Ebuana Nnyin Ye Abasi
Isehe oruk nkpo emi nyin ikutde ke uwem isong, nyin imikeme ndibuotidem ke Abasi inyung inyene idara ke Enye.
Nte Job ke Akani Ediomi, kini ufen ndusuk owo ekeme ndikere nte ke Abasi okpong mmimo. Koro nnyin ifiokde ke Abasi enyene odudu ndikpan mme ndimen ukut mfep, nnyin imekeme ndiduk idomo ke ndiseme edieke Enye minamke ntre, ndusuk nnyin imikeme ndibup nte, “Edieke Abasi minɔhɔ unwam eke Ami mbongde akam mbenge, didie ke Ami ndikeme edinyene mbuɔtidem ke Enye?” Ke ini kiet ke ini akwa ukut esie, edinen owo Job ama odoho ete:
Ndien efiok ete ke Abasi ama-due mi ndien onyung ada iyire esie ofuk mi.
“Okposuk-edi Ami ntuade, ‘Edue mi!’ Ami mboho iboro; okposuk-edi Ami mfioride nyom unwam, edinen ikpe iduhe.”1
Ke iboro esie Enye onode Job, Abasi obup, “Ndi afo emebiom mi ikpe man afo ekpedi edinen owo?”2 Ke nditing ke usung efen, “ ndi afo enye esin mi ke ndudue? Ndi afo eye biom mi ikpe man ikpe etebe fi?3 Jehovah ke odudu eti Job abanga anana-utit odudu ye ifiok Esie, ndien Job ke ke ata ntotongo nsuhoreidem enyime ke imo inyeneke nkpo ndomokiet emi ekperede ifiok, odudu ye edinen ido eke Abasi inyung ikemeke ndida ke ikpe ye Andikpon Nkan:
“Ami mmofiok nte ke afo emekeme ndinam kpukpru nkpo,” enye okodoho, “baba uduak kiet inyung ikanke fi ubok.
“… Nketing se mme ntimke ndifiok; nkpo edide utibe ekan mi, eke mme-nkoyung mfioke. …
“Mmodo nsuade idem, nnyung ntiede ke obu ye ntong ntua mkpofiok.”4
Ke utit, Job ama enyene ifet ndikut Jehovah, ndien Jehovah odiong Job ke ukperedem akan eke ntongo.”5
Ke akpan edi ndisime ke nnyin ye ata esisit ifiok ererimbot ndikere ndiboim Abasi Ikpe, kere, nte unwutnkpo, “Ami nkopke inemesit, ke ntre ekeme ndidi Abasi kanam nkpo emi mmifonke.” Ono nnyin, ndito Esie ke isong emi edude ke ererimbot emi ama okoduo, emi ifiokde ata esisit ibanga se ikibede, sidude idahaemi ye iniso, Enye odoho ete, “Kpukpru nkpo edu mi ke iso, koro Ami mmofiok kpukpru mmo.”6 Ke eti ibuot Jacob ono item ete: “Ekuyom ndino Abasi item, edi eyom ndibo item nto ubok Esie. Koro sese, mbufo ke idem mbufo emefiok ete ke enye ono kpukpru utom esie item ke eti ibuot, ye ke unen, ye ke akwa mbom,”7
Ndusuk owo ifiokke ete ke enwongo Abasi oworo ke ndikop item Esie eyeno sanga-sanga iboro ke ini emi ema ekenim. Mmo ekeme ndikere ete, “Edieke Ami nnamde utom ukworo iko Abasi mfon-mfon, Abasi eyediong mi ye inem ndo ye ndito,” “mme “Edieke Ami ntrede ndinam utom ufoknwed mmi ke usen Sabbath, Abasi eyediong mi ye nti ndaha ke ufoknwed.” mme “Edieke Ami kpede tithe, Abasi eyediong mi ye utom emi Ami nsuk nyomde.” Edieke uwem midighe ukem-ukem ke uto usung emi mme nkpo isangake ke ini emi ekekerede, mmo ekeme ndikere ke Abasi abianga mmimo. Edi nkpo itieghe nkpo utom ukwak ke ubono-nkpo edem enyong Inaha nnyin ikere ibanga uduak Abasi nte akwa nkpo-utom unyam edidiong eke ofuri ekondo emi nnyin (1) isat uto edidiong emi iyomde, (2) isin ibat nti utom emi eyomde, ndien (3) ndien eda se iyomde esok nnyin ke usop.8
