Diyin God Ba’ Áłchíní Ayói’áyó’ní
Táa ałkéé’ dasdzooígíí bahashne’ éí Nihi Zhé’é Diyin Yá’ąąshdę́ę́’ Bi ayóí’ó’o’ní nihił ííshjaní ádeile’, Ba’áłchíní.
Shik’is dóó shilahké, Jesus Christ bina’nitin baa shił hózhǫ́. Philippines dę́ę́’ dabidziłgo sodizin atah danilinígíí bee ayói’ó’óni’ bił nihoniyáágo ádanihiłní, Mabuhay!
Dii Easter abínígíí, Christ t’áá aaníí hináago yinishdlą́ , anoonéełdę́ę́’ náádiidzah dóó Diyin Azhé’é Yá’ąąshdę́ę́’ yił ayóí’anihó’ni’ hadaałt’éego dóó ahooł’áágóó. Díí jį́, Diyin Azhé’é Yá’ąąshdę́ę́’ dóó Jesus Christ bi’ayóí’ó’ó’ní t’áá’ át’é bá, éí hazhó’ó baa hashne’, éí Jesus Christ tí’hoozníígo nihá niná’ídlá’ígíí bee bééhózin. ”Diyin God nahasdzaan ayóó’áyó’níígo Biye’ t’áá ła’ígíí ninéédiní’ą” (John 3:16).
Diyin ya’yałt’i’í Nephi Diyin yánaal’a’ii nabidíiłkid haiyet’éego Diyin God bééhónísin, Nephi doo nanitł’agoo azhdííniid, ”Ba’áłchíní ayóí’áyó’níígo shił bééhózin” (see 1 Nephi 11:16–17).
Naałtsoos Mormon Wolyéhígíí biyi’dę́ę́’: Náánáła’ Diyin Bizaad ayóó’atéego yahalne’ éí Jesus Christ Yisdá’íiníiłii bi’ayóí’ó’ó’ní hadaalt’é ní: ”Dóó nihookáá, ni’da’iisíihgo biniinaa, doo biłdaniłíída; …yikída’oosts’as, … nideeniists’in, yik’ida’hidiizhee, ákondi yinłdzil, bi’ayóí’ó’ó’ní yee bá’áhwiinít’ígíí biniinaa dóó dine’é ba’áłchíní yichį́’ha’oołni” (1 Nephi 19:9). Yisdá’íiníiłíí bi’ayóo’ó’óní bidziilgo na’iiłná t’áá ałtsoní Iłinígíí yee yíniił’ą́. Nihił bééhózingo éí nihi Zhé’é Diyin Ya’ąąshdę́ę́’ yee ayói’ó’ó’níiníí t’áá éí át’é, haala Yisdá’íiníiłii jooba’go yee na’neezt’ąą éí Bi dóó Azhé’é “t’áá ła’í niłį́’” (see John 10:30; 17:20–23).
Ákó, heet’áo nihido’ bindiníná dóó Bi ayóí’ó’ó’ní t’áá ałtso bá’át’éehígíí baa ahéédiníídzįįł? Dii t’áá bééhózinígo Yisdá’íiníiłii yee nan’hinęęzt’ąą, t’áá aniiłtso ánihiłní: ”Ayóí áshííníígo, shibeehazáanii bike’ honíł’í’” (John 14:15).
President Dallin H. Oaks na’neeztąą’, “Diyin God t’áá ałtso yee ayóí’áyó’ní hadaałt’ego éí akihojidłí t’áá ałtso Biye’ Binanitin bohoot’ááł bii’, t’áá heeshį́ Bibeehaz’áanii yik’éh dahosinígíí akihojidłí alááh’at’éi ałdo bá hólǫ́’.”1
Táago hazą́ bee nihił hashne’ éí nihi Zhé’é Diyin Ya’ąąshdę́ę́ Bi’ayóí’ó’ó’ní, Ba’áłchíní, yił íísją́ą́ní ííł’̨í.
Áłtsé éí, Diyin God dóó Bił heejée bi k’éí niidlį́ eí Bi’ayoo’ó’óní bee bééhózin.
Ts’ídá alááh át’éego k’é éí Azhé’é dóó Aye’ dóó nihi kwa’asiní bił, haala hoołáágóó ałk’éí niidłį́. Iłhoozhǫ́ bihoot’aał ayóó ánoolnin éí Diyin God Bi’ayóí’ó’ó’ní bee bééhózin. Ładah łeesh dóó tsé nihiyi’dę́ę́’ hahbí’ayiiłne’ t’áá nihi nidzinígíí t’éí baantsíkeesgo éí bikék’eh’ ahooł’áágóó bee k’é hasin ádííłnííł nihi naa’ Diyin God Bihoot’aał bike’ siniłgo. Ła’go át’áo baantsá’hákeesgo, dii shį́į́ ”ayi’ sizíinii bii’ ha’agééd” wolyé. Nihiyi’ sizíinii bii’ ńdííłnishgo, ałtse’ Diyin God bé’diiłni’ dóó bich’į́’ sodidíilzį́į́ł (ninił’i’ Jeremiah 29:12–13).
Diyin God béédiiłní dóó bich’į́’ so’hodoozingo ha’dooniish dóó bá hwiidiił’aał nidoonishgí dóó ahool’ágóó k’é bidziiłgo ádiiłníł. Éí nihiyii’sizíinii t’áá yéego bee hootį́į́doo dóó nihíká ádoolwoołgo bee hootį́į́go lahgo ádidiiłnííł nahádzid dóó doo nihidiit’í’íí éí dooda. Yisdá’iiníiłíi, Jesus Christ be’iina’ dóó bina’nitin bóhooidiił’aał, áko hooł’áágóó bił’adahwiizt’i’go niniłbééhoozindoo.
Diyin bi ayóo’ó’ó’nį́ bee danihighango kéedahwiit’į́į́dooyę́ę́ nidaniłtła’i nihits’ąą niyiiłchxǫ. Ama ła’, béésh nitsekéésí ałą’ádat’ehígíí haghangi’ k’é yighahodiit’ąągo ba’akwozniizį́į́h, áko hoozdeez’ą́. Adazhnííyį́į́go dóó ałahnijidłeehgo kwinshdi’nííh, ”Béésh bee hane’í kwe’é nidanoniił; t’áá aaníí at’éego ahídikah.” K’ad dii kwit’éego dahinííná danihighangoo dóó t’áá k’e hasingo bee danihidziiłgo ahił niidłį́ t́’áá aaníí ahínéikahgo. K’ad ahinéikahgo baahózhǫ́ Ha’go’, Shi’kee Yinááł bóhó’aahígíí bee ahił dahwiiłné.
Naakigone’, Bi’ayóí’ó’oni’ Ba’áłchíní yił íísh’ją́ą́ ííł’í Bá yádaałt’í’í Yiki’hidííłníígo.
K’ad adahwiis’áágóó ”saad ałhit’áá dóó ałghadidt’ah bił dahóó’á’” Joseph Smith—History 1:10). Paul yeenihiiłniih “daholǫ́ … adahwiis’áágóó tóó ahayóo azhí ał’ąą ádaat’é’” (1 Corinthians 14:10). Heet’ehígíí azhí ałahdi bee hahoosíiłts’į́ dóó t’áásh ákónéehee aní? Diyin yá’yadałtí’íí, bił éédahózíníí, dóó áhodoonííł deinį́į́hii bizhí ádaat’é.
Ayóo bénááshnii, 2018 yéedą́ą́’ nashidishgizh dóó bik’idjį́, dishnishgoo yishaałgo, Sodizinjí nidaałnish’í nináda’ałbąs goné ni’niłbąąz. T’áádoo hooyání, President Russell M. Nelson shíízhi’, “Taniela, Taniela.” Bich’į́’ nidiishwod, dóó hanit’é shijiní.
Áhodishní, ”President Nelson, yá’át’ééh naashdłeeł.”
Shinaazhchid dóó shich’į́’ haadzíí. T’áá’aaníí baa ahéé’nisingo saad bee ha’a’honí yá’halne’ ”ła’” yee yíká aałwod.
President Nelson t’óó’hayóí kedayahgoo tádííyá. Baanits’eskéés, doo díkwíí dimííl neeniiztą́ą́da, ndi łą’í dimííł ”t’ááłá’í” nízínígo yíká iiłwod. Ákót’į́į́go, Diyin God bee ayói’ó’ó’ní Ba’áłchíní t’áá ałtso yee yiłhałne’.
T’áá ánii, President Nelson binanitin bee hasih dóó bee ha’ahoní Philippines dine’é yee yich’į’ haadzíí’. Ádahwiisáágóó kédayahgóó gi’at’áo, 2020 yą́ądą́ą́’, Philippines dine’é t’áá íiyisíí COVID-19 naałnį́ yik’éé ti’dahooznííh, dóó ni’yibéézh hahdahazna’, dóó ni’ndahaas’náa, dóó tó biłniyoł tsoh bits’ąądoo hwee tó’dałąąd.
Náhádzid, dóó cheineeh, dóó ąąna’hakaad bee cha’hałhééł, ndi k’os diiłhił bii’dee hadiitłaad Diyin ya’yałt’í’í bizaad bee. Adahwiisáágóó dahodiinosingo ch’iyáán ádąąhdat’į́į́go sodadołzin dóó náas yokah baahadzidii naałnįį́ ndi dadííniid. Nihighango nihe’ oodlą’ bee hasihgo nahasąągo ádahołééh nihidííniid. K’ad Sodizinjí atahdanilinígíí ííłní adahwiis’áágóó Diyin ba’áłchíní t’áá ałtso nihił nlį́ dóó bíni’di’ Diyin God nihe’ íína’ bii’ da’hólǫ́’.2
Anii t’áá áko’téego na’ííł’náago naaskid President Nelson bi’oodłą’ yee ádííniid ahéé’hwííndzin ayóo bidziił dóó sodoołzingo, áhosolts’ąą Philippines keyah bikáágóó.3 Leyte hoolyéedi, oodlanii ałąą’ádat’éhígíí áhiih’keigo binał na’askid, dóó éé’neishoodii ła’ éí yaa haadzį́į́’. Philippine dine’é, ni’bikaago keedahatííníí t’áá ałtso yił, biki’hojisdłį́į́ Diyin God bi ayóí’ó’ó’ní dabidíísnáá Ba’yáłtí’í yikihidiiłnį́į́’ígíí bizaad yee.
Táa góne’, Diyin God Ba’Ałchíní Yich’ahashkééhgo Bi’ Ayóí’ó’ó’ní bee Bééhózin
Łahda Diyin God Bi’ayóo’ó’ó’ní iishjoní áyiił’į́į́ nihi ch’ahashkéégo. Éí yee nihéénihííłnííh áyóó ánihóníígo dóó nihééhósin. Yee’ ádeehadoodzii t’áá ániiltso hózhǫ́ǫnii yee nihi ki’hooshdoodłííłgo Diyin Bił’ahadíít’ah bineełnį́į́hgo dóó hasht’e’ niná’díídaał niidzingo.
Ach’ahoodishkeh nihił bééhoozį́į̨́hgo dóó nihił t’áá ákogo, iisizíinii biná’anish át’éedoołeeł. Heesh na’bidilgizhgo bił yá’átééh, iishjąshii? Ndi heeshį́į́ yidiniłinigii dóó bił lą’go bindoonishígíí, yee yisdadoogaał go’át’é. Diyin God yicha’hashkéi ayói’áyo’níi. Diyin bizaad anihíłní (see Hebrews 12:5–11; Helaman 12:3; Doctrine and Covenants 1:27; 95:1). Éí ach’hodishke’, doodaii iisizíinii naalgizhgo, niha yá’atééhgo bee nihe iina’ łahgo ádiiłnííł. Nihił bééhódoozį́į́ł, kwá’ásiní, éí niłt’oolí anihidoolííł dóó nihi jéí bee hadiłt’éédoo.
