O Lau Pepa Faataga o le Malumalu

Pe a atoa lou 12, e mafai ona e alu i le malumalu e fai papatisoga mo e ua maliliu. (O alii talavou e manaomia le umia o le perisitua.) Ina ia maua se pepa faataga, faatulaga se faatalanoaga ma lou epikopo po o le peresitene o le paranesi.

O pepa faataga mo le autalavou e ta’ua o pepa faataga e faatapulaa le faaaogaina, ma e lua ituaiga: o se vaega ma le taitoatasi. E mafai ona faaopoopo lou igoa i le pepa faataga a se vaega pe afai e te asiasi atu i le malumalu faatasi ma lau uarota po o le paranesi. O lenei pepa faataga e na o le tasi lava le asiasiga e aoga ai. Afai e te nofo latalata i se malumalu ma e mafai ona e auai soo i papatisoga mo e ua maliliu, e mafai ona e fesili i lou epikopo po o le peresitene o le paranesi mo so oe lava pepa faataga, lea e aoga mo le tasi le tausaga, pe afai e tumau lou agavaa.