Kuht ac Srihkaclos Inge
(liye Abraham 3:25)
Ingena pa pacl in ahkolah ac srihke kuht sifacna in kuh in oruh ma nuhkwewa Leum God lasr el sapkihn nuh sesr.
Nga pruhe ke kahsruh luhn Nguhn Muhtahl nuh sesr kais sie ke nga akacsruhi nuhnak ac puhla ma tuhkuh nuh nuhnak luhk ac insiyuck in ahkolah ke toeni luhlahp se inge.
Yohk Srihpacn Test
Ke pucs liki yac longoul met liki pahngonyuck nga nuh ke kuhlwacnsap luhk ke Alu uh, nga orekma ke mwet lutlut se ac mwet kol se ke university. Srihpac se met luhk oacna sie mwet lutlut pa in kahsruh mwet lutlut in etwaclah kaclos sifacna. Yohk srihpac nuh ke orekma luhk pa in oraclah, gradeiyac, ac sang kahs in ahksuwohsye nuh ke test luhn mwet lutlut ah. Sahp kowos etuh tari, test uh tiac ma mwet lutlut luhngseyuck yohk ke lutlut uh.
Tuh test uh yohk srihpac nuh pwacye nuh ke lutlut. Test wo se kuh in kahsruh kuht in liye ma kuht enenuh etwaclah ac ma kuh etuh tari ke ma se; test uh oacyacpac sang srihkasrak se kuht in liye etwacack ac kapwack lasr.
Oacna, test ke lutlut luhn moul uh yohk srihpac nuh ke kapkapwack ma pahtpaht lasr. Tuhsruhk, kahs test tiac konweyuckyak finne pacl se ke ma suhmuhslah kuh standard works ke kahs English. Sahyac, kahs oacna srihke, tuni, ac liye orekmakihnyuck in ahkuhtweyac ohiyac ma ahkkahlwemye etwacack luhn nguhn lasr, kahlwem lasr, ac oaru lasr nuh ke plwacn engan ma pahtpaht luhn Pahpah Inkuhsrao ac kuh lasr in suk mwe insewowo luhn Iwaclah luhn Mwet Lahngo.
El suc oraclah plwacn in molwelah ahkuhtweyac srihpacn srihke luhn moul uh ke kahs srihke, tuni, ac liye ke ma suhmuhslah mahtuh ac sasuc. God El fahk lah elos ac srihke kuht in liye lah kuht ac kuh in oruh ma nuh kwewa ma Leum God lasr ac sapkihn nuh sesr uh. 1
Motko ke siyuck yohk lal Psalm David:
“Tuniyu, Leum God, ac srikeyu; liye insiuk ac nunak luk.
“Tuh lungse kawil lom atolyu: ac oaru lom kolyu pacl e nukewa.” 2
Oacna Leum fahk ke 1833, “Pwacnwacng, tiac sahngweng sin mwet lokoalok lom, tuh nga tuh fahkwack insiyuck, Leum el fahk, tuh nga in srihke kom ke ma nuhkwewa, finne kom oasr ke olwelah luhk, finne nuh ke misac, tuh kom in konweyuckyak nwacsnwacs.” 3
Srihke ac Liye ke Lwen Lasr
Yac 2020 etweyuck, kuhtuh, ke mas pandemic facluh ma srihke, tuni, ac liye kuh ke ohiyac puhkantwen. Nga pruhe tuh kuht oacna mwet ac sucu kuh in etwaclah ip yohk srihpac ma ma upac muhkwena kuh in luti kuht. Nga oacyacpac finsrak tuh kuht nuhkwewa in akihlen “woiyacn God” ac ma pwacye lah “el ac ahkmuhtahlye kweok [lasr] nuh ke wo [lasr].” 4
Ip yohk luo kuh in kol ac ahkweye kuht ke kuht sun mwe srihke ac ma upac ke moul lasr, kuhtwena ohiyac: (1) ip yohk in ahkolah, ac (2) ip yohk in ahkwot nuh met ke luhlahlfongi kuh in Kraist.
Srihke ac Ahkolah
Oacna mwet tuhma lutlut luhn Mwet Lahngo, sapkihnyuck kuht in “ahkolah ma enenweyuck nuhkwewa; ac ahkolah sie lohm, finne sie lohm in pruhe, sie lohm in lalo, sie lohm in luhlahlfongi, sie lohm in lutlut, sie lohm in wolacna, sie lohm in nwacsnwacs, sie lohm in God” 5
Olwelah nuh sesr “kom fin ahkolah kom ac tiac sahngweng.
“Ac tuh kom in kahingkihn kuh luhn mwet lokoalok ah, ac oracniyuck nuh sihk sie mwet suwohs, wacngihn fohkfohk ac ma koluk.” 6
Ma suhmuhslah inge sang kahs in kahsruh suwohs in oraclah ac ahkolah moul ac lohm lasr ke ma luhn facluh ac nguhn. Srihke lasr in ahkolah ke mwe srihke luhn moul uh enenuh in ukwe srihkasrak luhn Mwet Lahngo, suc “kapkapak in lalmwetmet ac in lumahl, ac el arulana ohi yurin God ac yurin mwet uh.” 7 —ohiyac wo nuhkwewa luhn lahlmwetmwet, mahno, nguhn, ac sucu ac kawuck.
Ke sie lwen mahlwem luo tari ah, Susan ac nga oacklah mongo sefiyuck ac kuhfa emergency lasr. Ke pacl sacn, COVID-19 yohkwelihk, ac kusrusr tuh ahkkolukye lohm sesr acn Utah. Kuht orekma ke muhtwacwacackiyacn macruht lasr in ukwe mwe sensen luhn mwet pahluh in ahkolah ke pacl upac, na “tuni” ahkolah lasr ke mas virus ac kusrusr luhman wo ac fal nuh sesr in oruh. Kuht ke liye grades lasr ke test tiac plwacniyucki inge.
Kuht etwaclah ma puhkantwen. Ke kuhtuh ohiyac, ahkolah lasr wo na. Ke kuhtuh ohiyac sahyac, tuhsruhk, enenuh in ahkwoye ke srihpen kuht tiac akihlen ac oraclah mwe enenuh in wo.
Kuht oacyacpac isracsr yohk. Kuh konwacack, ke srihkasrak, mongo ke rum yolyak lasr ma tuh oasr we ke yac puhkantwen. Ke pwacye, kuht sahngweng in ikacslah ac liye kuhtuh mongo ke srihpen kuht sahngweng in siepac mas pandemic in som nuh facluh! Tuh kom in engan tuh kuht tohllah mongo koluk mahtuh inge ac kuht kahingkihn mas ongaiyac sasuc se inge.
Kuhtuh mempucr ke Alu uh nuhnkuh muh kuhfa ac plwacn emergency, mongo sefiyucklac, ac mongo yolyak ke lwen tolu tiac yohk srihpac ke srihpen Mwet Sap ah tiac sramsram ke ke pacl sa ke ma inge ke toeni luhlahp. Tuh mwe sensen inge tuh sulkackihnyuck sin mwet kol luhn Alu uh ke yac pucs. Ke srihpen mwet pahluh sramsram ke ma inge ke yac pucs oruh arulacna yohk srihpac mwe ahksensen se inge.
Oacna pacl upac ahkkahlwemye muhnahs ke ahkolah lasr luhn ma luhn facluh, na suhnuhnkuh ac alsruhngwesr lasr ke ma luhn nguhn arlac ahkkoluk ke pacl srihke lasr. Kuht etwaclah, ke srihkasrak, puhpuhlyuck luhn muhtwacn singucul suc tuhpan ahkolah oruh koluk nuh ke srihke lasr. Esam lah fuhkah muhtwacn limekohsr lahlfon tiac ahkolah fal nuh ke test utuckyang nuh selos ke lwen in tuhkuh luhn mwet pihsrlac.
“Ma limekosr ma lalfon uh us lam lalos, tuh wangin oil elos us saya:
“A ma limekosr ma lalmwetmet uh us pac sufa sessesla ke oil welulos. …
“Ke sun infulwen fong, sie pusra kasla ac fahk, Mwet pisrla el a tuku nge! Fahsru osun nu sel!
“Mutan fusr nukewa ngutalik ac akoela lam lalos.
“Na mutan lalfon limekosr ah fahk nu sin ma lalmwetmet limekosr ah, Se lasr kutu oil lomtal an, mweyen lam lasr uh ac kunla.
“Na ma lalmwetmet limekosr ah fahk, Kut fin ac sot, na ac sufalla nu sesr kewa. Fahla molela kutu lomtal ke nien kuka ah.
“Ac ke elos som, mwet pisrla el tuku. Mutan limekosr ma lalmwetmwet uh welul utyak nu ke kufwen marut uh.
“Tok, na mutan limekosr saya elos tuku, ac fahk, ‘Leum! ‘Leum! Ikasla nu sesr!’” 8
“Na mwet pisrla el fahk, ‘Tia ku! Nga tia etekomtal!’” 9
Ke test se inge, muhtwacn lahlfohn limekohsr srihkeyuck in mwet suc lohng muhkwena ac tiac oruh ma kahs fahk. 10
Oasr kawuck se luhk suc lutlut law school. Ke pacl in lutlut lal, Sam el sang pacl in liye, esamyac, ac etwaclah ke ma el suhmuhslah ke kais sie kuhlahs el lutlut kac. El ukwe atac se inge ke kais sie kuhlahs lal kais sie wik ac mahlwem. Ohiyac se inge kahsrwel in etwaclah law likina in esam ma srihsrihk muhkwena. Ke test luhlahp se tuhkuh, Sam el ahkolah tari. Ke pwacye, el konwacack pacl in test luhlahp pa pacl fihsrwacsr emet ke lutlut in mwet lawyer lal. Ahkolah wo ac fal enenuh in met liki pacl srihkeyuck wo.
Mukwikwi lal Sam nuh ke lutlut in lawyer lal ahkkahlwemye sie pactuhn luhn Leum ke ahkwoye ac kapwack. “Leum God El fahk ohinge: Nga fah sang nuh sin tuhlihk nuhtin mwet ip nuh ke ip, luti nuh ke luti, kuhtuhsrihsrihk inge ac kuhtuhsrihsrihk ingoh; ac insewowo elos suc porongo luti Luhk, ac sang insrwaclos nuh ke kahs in kahsruh Luhk, tuh elos fah lotwelah lahlmwetmwet; tuh nuh sel suc eis Nga fah sang in yohk pac.” 11
Nga suli kais sie sesr in “nuhnkuh ke [ohiyacsr]” 12 ac “tuni [kuht sifacna], [kuht] fin in luhlahlfongi; [ac] srihke [kuht] sifacna.” 13 Kuh meac kuht etwaclah ke mahlwem inge ke eklac ac masap sasuc nuh moul lasr? Meac kuht enenuh in oruh in ahkwoye moul lasr ke nguhn, mahno, kawuck, nuhnak, ac lahlmwetmwet? Ingena pa pacl in ahkolah ac srihke kuht sifacna in kuh in oruh ma nuhkwewa Leum God lasr el sapkihn nuh sesr.
Srihke ac Ahkwot nuh Met
Nga tuh som nuh ke mas misac kacn misinacri fuhsr se suc misac ke ongaiyac se. Pahpah tuhmwacn misinacri se sramsram ac ahkuhtweyac ngal insiyacl ke tuhlihk nahtuhl misac sa ke moul lal. El fahk lah el tiacna etuh sifacna srihpac se kuh lah efuh pacl sacn ke misac sac. Tuh nga ac esam mukul wowo se fahk muh el etuh God El etuh srihpac ac pacl luhn misac luhn tuhlihk nahtuhl—ac fal nuh sel. El fahk lah el ac sucu lal, finne ahsor, ac wona; luhlahlfongi lalos srackna fokoko ac pwacye. El ahksahfye sramsram lal ke fahk se inge: “Nga ke kowos in etuh lah ke wosasuc luhn Jisus Kraist, sucu lasr luhlahlfongi nuh pwacye. Kuht nuhkwewa wi nuh pwacye.
