Mai Rogoca na Domona E Dua na Parofita
Na iVakarau ni Soli Ka
From “Giving with Joy,” Liahona, Dec. 1996, 11–14.
E a dua na siga ni vulaikatakata. A mate ena kena yakavi o tinaqu. Mai valenibula keitou sa lesu tale tiko vakaveitamani ki neitou vale, oi keitou walega. Keitou vakarautaka sara e dua na ivakalomavinaka, ka veitalanoa kei ira na vulagi. Sa toso tiko na gauna, ka sa karobo mai, kau nanuma sara ni se bera tiko ni waqa na cina.
A la’ki dolava sara o tamaqu na katuba. Ka rau sa tu sara o Nei Catherine kei Momo Bill. Au raica sara ni taura tu o Momo Bill e dua na tavaya jeri. Au se nanuma rawa tikoga na damusa totoka, lokaloka, ni jeri kei na isogo taliva koula ni kena tavaya. A kaya o koya, “E na rairai dou na taleitaka.Dou se bera beka ni kana vakalomavinaka.”
E se bera. Keitou sa dabe sara ena teveli, tawa sara na jeri ena veleti titobu, ka keitou tekivu kana ka rau samaka mai na teveli o Momo Bill kei Nei Catherine.
Meu vakamacalataka mada, ni tolu tiko na iwalewale ni kena soli kei na ciqomi e dua na iloloma cecere. Sai iratou oqo, e vakaraitaki tiko ena iloloma ni jeri o ya.
iMatai, au sa kila ni rau kila vinaka tu o Momo Bill kei Nei Catherine na noqu nanuma. Rau sa kila beka ni keitou sa oca ka sega ni rawa me vakarautaki na kakana. Rau sa kila vakakina ni veleti jeri rau cakava mai, keitou na yalo vakacegu kina me sa dua tale na matavuvale. Au sa guilecava na ikanakana ni jeri o ya, ia au sega ni guilecava ni dua a kila na yaloqu ka kauwai mai kina.
iKarua, au vakila ni o ya e dua na iloloma sega ni saumi. Au kila ni sa lomadrau dina o Momo Bill kei Nei Catherine me rau kau iloloma mai. Na iloloma o ya a solia vei rau e dua na marau ni yalo ni soli ka.
Kei na ikatolu, o ya na solibula. Au kila ni a tawana o Nei Catherine na jeri o ya me kedratou ga. Eratou dau taleitaka talega na jeri. Ia a sega ni vakamarautaki iratou ka mai solia vei au. O ya na solibula. Ia au sa mai kila kina na dina oqo: erau sa kila vinaka beka kina o Momo Bill kei Nei Catherine ni rau na marau vakalevu cake keu na mai kania oi au ka sega ni o rau.
E tolu na ka e gadrevi ni soli e dua na iloloma cecere: ko na vakila na veika era vakila na tamata, ko na solia wale, ka vakatoka na solibula o ya me sa ka ni kalougata.
Na Kalou na Tamada a solia na Luvena, ka solia mai o Jisu Karisito na Veisorovaki—na isolisoli wale e sega ni vakarautaki rawa ka sa iyau levu vei keda. A solia wale mai o Jisu na Nona iloloma, kivei keda taucoko ena yalodina. E dua vei ira na ivakatakilakila ni sa ciqoma e dua na tamata na isolisoli ni Veisorovaki ni iVakabula sai koya na yalodina ni soli ka.