Abasi eyekpono ediomi ye enwongo emi Enye anamde ono owo nyin kiet-kiet. Inaha nte nnyin ifina idem nnyin ibanga oro.9 Odudu usio-isop Jesus Christ—emi okosuhode okpong kpukpru nkpo ndien onyung odok ke enyong10 emi onyung eyenede kpukpru odudu ke enyong ye ke isong11— okut ete ke Abasi ekeme ndinam ndien eyeyung anam kpukpru mme enwongo Esie eworo esu. Edi akpan nkpo nyin ndikpono nyung nim mbet Esie, edi idighe kpukpru edidiong okongo ke nkopitem nno ibet12 ke ekenam, ekebot , enyung eno kini etiene nye nnyin iyomde. Nnyin inam ukeme nnyin edi anaiyak Enye ese nkpo abanga ndutim uno edidiong, eke esisi ini ye eke spirit.
President Brigham Young ama anam anwanga ete ke imo ibopke mbuotidem imo idori ke nkpo emi imo ikutde mme ke mme edidiong edi odoro ke iko ntiense ye ebuana imo ye Jesus Christ Enye ama odoho ete, Mbuotidem mi idoroke ke Obong ndisanga ke isuo inyang, ke enye ndida mme owo ndi mi, … mme ke mme mfon emi enye onode ikot esie mme mbon efen, inyung idighe mme enye odiong nnyin mme idiongke, edi mbuotidem mi odoro ke Obong Jesus Christ, ye ifiok mi emi Ami mbode nto enye13
Nkabare esit ye nkpoitem nnyin, utom nnyin, ye nwaidem nnyin enyene ufon. Nnyin iyom ndisine ke otu mbon emi Ether eketingde nte mmo etiede ete “eyoho ye nti utom kpukpru ini.”14 Edi enye inegheke idi ke ntak ibat emi ekenimde ke nwed unim ibat eke celestial. Mme nkpo emi edi akpan nkpo koro mmo eda nnyin esin ke utom Abasi ndien eyung edi mme usung emi nnyin idiande ubok ye Enye inam ke ndikpuhore nnyin nsio ke idiok nsin ke edisana owo.15 Se Ete eke Heaven enyimede ndino nnyin edi Idemseie ye Enyen Esie, ndadiana ye nsinsi ebuana ye Mmo oto ke mfon ye nkpeubok , Jesus Christ, Andifak nnyin.
Nnyin idi ndito Abasi, emi esiode enim eno unana mkpa ye uwem nsinsi. Akanga nnyin edi ndi-di adia-akpa Esie, “ndidiana ye Christ nyene udeme.”16 Ete nnyin enyime ndida nnyin kiet kiet usung ke usung ediomi Esie ye ikpat isang emi enamde etiene unana nnyin kiet kiet emi adade aka uduak Esie ndibo inemesit nsinsi ye Enye. Nnyin imekeme ndibemiso nkere ndiyene mbuotidem emi osuk okoride ke Ete ye Eyen, ekikere ima mmo emi osuk akade iso ndikori, ye edifon ndongesit ye ndausung Edisana Spirit.
Kpa ke ntre, usung emi ikemeke ndidi mmem-mmem nno owo nnyin kiet. Oyom ekese edinam-asana man enye edi mmem-mmem. Jesus odoho ete:
“Ami ndi ata vine, Ete mi onyung edi odiong-inwang-vine.