Misac luhn mwet kuht luhngse arlac ahsor ac upac, tuh mempucr luhn sucu wowo se inge ahkolah ke nguhn tari in srihkeyuck muh elos kuh in etwaclah mwe luti yohk srihpac ma pahtpaht nuh ke ma elos kweokkihn. 14
Luhlahlfongi tiac lahlfon kuh wel. Likina, pa in luhlahlfongi ac sang finsrak lasr kacl Jisus Kraist oacna Mwet Lahngo lasr, nuh ke Inel, ac ke olwelah Lal. Ke kuht “ahkwot nuh met ke luhlahlfongi kuh in Kraist, in oasr kahlwem suwohs luhn finsrak, ac luhngse God ac mwet nuhkwewa,” 15 kuht ahkinsewowoyeyucklac ke kahlwem ac etuh ma pahtpaht ma som liki pacl srihsrihk luhn moul uh. Kuht ac ahkkweyeyuck in “fahsrweni, ac tu ke acn muhtahl” 16 ac “tiac mukwiwi, nuh ke lwen Leum El ac tuhkuh.” 17
Ke nga kuhlwacnsap ke prestuhn luhn Brigham Young University–Idaho, Elder Jeffrey R. Holland el tuhkuh nuh we ke Tisacmpuh 1998 in sramsram ke sie sin devotionals lasr ma kuht oruh wik nuhkwewa. Susan ac nga suli un mwet luti in ohsun nuh se ac muhtwacta yohrohl Elder Holland met liki el use pweng lal. Ke pacl lasr tuhkweni apkuhran tari, nga siyuck sel Elder Holland, “Kom fin luti mwet luti inge ma sefanna, kuh meac kom ac luti?”
El topuk:
“Kuht liye ingena pacl ke fahsrwelihk yohk. Sulaclah fihsrwacsr ac fah eisyucklac liki kuht Mwet Luhlahlfongi ke Lwen Sahflah. Sulaclah fihsrwacsr fah itucklac.
“Fin kom kofkof tiac fokoko ke kuhiyacn ifacl soko, kom fah mukwikwi. Kom fah ukwe na kuhiyacn infacl soko. In ukwe na infacl, ukwe na kof, ukwe na kuhiyacn infacl soko tiac fal.
“Sulaclah enenuh in oreklac. In tuhpan sulaclah pa sulaclah se. Etwaclah in sulaclah ingena.”
Fahk lal Elder Holland ke fahsrwelihk lihksreni ma ahkpwacyeiyuck oacna fwackyuck ke facsin ac ma sikyak facluh ke yac 22 tukun el topuk kihsensiyuck luhk. In palye ke fahsrwelihk lihksreni inmahsrlon ohiyacn Leum ac facluh, Elder Holland el sensenkackihn tuh lwen fihsrwacsr in sie niyac ke Alu fohlohkyak ac niyac se sahyac ke facluh ac wacngihnlac. Mwet kuhlwacnsap luhn Leum El kwacfe mwet fuhsr in sulaclah, ahkolah, ac ekihn mwet tuhma lutlut luhn Mwet Lahngo. El kahsrwelos in ahkolah ac ahkwot nuh met ac nuh srihke, tuni, ac liye pacl upac luhn moul lalos.
Olwelah ac Fahkwack Luhlahlfongi
Ohiyac se in srihke kuht sifacna yohk srihpac nuh ke plwacn in engan wolacna luhn Pahpah Inkuhsrao. Nga olwelah lah ke kuht ahkolah ac ahkwot nuh met ke luhlahlfongi ke Mwet Lahngo, kuht kwewa kuh in eis grade se pacna ke test luhlahp luhn moul uh: “Kom mwet kulansap wo ac oaru. Wona orekma lom. Kom oaru in liyaung ma pus, inge nga ac fah sot tuh kom in karingin ma pus. Fahsru ac wiyu engankin mwe insewowo luk!” 18
Nga fahkwack lah God Pahpah Ma Pahtpaht pa Pahpah tuhmwacsr. Jisus Kraist el Wen Moul Sefanna Nahtuhl, Mwet Lahngo ac Mwet Molwelah lasr. Ke ma pwacye inge nga fahkwack ke engan ke ine muhtahl luhn Leum Jisus Kraist, amen.