ប្រធានបទប្រវត្តិសាស្ត្រសាសនាចក្រ «យ៉ូសែបស៊្មីធ និងអាពាហ៍ពិពាហ៍ពហុពន្ធភាព »
« យ៉ូសែប ស្ម៊ីធ និង អាពាហ៍ពិពាហ៍ពហុពន្ធភាព
យ៉ូសែប ស្ម៊ីធ និង អាពាហ៍ពិពាហ៍ពហុពន្ធភាព
ពួកបរិសុទ្ធថ្ងៃចុងក្រោយជឿថា អាពាហ៍ពិពាហ៍រវាងបុរសម្នាក់ និងស្ដ្រីម្នាក់គឺជាច្បាប់ដ៏ចម្បងនៃអាពាហ៍ពិពាហ៍របស់ព្រះអម្ចាស់ ។១ នៅសម័យព្រះគម្ពីរប៊ីបព្រះអម្ចាស់បានបញ្ជាឲ្យប្រជាជនរបស់ទ្រង់មួយចំនួនអនុវត្តអាពាហ៍ពិពាហ៍ពហុពន្ធភាព - អាពាហ៍ពិពាហ៍របស់បុរសម្នាក់ និងស្ត្រីច្រើនជាងម្នាក់ ។.២ សមាជិកដំបូងខ្លះនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយក៏បានទទួល និងគោរពតាមបទបញ្ជានេះដែលបានផ្តល់ឲ្យតាមរយៈព្យាការីរបស់ព្រះ ។
បន្ទាប់ពីទទួលបានវិវរណៈដែលបញ្ជាឲ្យលោកអនុវត្តអាពាហ៍ពិពាហ៍ពហុពន្ធភាពយ៉ូសែបស្ម៊ីធបានរៀបការជាមួយប្រពន្ធជាច្រើនហើយបានណែនាំការអនុវត្តនេះទៅដល់អ្នកស្គាល់គ្នាជិតស្និទ្ធផងដែរ ។ គោលការណ៍នេះ គឺនៅក្នុងចំណោមផ្នែកដ៏ពិបាកខ្លាំងបំផុតនៃការស្ដារឡើងវិញ—សម្រាប់យ៉ូសែបផ្ទាល់ និងសម្រាប់សមាជិកសាសនាចក្រផ្សេងទៀត ។ អាពាហ៍ពិពាហ៍ពហុពន្ធភាពបានសាកល្បងជំនឿ និងបានបង្កឲ្យមានភាពចម្រូងចម្រាស និងការប្រឆាំង ។ មានតែពួកបរិសុទ្ធថ្ងៃចុងក្រោយមួយចំនួនទេដែលបានចាប់ផ្តើមស្វាគមន៍ការស្តារឡើងវិញនូវការអនុវត្តតាមព្រះគម្ពីរប៊ីបទាំងស្រុងដែលវាប្លែកខ្លាំងចំពោះការយល់ដឹងរបស់ពួកគេ ។ ប៉ុន្តែក្រោយមកមនុស្សជាច្រើនបានថ្លែងទីបន្ទាល់អំពីបទពិសោធន៍ខាងវិញ្ញាណដ៏មានឥទ្ធិពលដែលជួយឲ្យពួកគេយកឈ្នះលើភាពស្ទាក់ស្ទើររបស់ពួកគេ និងផ្តល់ឲ្យពួកគេនូវភាពក្លាហានដើម្បីទទួលយកការអនុវត្តនេះ ។
ព័ត៌មានលម្អិតជាច្រើនអំពីការអនុវត្តដំបូងនៃអាពាហ៍ពិពាហ៍ពហុពន្ធភាពមិនត្រូវបានគេដឹងទេពីព្រោះអ្នកចូលរួមត្រូវបានស្នើសុំឲ្យរក្សាសកម្មភាពរបស់ពួកគេជាការសម្ងាត់ ។ ដូច្នេះកំណត់ត្រាប្រវត្តិសាស្រ្តនៃអាពាហ៍ពិពាហ៍ពហុពន្ធភាពដំបូងគឺមានតិចតួច ៖កំណត់ត្រាពីរបីនៃពេលវេលាផ្តល់ព័ត៌មានលំអិតហើយការចងចាំនាពេលក្រោយមកតែងតែមិនអាចទុកចិត្តបានទេ ។ពួកបរិសុទ្ធរំឭករឿងសំខាន់ៗមួយចំនួនដែលទាក់ទងទៅនឹងការអនុវត្តអាពាហ៍ពិពាហ៍ពហុពន្ធភាពដោយយ៉ូសែបស្ម៊ីធ និងពួកបរិសុទ្ធថ្ងៃចុងក្រោយដទៃទៀត ។ សម្រាប់ព័ត៌មានបន្ថែមទាក់ទងទៅនឹងអាពាហ៍ពិពាហ៍ពហុពន្ធភាពដំបូងសូមមើល « អាពាហ៍ពិពាហ៍ពហុពន្ធភាពនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ »សំណេរប្រធានបទដំណឹងល្អ គេហទំព័រtopics.churchofjesuschrist.org ។
ប្រធានបទ ដែលទាក់ទង ៖ Joseph Smith Jr., Emma Hale Smith, Fanny Alger, Nauvoo Expositor