“Kpukpru nkok ke idem mi eke migwumke mfri [Ete] osibe efep, ndien kpukpru nkok eke onwumde mfri, enye odiong, man onwum mfri awak akan.”17
Ndausung eke Abasi ke ndidiong nyung nnam-asana eyedi, nte eyomde afanikong ye nkpo ubiak ndusuk ini. Ke nditi mme iko Paul, nnyin “imasanga ye Christ inyene udeme; koro ana nte nyin ima ukut ndutuho ye enyeinyeyung ida ubong ye enye.”18
Ke ntre ke ufot ikang edinam-asana, utu ke afo ayat esit ye Abasi, sik diana Abasi. Kot Ete ke enying Eyen. Sanga ye Mmo ke Spirit, kusen-kusen. Yak Mmo kini ekemde eyarade mbuotidem Mmo eno fi. Di fiok Mmo ke akpan yung fiok idemfo ke akpan.19 Yak Abasi akan.20 Andinyanga odoho ete:
“Kpang utong nno enye emi edide etie-ubiong nnyin ye Ete, emi ekpede ubok ono nnyin kiso esie—
“Odoho ete: Ete, sese ndutuho ye mkpa eke enye emi minamke idioknkpo, emi afo ekenemde esit; sese iyip Eyen Fo emi ekeduokde, iyip enye emi afo okonode man afo k’idem fo enyene ubong;
“Ke ntre, Ete, suho ndito ete mi emi [ye ndito eka iban] emi enimde enying mi ke akpaniko, man edi etiene mi enyung enyene nsinsi uwem”.”21
Kere banga ndusuk uwutnkpo eke mme nti iren ye iban emi ekeyenede mbuotidem ke Abasi, enyene mbuotidem ete ke mmimo iyebo mme edidiong esie kuwem mme ke mkpa. Mbuotidem mmo ikikongoke ke se Abasi akanamde mme mmikinamke ke ndaha kiet mme ke ini kiet edi ke ndifiok Enye nte Ete mfon-ido ye Jesus Christ nte eti Andifak mmo.
Ke ini oku Elkenah eke mbon Egypt okoyomde ndida Abraham nnam uwa, enye ama ofiori okot Abasi ndiyanga enye, ndien Abasi ama anam ntre.22 Abraham ama odu uwem akabare edi ete mbon mbuotidem emi otode ke mkpasip esie kpukpru ufok emana ke ererimbot eyebo edidiong23 kini ebede, kpa ke ukem itie uwa emi, kpa oku oro ama ada nkaiferi iban ita emi mifioke eren anam uwa emi “ke ntak eti uwem mmo … ikiyimeke ndituak ibuot nno abasi eto me eke itiat”24 Mmo ekekpa mkpa eti owo
Joseph eke eyo eset, emi ndito ete esie ekeyamde esin ke ifin ke ini akparawa, ama owongode ebine Abasi kini ukut esie. Sung-sung, enye ama okori akabade edi oworoiso owo ke ufok eteufok esie edi ndien ema ebiat kpukpru nkori emi efep oto ke ndori uyo eke anwan Potiphar. Joseph ekpekekere ete, “Ntre nkpokobi ke ami nkabare nyene ke ndinim mbet mfara ke idem,”. Edi enye ama akaiso ndiwongode mbine Abasi ndien enye ama enyene inyene kpa ke ufok nkpokobi. Joseph amafiak okut edikpu efen kini owo-nkpokobi emi ekedide ufan esie ekefrede enye kini ekefiakde eda enye esin ke akamba itie utom ke esa Pharaoh, okposukedi enye amakanam akanga ndiwam Joseph. Kini ekemde, nte afo ofiokde, Obong ama ebeoduk onyung ada Joseph esin ke ata akamba itie ubiong ye odudu ndidi udiana Pharoah, emi okonode Joseph ukeme ndinyanga ufok Isreal. Ke akpan Joseph ama ekeme nditing ete, “kpukpru nkpo esanga otokiet enam ufon eno mmo eke emade Abasi.”25
Abinadi ama enyene udong ndinam edisana utom ekenode enye. “Ami mmekure etop mi, ”enye odoho” ndien nsehe [se itibede ino mi], edieke edide ke Ami nyeboho.”26 Enye ikitreke ndikpa mkpa edinen owo, edi ke ata akpan iko enye ama oboho ke Obio Ubong Abasi, ndien Alma, owo esie kiet emi ekekabade esit, ama okpuho ndaha mbukuwem mbon Nephi adade aka edidi Christ.
Emaefak Alma ye Amulek esio ke ufok nkpokobi ke iboro nkpeubok mmo, ndien ema ewot mme andikikobo mmo.27 Kini ekebede, ntededi, kpa mme ukem andikobo emi ema etomo mme iban ye ndito mmo esin ke akwa ikang. Alma, ke enye okutde akwa nkpondik ke akwa ubiak ama obo ikpan oto Spirit ndida odudu Abasi nyagha mmo nsio ke edeme ikang.25man ebo mmo esin ke ubong Abasi26
Prophet Joseph Smith ama odu ke ufok nkpokobi ke Liberty, Missouri, ye unana-ukeme ndiwam ikotabasi kini ebiatede inyene mmo ke afai enyung ebinde mmo esiogo ke ufok mmo ke ata ini etuep. “O Abasi, afo odu ke mmong?” Joseph ama atua. “Adanga didie ke ubok fo editre?”30 Ke iboro, Obong owongo ete: ukut ye ntuanga fo edi-di ke esisit ini; ndien edieke afo oyode osim utit, Abasi eyemenede fi ke enyong.… Afo utiehe kanga nte Job.”31
Ke utit, Joseph amaekeme nditing nte job eketingde, mme [Abasi] eyewot mi, edi Ami nyeyene idorienyin ke enye.”32
Elder Brook P. Hales ama ono mbuk abanga eyen eka nwan Patricia Parkinson emi akamanade ye nti enyin ukut usung edi ke ini enye esimde isua duopkiet enye ama akabade edi nnan.
Elder Hales ama eting ete: “Ami mmafiok Pat ke ediwak isua ndien ke mmi-mmi Ami mma ndoho enye nte ke mmema nte enye esikpode inemesit onyung odu ke eti ndaha kpukpru ini. Enye oboro ete, ‘Ofon, afo usuduhe ye Ami ke ufok, ndi afo emesidu? Ami mmeyene ini mi. Ami mmesiyene ediwak ini mfuho, nyung ntua eyet eti eti.’ Nte ededi, enye adian do, ‘Tongo kini emi Ami nkotongode ndidongo nnan, enye ekedi esen ono mi, edi Ami mmafiok nte ke Ete eke Heaven ye Andiyanga edu ye ufokemana mi ye ami. Ono mbon esi ibupde mi mme Ami mmeyat koro ‘Ami ndongode nnan, Ami mboro nte, Ami nyom ndiyat esit ye anie? Ete eke Heaven odu ye Ami; Ami nduhe ikpong. Enye odu ye ami ke kpukpru ini.’”33
Ke utit, edi edidiong eke ndadiana ye nsinsi ebuana ye Ete ye Enyen ke nyin iyom. Enye anam kpukpru ukpuhore ndien ke nsinsi odot ekomurua oro. Nyin iyeno ikontiense ye paul ite “ ke ndutuho emi ikutde idahaemi idige se idotde ndida ndomo ye ubong eke ediyararede ke idem nnyin.”34 Ami nno ikontiense nte ke ifanake uto nkpo emi nyin ikutde ke uwem isong, nyin imekeme ndibuotidem ke Abasi inyung inyene idara ke Enye.
“Buot idem fo ye Jehovah ke ofuri esit fo; ndien kuberi ke edem ke asian fo.
”Diongo enye ke kpukpru usung fo, ndien enye eyenegere usung fo onim.”35
Ke enying Jesus Christ, amen.