Na Wɔhwehwɛɛ sɛ Wɔhunu deɛ Yesu Yɛ

Elder James W. McConkie III na watwerɛ

Ɔka Aduɔson Kuo no ho

Medi adanseɛ sɛ Yesu te ase na ɔnim yɛn, na ɔwɔ ayaresa tumi, na ɔsiesie, na ɔde bɔne kyɛ.

Mmarima, mmaa, ne namfonom, wɔ afe 2013 ɔfrɛɛ me ne me yere, Laurel sɛ akannifoɔ wɔ Czech/Slovak Asɛmpatrɛ no mu. Yɛn mma nan ne yɛn someeɛ.¹ Whyira sɛ abusua ɛnam asɛmpatrɛ animdefoɔ a yɛnyaeɛ ne akunini Czech ne Slovak Ahotefoɔ no. Yɛ dɔ wɔn.

Wɔ berɛ a yɛduruu asɛmpatrɛ asase no so no, yɛde Elder Joseph B. Wirthlin nkyerɛkyerɛ no tuu anamɔn. Wɔ ɔkasa bi a wɔato din mu “Mmara Kɛseɛ no” Ɔpanin Wirthlin bisaa sɛ, “Wo dɔ Awurade?” N’afotuo ma yɛn a yɛbɛgye so “aane” no bɛyɛɛ mmrɛ na ɛmu dɔ “Pɛ mmerɛ ne No ntena. Dwendwene Ne nsɛm ho. Fa ne kɔndua to wo ho so. Hwehwɛ sɛ wobɛte aseɛ na w’adi soɔ.”² Elder Wirthlin afei mmaa nsakraeɛ nhyira bɔhyɛ too wɔn a ɔwɔ ɔpɛ sɛ ɔbɛnya mmerɛ ne beaeɛ ama Yesu Kristo nkyerɛkyerɛ wɔ wɔn bra mu.³

Yɛfaa Elder Wirthlin afutuo ne ne bɔhyɛeɛ no too akoma so. Na yɛ ne y‘asɛmpatrɛfoɔ no, nyaa mmerɛ pii ne Yesu suaa Mateo, Marko, Luka, ne Yohane nwoma no wɔ Apam foforɔ no mu ne 3 Nifae wɔ Mormon Nwoma no mu. Wɔ yɛn mpɔtamu Nhyiamu awieɛ biara no, akandifoɔ kuo, anaa amansin nhyiamu no, yɛhunu yɛn ho wɔ deɛ yɛfrɛ no “Asɛmpa nnum”⁴ akenkan, nkyerɛkyerɛmu, nsusuho, ne Yesu ho adesua.

Ɛwɔ me, me yere Laurel ne asɛmpatrɛfoɔ no, yɛ ne Yesu nyaa berɛ wɔ nsɛmpa no mu no sesaa biribiara. Yɛnyaa anisɔ kɛseɛ maa deɛ Ɔyɛ, ne deɛ na ɛho hia ma No. Yɛbɔɔ mu susuaa ɔkwan a Ɔfaa so kyerɛeɛ, deɛe Ɔkyerɛeɛ, akwan a Ɔfaa so daa ɔdɔ adie, deɛ ɔyɛeɛ de someeɛna ɔhyiraeɛ, N‘anwanwa dwuma, sɛdeɛ Ɔyii nnyima ano, deɛ ɔyɛ faa nipa ɔyaw denden mu, N’abɔdin ne Ne din, sɛdeɛ ɔtieɛ, sɛdeɛ eɔsiesiie ntawantawa, ɛwiase a Ɔtenaa mu, N’abambuonsɛm, sɛdeɛ ɔhyɛɛ nkuran wɔ koroyɛ ne ayamayɛ mu, Ne tumi a ɔde kyɛ na ɔsiesie, N’asɛnka, Ne mpaeɛ, Ne mpata aforebɔ, Ne wusɔreɛ, Ne nsɛmpa.

