Video: “Laa’ex li ixq li kiril a’an!”
Sa’ 1979 li Awa’b’ej Spencer W. Kimball wan chaq sa’ li b’anleb’aal, kixpatz’ re li xCamilla, li rixaqil, naq tixyaab’asi li raatin sa’ jun jolomil ch’utam reheb’ li ixq.
Hermana Camilla Kimball: “Naab’al re lix k’iijik li Iglees sa’ roso’jikeb’ li kutan taak’ulmanq xb’aan naq eb’ li chaab’il ixq re li ruchich’och’ (li kok’ aj xsa’ jwal nujenaqeb’ rik’in li musiq’ej) te’jilosiiq naab’aleb’ rik’in li Iglees. A’an a’in taak’ulmanq rik’in chan ru naq eb’ li ixq re li Iglees yookeb’ chixk’utb’al li tiikil ch’oolej ut li chaab’il na’leb’ank sa’ xyu’ameb’ toj reetal naq taa’ilmanq naq jalaneb’ li ixq re li Iglees—q’axal saheb’ xch’ool—rik’in li ixq re li ruchich’och’.”1
Awa’b’ej Russell M. Nelson: “Ex inkomon ixq raarookex inb’aan, ex qochb’een q’axal aajel eeru sa’ li roso’jikeb’ li kutan a’in, li kutan li kiril li Awa’b’ej Kimball, a’an anajwan. Laa’ex li ixq li kiril a’an! Lix saqalil ru eena’leb’, lee kutankil, lee rahom, lee chaab’il na’leb’, lix kawilal eech’ool, li yeeb’il cherix, lee paab’aal, ut lee tiikil yu’am te’xjilosiheb’ chi maak’a’jo’ rajlankileb’ li ixq re li ruchich’och’ rik’in li Iglees, rochb’eeneb’ ajwi’ lix junkab’al!
“Ajb’il ru lee kawilal, xjalajik lee ch’ool, xxaqxookilal lee ch’ool, lee seeb’al chi jolomink, xchaab’ilal eena’leb’, ut xyaab’ eekux. Lix awa’b’ejihom li Dios moko tz’aqal ta ut maajo’q’e taatz’aqloq ru chi maaka’eb’ li ixq li neke’ok sa’ loq’laj sumwank, ut neke’xk’uula. Eb’ li ixq li neke’aaatinak rik’in xwankil ut xwankilal li Dios! …
“… Maak’a’ naxye k’a’ru lee b’oqb’al, b’ar wankex sa’ lee yu’am, ajb’il ru lee k’oxlahom, lee na’leb’, ut lee musiq’anb’il aatin. Ajb’il ru naq tex’aatinaq chi kaw xyaab’ eekux sa’ li ch’utam re li teep ut li oqech. Ajb’il ru naq li junjunq chi ixq sumlajenaq na’aatinak jo’ “jun tz’aqal rech aj k’anjel li natenq’an naq nekexjolomink sa’ lee junkab’al rochb’een lee b’eelom. Ma sumlajenaqex malaj ink’a’, laa’ex wan eerik’in li seeb’al ut li xnimal ru nawom li eek’ulum jo’ maatan rik’in li Dios. Laa’o li winq ink’a’ naru taqab’aanu li nekexru chixb’aanunkil laa’ex.
“Naqanaw naq li xnimal ru ut roso’jikil b’aanuhom sa’ chixjunil li yo’ob’tesink, a’an li ixq! Ajb’il ru lee kawilal! …
“… Ninb’antioxi eere, ex inraarookil komon ixq, ut nekexwosob’tesi re teetaw xtz’aqalil eeteram, re teenujob’resi xb’isb’al lee yo’obtesinkil, naq chi laq’lo li quq’ toob’eeq sa’ li loq’laj k’anjel a’in. Sa’ komonil tootenq’anq sa’ xkawresinkil li ruchich’och’ choq’ re li xkab’ xk’ulunik li Qaawa’.”2