දෙවියන්වහන්සේ සමග හවුල්කාරිත්වයේ සිටිනා ගිවිසුම් කාන්තාවන්
දෙවියන්වහන්සේ සමග හවුල් ගිවිසුමක් ඇති කාන්තාවක් වීම යනු දෙවියන්වහන්සේගේ ශ්‍රේෂ්ට හා යහපත් දියණියන් සැමවිටම මවක් වී, මෙහෙයවා, දේවසේවය කර තිබෙනවා.
දෙවියන්වහන්සේගේ ගිවිසුම් දූවරුන් වන ඔබ ඇමතීමේ ආශිර්වාදයට මම කෘතඥ වෙනවා. අද රාත්‍රියේ, මගේ අරමුණ ඔබව කැඳවනු ලබන ශ්‍රේෂ්ට සේවයට ඔබව දිරිමත් කිරීමයි. ඔව්, මාගේ හඬට සවන් දෙන දෙවියන්වහන්සේගේ සෑම දියණියක්ටම ස්වාමින්වහන්සේ වන යේසුස් ක්‍රිස්තුස්වහන්සේගෙන් ඇමතුමක් ලැබී තිබෙනවා.
ඔබේ ඇමතුම ආරම්භ වූයේ, ඔබ වෙනුවෙන් තෝරාගත් ස්ථානයක සහ වේලාවක ඔබව පරිපූර්ණව දන්නා සහ උන්වහන්සේගේ දියණිය ලෙස ඔබට ආදරය කරන දෙවි කෙනෙකු විසින්, ඔබව ලෞකිකත්වයේ තැබූ විටමයි. ආත්මික ලෝකයේ, උන්වහන්සේ ඔබව හඳුනන අතර ඔබට ඉගැන්වූ අතර ලෝක ඉතිහාසයේ දුර්ලභ වූ බෞතීස්ම තටාකයකට ආරාධනා කිරීමට ඔබට අවස්ථාව ලැබෙන තැනක තබා ඇත. එහිදී, යේසුස් ක්‍රිස්තුස්වහන්සේගේ කැඳවූ සේවකයෙක් පවසන මේ වචන ඔබට ