Tohi ki he ʻĒtitá
Fakamoʻoni ʻo e Hokohoko Maʻu Fakahaá
Ko e Liahoná ko ha fakamoʻoni ia kiate au ʻo e hokohoko maʻu fakahā ʻi he Siasí. Ko ha palesiteni fakakolo au, pea kuó u maʻu ʻi he makasiní ha ngaahi tali ki heʻeku ngaahi lotú ʻo fekauʻaki mo e ngaahi houalotu ʻi hoku koló. ʻOku hangē ʻa e Liahoná ko e Tohi ʻa Molomoná—ʻo faingofua mo mahinongofua kiate kita. ʻE lava he taimí ni ʻe he toʻu kotoa pē ʻo ako ʻa e tokāteline ʻo Kalaisí pea ʻe toe mahino lelei ange ki he ngaahi kaungāmeʻa ʻo e Siasí ʻa e ngaahi tefitoʻi moʻoní pea mo hono fokotuʻutuʻu ʻo e Siasí. Te u hanga ʻo totongi ha makasini ʻa hoku ngaahi kaungāmeʻa teʻeki Siasí ke nau lava ʻo lavemonū ai ʻi he makasini fakaʻofoʻofa ko ʻení.
ʻĀmela Teivi Kiakaka, Kouti ti ʻAivolī
Ko ha Ngāue ʻo e ʻOfá
ʻOku ʻikai ke u fuʻu fakapapauʻi pe ko e hā kuo tukutaha ai e tokanga ʻa e Liahoná ki he toʻu tupú, fānaú mo e kakai lalahi kei talavoú, ka ʻoku ou ʻiloʻi taʻe toe veiveiua ko e ngāue ia ʻa ʻetau Tamai Hēvaní. Talu ʻeku kei siʻi mo ʻeku lau ʻa e makasiní pea saiʻia ʻi hono ngaahi pōpoakí, pea ʻoku mahuʻinga ʻaupito ia kiate au. Ko ʻeni kuó u fuʻu lahi pea ʻoku kei fakaofo pē kiate au e tokanga mai ʻa e Tamai Hēvaní kiate aú. ʻOku ou fakamālō loto hounga atu ʻi he ngāue ko ʻeni ʻo e ʻofá.
ʻOlivia Siutiti Sāvesi Veika, Pelū
Kātaki kae ʻomi haʻo ngaahi fakamatala pe fokotuʻu ki he liahona@ldschurch.org. ʻE lava ke ʻētitaʻi ʻa e ngaahi talí koeʻuhí ke lōloa feʻunga pe mahino.