Man Eneŋe Ererimbot
Ekeme ndikɔk ubiak ye ukpuhɔde kpa ye ndidiong kini nnyin ikponode Abasi, Ete ofuri nnyin, ye Jesus Christ, Eyen Esie.
Nditɔ-eka irenowo ye iban, ke ediye ini Easter emi, nnyin iminyene mfoniso ndisobo nyung mbɔ item ye ndausung nto mme isungutom Abasi.
Edisana ukpeme ye ukpep otode Ete nnyin ke Heaven anwam nnyin ndidu uwem ke mme idiok ini emi. Nte prophecy eketingde, “ikang, ye oyobio,” “ekong, etop ekong, ye unyek-isong ke nsio-nsio ebiet,” “ye kpukpru oruk obom-obom ido,”1 “udongo,”2 “akang ye unyek-isong”3 ke abiat mme ufokemana, obio, ye idut.
Odu nwurode efen eke oyohode ekondo: enwan ye ido Abasi ye uworo-ufin okuo ye okim. Nwuro emi ke okori oyom ndisio ido Abasi ye mbuotidem ke Abasi mkpong otuowo, ufoknwed, ndaha-ido ke obio, ye ukpep isong-idung. Mbon-efanga eke uworo-ifin ido Abasi emi eyom ndikpan man ekuting se efiokde ke esit ete ke edi akpaniko. Mmo esisua enyung esuhore mme ido ido Abasi.
Oruk edu oro ababahare owo, owuri nti ukpep, eti-ido, ukpono, ido-Abasi, ye emem eke ekikere.
Nso idi uworo-ufin ido Abasi?
Enye edi uworo-ufin eke ukpono ke ofuri ndaha esie: ke ndiboho, nditing-iko, ndinam-nkpo ntiene se enimde ke akpaniko, ye ndiyak mbon efen enam kpa ntre. Uworo-ufin ido Abasi enyime nnyin kiet-kiet ndibiere nno idem nnyin ke se nnyin inimde, nte nnyin ikpedude uwem ye ndinam nkpo nte asangade ye mbuotidem nnyin, ye se Abasi oyomde oto nnyin.
Ukeme ke ndikpan oruk uboho ido Abasi ntre idihe obufa. Ke ofuri emanan, mbon mbuotidem esinehede ebo ndutuho eto ubok mbon efen. Mbon Ufok Abasi Jesus Christ Mme Owo Ekpere Edem Usen edi ukem oro.
Tongode ke editongo, ediwak mbon emi eyomde Abasi ekedi Ufok Abasi emi otode ke ndisana ukpepnkpo esie, esinede mbuotidem ke Jesus Christ ye Erisio-isop Esie, nkabare-esit, uduak inemesit, ye Edifiak Obong nnyin ndi Oyoho Ikaba.
Efanga, ukobo, ye afai ama afina akpa prophet nnyin, Joseph Smith, ye mme mbon emi eketienede enye.
Ke ufot afanikong ke 1842, Joseph ama ewet mme akpan ekikere Duopeta eke obufa Ufok Abasi emi, esinede enye emi ete: “Nnyin iminyime unen ke ndikpono Akwa Abasi nte asangade ye udong-esit nnyin, inyung iyak kpukpru owo ndinyene ukem ifet oro, eyak mmo ekpono nte emade, ke ebiet ekededi, mme se mmo ekemede.”4
Iko esie esine, ndiboho, ye ndikpono. Oro edi idem-nkpo eke uworo-ufin ido Abasi.
Prophet Joseph Smith eting nko ete:
“Ami mmesongo nting kiso Heaven nte ke mmebenge-idem ndikpa ke ndikpeme mme unen eke owo Presbyterian, Baptist, mme eke eti owo eke nka efen; koro ukemukpep eke edifikde unen eke … Saints eyefik mme unen eke mme Roman Catholic, mme eke nka efen emi midiworoke etop inyung ikemeke ndinwana mbem idem mmo.
“Enye edi ima uboho [emi] osongoke ukpong mi—uboho eke obio ye ido Abasi ono ofuri ubon owo.”5
Nte ededi, ema enwana enyung ebine akpa mbon Ufok Abasi eduok ke anyan ebiet, esio ke New York eka Ohio eka Missouri, emi andikara okonode uyo ete eda mbon Ufok Abasi “nte mbon usua enyung ewot mmo mme ebin mmo esio ke idut oro.”6 Mmo ema eworo eka Illinois, edi ndutuho ama aka-iso. Etime-otu kiet ema ewot Prophet Joseph, ekere ke ndiwot enye eyesobo Ufok Abasi onyung asuan mbon ufok Abasi. Edi mbon mbuotidem ema esongo eda. Brigham Young, andida itie Joseph, ada ediwak tosin owo emi ekeyiride-esio aka usoputin ke itiat-isang 1,300 (2,100 km) ke ebiet emi edide idut Utah idahaemi.7 Mbio ntongo-ubon mi ekedu kotu mme akpa andidung obio oro.