Yɛtaa nyaa atinka te sɛ “[tietia] honam dua” Zacchaeus retu mmirika akɔforo sycamore dua berɛ a na Yesu retwam akɔ Jericho ɛfirisɛ, sɛdeɛ Luka kyerɛeɛ no, “Yɛhwehwɛɛ sɛ yɛbɛhunu senea Yesu teɛ.”⁵ Na ɛnyɛ sɛ yɛpɛ anaa yɛ susuuiɛ deɛ Yesu bɛyɛ, na mmom Yesu sɛnea ɔteɛ ankasa.⁶ Sɛnea Elder Wirthlin hyɛɛ bɔ no, yɛ suaeɛ paa sɛ “Yesu Kristo nkyerɛkyerɛ yɛ nsesaeɛ nkyerɛkyerɛ. Ɛfa yɛn mmarima ne mmaa wɔ asaase yi so na asiesie yɛn mmarima ne mmaa ama ɛnniawieɛ.”⁷

Saa mmerɛ no yɛ nna soronko. Yɛbɛgye dii sɛ “Wɔ Nyame mu biribiara nyɛ den.”⁸ Awiaberɛ kronkron wɔ Prague, Bratislava, anaa Brno, yɛrenya suahunu wɔ Yesu tumi ne nokorɛ a ɔyɛ, kɔɔ so tenaa yɛn abrabɔ mu.

Na yɛtaa sua adeɛ Marko 2:1–12. Asɛm a ɛwɔ hɔ no twetwe adwen si so. Mɛpɛ sɛ mekenkan ɔfa bi firi Marko na afei mekyɛ no sɛnea m’abɛnya nteaseɛ paa wɔ berɛ a mesua wieɛ na yɛ ne asɛmpatrɛfoɔ ne afoforɔ kyerɛkyerɛɛ mu.⁹

“Na bio [Yesu] wuraa Capernaum wɔ nna kakra akyi; na na dede pii wɔ efie a na ɔwɔ no.

“Na ntɛm pa ara pii twa hyiaa hɔ, a mpo na wɔn nya baabi mma wɔn, mpo no nyɛ ɔpono no ano, na ɔkaa nsɛmpa no kyerɛɛ wɔn.

“Na ɔde obi a ɔyare mmubuo a nnipa so no brɛɛ no.

“Na ɛsiane nkurɔfoɔ no nti, na wɔntumi mmɛn no na wɔkɔpaa ɛdan a ɔwɔ mu no so, na wɔtuu tokuro de kɛtɛ a na ɔbubuani no da soɔ no faa mu gyaagyaa no too mu.

“Berɛ a Yesu huu wɔn gyedie no ɔka kyerɛ obubuani no sɛ, Ɔba, wɔde wo bɔne akyɛ wo”

Berɛ a ɔne kuo no dii ano baebae wieɛ no,¹⁰ Yesu hwɛɛ ɔbubuani no na ɔsaa no yareɛ honam ani, na ɔkaa sɛ:

“Mese wo sɛ, Sɔre, fa wo kɛtɛ na kɔ wo fie.

“Na ɔsɔreeɛ, na ntɛm ara ɔfaa ne kɛtɛ firii wɔn nyinaa anim kɔeɛ; na ɛmaa wɔn nyinaa ho dwirii wɔn, na ɔhyɛɛ Onyankopɔn animuonyam kaa sɛ, Yɛnhunuu sei bi da.”¹¹

Afei asɛm no sɛnea mate aseɛ no: Yesu wɔ Ne som adwuma no mfitiaseɛ no, ɔsan kɔɔ Kapernaum, mpataayie akuraa ketewa bi a ɛwɔ Galilea Po no atifi fam mpoano.¹² Wayɛ anwanwadeɛ a ɛnkyɛreeɛ a na ɔresa yareɛ na ɔretu ahonhom mɔnnee guo.¹³ Ɛnam sɛ ɔrepɛ ate na w’ahu onipa ba no a wɔfrɛ no Yesu no, nkurasefoɔ no kɔtwa hyiaa beaeɛ a ɔsusuu sɛ ɔtena no.¹⁴ Sɛdeɛ wɔyɛeɛ no, Yesu hyɛɛ aseɛ kyerɛkyeɛeɛ.¹⁵