Joseph Smith, Diyin ya’hałne’é, bicha’hot’oshkeed. Naałtsoos Mormon Wolyéhígíí niiznadiin dóó hast’ą́’aadah nidaháásdzohíigíí ła’ yoo’ayííjaago, Diyin God bich’a’hoshkeed dóó ayói’ó’ó’ní bił iishjoní áyiiłaa kóníigo: “Diné doo Diyin God yiłááh’át’éego beediiłdziiłda nt’éé … Ni oodłą’ beehodiinisindoo nt’é. … Shoo, Joseph niłí, dóó nikihoodiinį́. … Béénílnííh, Diyin God jooba’; ákó, ádanaóókąą” (Doctrine and Covenants 3:7–10).
2016 yąądąą, Little Rock, Arkansasdi na’nisht’ingo Brother Cava abidiishní, shaadí bich’į́’ í’iishła, shabaadiinił, Fijidi keehoojit’į́. Dóó neeyéinish’łii yee shi’chį́ hadzíį́’. ”President Wakolo,” jidiinįiįd, “nadí dahnidiidzáh, neeznáá yiskanidąą’ yóó’áłyaa.” Sha’hójooba’ígo ádąąts’idikééz dóó t’óóyó sha’hoochįįd bił heejéé ndi t’áádoo shiłda hoołné’da niizį́į́’.
Biisk’aní, she’esdzą Diyin yá’nidanit’inii nééntingo, dii shi’jéí yiihooł’e’: “Taniela, dii t’áá át’e beediníísééł dóó bee ya’ąnt’ééh doo. Na’nit’ingo’ ni oodlą’ bee ananíłwo, kodiníígo, Jesus Christ be’iina’ yee niha nina’ídlá; kad dii bik’eh yiniaał.” Yéshiníłniih, “Diyin God diné yich’ą náháshkehígíí éí biłhózhǫ́ǫdoo]: ák’o [nihi shį́į́] t’áádoo ak’idjį́ nts’ííkeesí … éí Ayóó’át’éí háshkéhgo” (Job 5:17). Shį́į́ sizíinii bina’azhnishgi’íísdza, dóó t’áadoo hodina’į́ náshiiłdziih.
Shił ahoodzaigii t’áh baants’eskéésgo, ála’iilí’gi’ saad bee ałch’i’ánałnée bee shahoodíít’ą́. Ałtsa, lahgo ádaat’ehígíí baa yałtí’, aadóó na’ntin bee shił iishjoní ałyaa ę́ę baa hasdzíí’: éí, Iisiziinii Diyin yee shichąh’hooskeedgo bina’jį́ áki’díít’a díiniid, dóó dii ayoo shiłniłí haalą́ t’ah shidééya disits’ąą; Nakigoné éí, Yisda’íiníiłii be’iina’ yee niha nina’ídlá dóó t’ihooznį́, kodóó ach’į́’ nahwiiná dóó t’ihoonį́į́ nadishnįįłda’ ndi óhoołąąh át’e; dóó táa’goné éi, haałą́ hadiłtéii’át’į́ dóó doo ásiihda’, éí bąą shi’ch’į́’anahoot’ígo dóó doo shidziiłda ndi bee anoosééłíí át’é. Dii shił’áhoodzaaígíí bee ákidíít’ą’ éí nihich’ahashkééhgo Diyin God ayóí’anniho’ní.
Ałch’į́’ ánashdłééh. Ahooł’áágóó nihi Zhe’é Diyin God dóó Biyé’, Jesus Christ, Bi’ayói’ó’ó’ní nihiłiishjąą ííłį́’ áko náásgoo biłk’é ahidiiní’ dóó nihi kwa’asiní’ bił, dóó dii jį́dí Diyin ya’da’hałné’íí nida’nitin dóó nihika’ andaałwo’, dóó nihi ch’anidahashkéhgo ídahwiiłą́ą́’ dóó danííłzeeł. ”Diyin od bich’į́’ ahéeh’íiłí t’áádóó binałt’éh BiYe’G Diyinii nihich’į́’ ayííł’a’,”4 nadiidzaa Diyin Bóhółnííhii, Christ hináánii. Jesus Christ bízhi’ bináhjį’, amen.