Tongo kini idiok ukobo oro, Ufok Abasi Obong enehede okori edisim mbon owo million Efureba, emi ubak mmo ebede se idung ke United States.8
Ke April 2020 Ufok Abasi ekenam usoro isua Ikie-Iba eke Edifiak-mmen-iko Abasi ndi ye ntot enode ererimbot, emi mbon First Presidency ye Eboho eke Apostle Duopeba nnyin ekenode. Oro otongo ye, “Nnyin imiting ite ke Abasi ama ndito Esie ke ofuri idut ke ererimbot.”9
Edime prophet nnyin, Russell M. Nelson, ama aka-iso eting ete ke:
“Nnyin iminim ke uworo-ufin, mfonido, ye edifon nno kpukpru ndito Abasi.
“Kpukpru nnyin idi ndito-eka irenowo ye iban, kiet-kiet edi eyen edima Ete ke Heaven. Eyen Esie, Obong Jesus Christ, okot kpukpru owo ete etiene Enye, ‘obubit ye afia, ufin ye eyen-isong, eren ye nnwan.’ (2 Nephi 26:33).”10
Kere ye ami usung inang emi obio ye mme owo enyenede-ufon eto uworo-ufin edukpono.
Akpa. Uwɔrɔ-ufin ido Abasi okpono akpa ye udiana ibet, enim Abasi ke esit uwem nnyin. Nnyin ikoot ke Matthew ite:
“Ma Jehovah Abasi fo ke ofuri esit fo, ye ke ofuri ukpong fo, ye ke ofuri ekikere fo.”11
“Udiana onyung ebiet enye, ete, Ma mbohidung fo nte idem fo.”12
Ekpedi ke chapel, synagogue, mosque, mme ke ufɔk-ntan efukde ɔkɔm, mme mbet Christ ye kpukpru mme andinim ntre, ekeme ndiwut utenge nnɔ Abasi nte ekponode Enye enyung enyime ndinam-nkpɔ nnɔ ndito Esie.
Jesus Christ edi eti uwutnkpo eke oruk ima ye utom-unwm oro. Kini utom ukworo-iko Esie, Enye ama ese mme ubueme enyin,13 okok mbon udongo14 ye mme nnan.15. Enye ama ono mbon obiong udia,16 atara ubok Esie ono mkpri ndito-owong,17 onyung efen-ono mbon emi ekedude Enye, kpa mme andikiwot Enye.18
Nwed Abasi owut ete ke Jesus “akasanga ke ebiet ke ebiet anam ufɔn.”19 Ntre ye nnyin.
Udiana. Uwɔrɔ-ufin ido Abasi osongo ediwut mbuɔtidem, idorenyin, ye emem.
Nte ufok Abasi, nnyin idiana ye mme ido Abasi efen ndikpeme mme owo eke ofuri ebeit-ukpono ye mkpe-ubok ye unen mmo nditing iko esit mmo. Emi iworoke ke nnyin iminyime mbuotidem mmo, mme mmo ndinyime eke nnyin, edi nnyin imibuana awak ye mmo akan se ibuana ye mbon eyomde ndinime nnyin.
Mmi-mmi emi ami nkeda-nno Ufok Abasi nnyin ke Eboho Nka-ukpono eke G20 ke Italy. Ami mma-mbo osongo, nyung nem-esit, kini ami nkesobode ye mme adausung ukara ye edu-ukpomo eke ofuri ererimbot. Ami ndifiok ke ekeme ndikok ubiak ye ukpuhode kpa ye ndidiong kini nnyin ikponode Abasi, Ete ofuri nnyin, ye Jesus Christ, Eyen Esie. Akwa Andikok kpukpru nnyin edi Obong ye Andinyanga, Jesus Christ.
Ami mma nyeneinem ndaha ke nte ami ntrede etop mi. Mme ebe-iso owo itiaba emi eketingde-iko iketreke ke usung ido ukpono ndomokiet mme ke enying Abasi. Nte ntingde iko, ami nkere nte, “Nte ami mkpedoho sosongo ndien nsuk ntie, mme ami mkpetre ‘ke enying Jesus Christ’?” Ami nditi owo eke ami nkedide, ndien ami ndidiongo ke Abasi ediyom ami nsiak enying Esie ke ntrede etop mi. Ntre ke ami nkanam. Mfikade nse, oro ekedi ufang ono mi ndiwut mbuotidem mi, ndien ami mma nyene uworo-ufin ido Abasi nditing iko ntiense mi mbanga edisana enying Esie.
Oyoho Ita. ido Abasi anwam mbio owo ndinwam mbon efen.