Afie a na ɛwɔ Capernaum no, na, wakuruso traa, danpie baako, a wɔakeka abom.¹⁶ Na nkurusoɔ no ne afasuo no wɔde aboɔ, nua, ne dɔteɛ, na ɛta, na ɔde abama nkumaa atoto ano wɔ n’abɔnten.¹⁷ Na nnipa akuokuo no dɔree wɔ beaeɛ a na Yesu rekyerɛkyerɛ no te sii mmɔntene so.¹⁸

Asɛm yi nnyinasoɔ wɔ “obubuani” ne ne namfonom nnan no.¹⁹ Mmubuoyareɛ yɛ yareɛ a ɛdwodwo nipadua no na ɛde honam mmrɛ ne awosoɔ na ɛba.²⁰ Dwene ho sɛ ɛnam no mu baako rekasa sɛ “Yesu aba yɛn kuro yi mu. Na yɛnim nsɛnkyerɛnee a Wayɛ ne wɔn a Wasa wɔn yareɛ. Na sɛ yɛtumi de y‘adamfo yi kɔ ne nkyɛn ɛbia ɔno nso ho bɛfi.”

Nti, wɔn mu biara sɔɔ wɔn adamfo no kɛtɛ anaasɛ adasoɔ ano na wɔsoaa no de faa Capernaum, kuro no mmɔnten, a akyeakyea, yɛ fiaa, na wɔnguu soɔ so.²¹ Wɔn ntini reyɛ ya no, wɔmanee ntweaa a ɛtwa toɔ na ɔhunuu sɛ ɛdɔm anaasɛ, sɛdeɛ twerɛsɛm frɛ no no, “nsɛmtwerɛfoɔ” abɔ apee so wɔ hɔ retie a sɛ wɔbɛnya ɔkwan de akɔ Yesu hɔ no yɛɛ den.²² Wɔ ɔdɔ ne gyedie nti, baanan no aba mu ammu. Mmom, wɔn peree foroo ɛdan no soro tuu tokuro de wɔn yɔnko no faa mu too deɛ na Yesu wɔ rekyerɛkyerɛ no.²³

Fa no sɛ abrɛ a Yesu ama ne homeneso kyerɛkyerɛ na wate dede wɔ nkyɛnsee no soro, hwɛɛ soro na ɔhu tokuro wɔ mu na mfoturo repro gu fam wɔ ɛdan no mu. Obubuani a ɔda kɛtɛ so na wɔde no resiane fam. Ne nwanwaa, Yesu nyaa atinka bi sɛ ɛnyɛ dede hunu kɛkɛ na mmom ɛyɛ adehia. Ɔhwɛɛ barima no a ɔda kɛtɛ no so no, nnipadom anim de ne bɔne kyɛɛ no, na nsɛnkyerɛnee so saa no yareɛ.²⁴

Wɔ saa asɛmka wɔ Marko 2 nokorɛ nsɛmhia pii na ɛdane adi fa sɛ Yesu sɛ ɔne Kristo no. Edikan, sɛ yɛbɔ mmɔden boa obi a yɛdɔ ba Kristo hɔ a, yɛbɛtumi de awerɛhyɛmu ayɛ saa sɛ Ɔwɔ saa ahoɔden sɛ ɔbɛsoa yɛn bɔne nnesoa na ɔde akyɛ yɛn. Deɛ ɛtɔso mmienu, sɛ yɛde honam, adwene mu, anaa nyarewa a ɛkeka ho ba Kristo hɔ a, yɛbɛtumi ayɛ saa ɛfirisɛ yɛnim sɛ Ɔwɔ tumi de sa yareɛ na ɔwɔ awerɛkyekyerɛ nso. Deɛ Ɛtɔ so mmiɛnsa, sɛ yɛbɔ mmɔden tesɛ nnamfoɔ nan no de afoforɔ ba Yesu nkyɛn a, yɛbɛtumi de awerɛhyemu ayɛ ɛfirisɛ Ɔhu yɛn tirimpo a Ɔbɛdiso pɛpɛɛpɛ.

