Sarawi Kan
Lepin Padahk Audapan Kan 22:6; 1 Sohn 3:22; Doctrine and Covenants 11:13–14; 19:38; 68:25
Sang Atail Poadoapoad
Soukohp Joseph Smith padahkihieng lih akan nan ehu mihting en Pwihn en Sawas en Lih nan Epreil 1842 me irail ahniki pwukoa keneinei en rapahki pein komourparail. E mahsanih, “Mwurin [ahi] padahk, kumwail pahn pwukoahki pein dipamwail kan; e wia ineng mwahu ehu kumwail en patoh mwohn Samatail Nanleng pwehn komourla pein kumwail; kitail koaros pahn pein sapengkihieng Koht mwomwen atail kamwahuiala marain oh eripit me Kauno ketkihieng kitail pwehn pein komourala pein kitail.”3E ketin padahkihieng irail en wia aramas mour pwung, en wiahla pwihn en aramas sarawi, oh en kaunopada ong tiahk oh inou sarawi kan en nan tehnpas sarawi.
© 2011 sang Intellectual Reserve, Inc. Kolokol pwuhng koaros. Ntingda nan USA. Kamanaman ong lokaiahn wai: 6/10. Kamanaman ong kawehwe: 6/10. Kawehwehpen Visiting Teaching Message, September 2011. Pohnpeian. 09769 885
Dahme I Kak Wia?
-
Ia duwen ahi kak sewese riei lih akan kalaudehla arail utohrohr ni pali ngehn?
-
Ia duwen ahi kak kamwahuiala pein ahi koahiek en kasawiada oh sapeng Ngehn Sarawi?
Mahlen sang kilel en Welden C. Andersen