Ini emi enode ido Abasi ufang ye ifet ndikori, mme andinim-ke-akpaniko enam ndimem ye ke ubakini nworo-nda utom unwam. Ibio-iko eke mbon Jew eset “tikkun olam,” oworode “ndidiong mme ndinengede ererimbot,” ke owut idem mfin emi ke ukeme eke ediwak owo. Nnyin imibuana ye Catholic Charities, efiokde nte Caritas Internationals, Islamic Belief, ye ibat mbon Jew, Hindu, Buddhist, Sikh, ye mme nka Christians nte Salvation Army ye National Christian Foundation. Otokiet nnyin iminwam ediwak owo se idu ke unana, ata idahaemi nno mbuot-ekong ufok-ofong ekpet-nna, ye udia,20 ye ndinɔ mkpi-nsin, esinede eke polio21 ye COVID.22 Ibat nkpɔ se enam awak, unana nko awak kpa ntre.
Mbume iduhe, mbon mbuotidem, enamde utom otokiet, ekeme ndinam akamba unwam. Ke ukem ini oro, owo iwakke ndikop etop utom unwam eke owo-kiet-kiet edi ke okpuhode uwem sung-sung.
Ami ndikere mbanga uwutnkpo ke nwed Luke kini Jesus Christ akanwamde ebekpa eke obio Nain. Jesus, nte asangade ye eboho mme anditiene enye, edisim udim isang edikibuk nkokure eyeneren eke ebekpa oro. Ke ebede enye, nnwan oro okpokut ukut ke ekikere, spirit, kpa ke nkpo-okuk. Jesus, nte okutde ɔkpɔiso esie ɔyɔhɔde ye mmongeyet, ɔdɔhɔ ete, “Kutua.”23 Ekem Enye otuuk ubiom-okpo, ndien mme andibiom etuak eda.
Enye ete, “Akparawa, ndoho nte Daha ke enyong.”
“Ndien akpa-mkpa adaha etie, otongo nditing iko. Ekem [Jesus] ayak enye ono eka esie.”24
Ndinam owo mkpa eset edi utibe-nkpo, edi edinam mfonido ye ndikere kiet-kiet mbanga owo eke enyenede mfina edi usung ediomi emi nnyin owo kiet-kiet nko ikemeke “[edisanga] ke ebiet kiet-kiet nam ufon nno owo.” idiongo ke “Abasi [odu] ye [nnyin].”25
Ndien ɔyɔhɔ inang. Uwɔrɔ-ifin ido Abasi ono odudu edidiana-kiet ye edidu-kiet man ekpeme ufɔn ye edisana-ido.
Ke Obufa Testament nnyin ikoot kabanga ediwak ediwongore mkpong Jesus Christ, ndikuni kabanga ukpepnkpo Esie ete, “Iko emi osong ebe: anie ekeme ndikop uto iko oro?”26
Ke ekokop uyom oro mfin emi eto mbon emi eyomde ndibin ido Abasi nsio ke otu nneme ye ukara. Edieke ido Abasi miduhe do man anwam ndinengede edu-uwem nyung ndiong ndioi ini, anie-owo edi inam? Anie edikpep akpaniko, esit-ekom, edifen-nno, ye ime? Anie edinyene ata-ima, esit-mbom, ye mfonido ino mbon emi ema ekefre ye mbon mmemidem? Anie edinyime mbon emi edide isio-isio edi esuk edi ke odot, koro kpukpru edide ndito Abasi? Anie editat ubok ino mbon unana inyung iyomke usiene/ Anie edinam emem inyung ikop-item ino mbet emi akande mme uyom eke eyo emi? Anie edibɔrɔ ikoot mkpe-ubɔk Andinyanga “Ka, kanam kpasuk ntre?”27
Nnyin iyeka! ihn, nditɔ-eka irenowo ye ibn, nnyin iyeka.
Ami nkot mbufo nte etomgo utom uwɔrɔ-ufin ido Abasi. Enye edi ndiwut ukpep-nkpo unen edimek emi Abasi onode.
Uworo-ufin ido Abasi anam mbuba mbufiok ada ukem-ukem. Eti eke ido Abasi, adanga esie, ye utom ima emi ido Abasi anamde eyewak kini nnyin ikpemeke uwɔrɔ-ufin man iting inyung inam nkpɔ ke mbuɔtidem.
Ami ndi ntiense ke Russell M. Nelson edi odu-uwem prophet Abasi. Ami nting ikɔ ntiense ke Jesus Christ ada-usung onyung ekpeme Ufɔk Abasi emi. Enye okosio-isop ɔnɔ idiɔknkpɔ nnyin, ekewot enye ke cross, ndien eset ke mkpa ke ɔyɔhɔ usen ita.28 Otode ke Enye,nnyin imikeme ndifiak ndu uwem ke ofuri nsinsi,ndien mbon siyom ntre ekeme ndidu ye Ete nnyin ke Heaven. Akpaniko emi ke ami nketing nno ofuri ererimbot. Ami mmenem esit nno uworo-ufin ke ndinam ntre. Ke enying Jesus Christ, amen.