Kae sɛ, Yesu nkyerɛkyerɛ no hyiaa ɔhaw a na ɛyɛ tokuro a ɛrepie wɔ ɛdan no soro. Na anka ɛwɔ sɛ ɔtwi nkrɔfoɔ nan no anim anaa ɔpamo wɔn a ɔtuu tokuro no, twerɛsɛm no kyerɛ yɛn sɛ “Yesu hunuu wɔn gyedie ”²⁵ Wɔn a na wɔdii anwanwa dwuma no ho adanseɛ no ho “dwirii wɔn, na ɔhyɛɛ Onyankopɔn animuonyam, sɛ ɔde saa tumi no [ama] nnipa.”²⁶

Anuanom mmarima ne mmaa, ma me mfa nneɛma mmienu yi ntwa toɔ. Sɛ yɛyɛ asɛmpatrɛfoɔ, asɔfoɔ, Relief Society atitenafoɔ, ahwɛfoɔ, akyerɛkyerɛfoɔ, awofoɔ, annuanom, anaa namfoɔ, yɛn nyinaa yɛ Nna Ɛdi Akyire Ahotefoɔ asuafoɔ wɔ adwuma a ɛde afoforɔ ba Kristo hɔ. Suban a saa nnan yi daa no adi sɛ ɔde wɔn adamfo ɔbubuani no brɛɛ Kristo no yɛ adeɛ a ɛsombo na ɛfata abasobɔ.²⁷ Wɔn wɔ akokuoduro, nsesaeɛ, nyinasoɔ, nnwentaasoɔ, anidasofoɔ, animdefoɔ, anidasofoɔ, nokwafoɔ, awerɛhyɛmu, ahobraseɛ, ne yɔkɔduro.

Nea ɛka ho koraa no, nnamfoɔ nan yi gyinaa honhom mu mfasodeɛ a ɛwɔ ɔman ne ɛsom.²⁸ Sɛ ɛbɛyɛ a wɔde wɔn adamfo no bɛba Yesu nkyɛn no, ɛwɔ sɛ wɔn mu biara sɔ ne kɛtɛ no mu. Sɛ baako gyae ne fa mu a wɔnho kyere wɔn. Sɛ mmienu gyae mu, a wɔn adwuma bɛyɛ kwa. Yɛn mu biara wɔ asɛdeɛ wɔ Onyankopɔn ahennie no mu.²⁹ Sɛ yɛyɛ y’asɛdeɛ wɔ y’afa mu a yɛsoa yɛn afa. Sɛ yɛwɔ Argentina anaa Vietnam, Accra anaa Brisbane, nkorabata anaa wɔɔdo, abusua anaa asɛmpaka yɔnkoɔ, yɛn mu biara wɔ ɔfa bi pagya. Na sɛ yɛyɛ, na sɛ yɛbɛyɛ a, Awurade no bɛhyira yɛn abom. Sɛdeɛ Ɔhunuu wɔn gyedie, no saa na Ɔbɛhunu yɛn deɛ na w’ahyira yɛn sɛ nkorɔfoɔ.

Mpɛn pii mu makuta adasoɔ ntweaa so, mpɛn afoforɔ mu no me na wɔsoaaɛ. Tumi a ɛwɔ saa abasɛm soronko yi fa a ɛfa Yesu ho ne sɛ ɛkae yɛn mpɛn dodoɔ a yɛhia yɛn ho yɛn ho, sɛ anuanom mmarima ne mmaa, sɛ ɔmmra Kristo hɔ na ɔnya nsesaeɛ.

Yei ne nnoɔma kakra a m’asua afiri sɛ merenya berɛ ama Yesu wɔ Marko 2.

“Onyankopɔn nnom yɛn sɛ yɛbɛtumi [asɔ yɛn fa] na y’antwe ansane, na y’ansuro, na mmom yɛbɛyɛ den wɔ yɛn gyedie mu, na y’anya nwentaasoɔ wɔ yɛn adwuma ho, na y’atumi awie Onyankopɔn tirimpɔ.”³⁰

Medi adanseɛ sɛ Yesu te ase na ɔnim yɛn, na ɔwɔ ayaresa tumi, na ɔsiesie, na ɔde bɔne kyɛ. Wɔ Yesu Kristo din mu, amen.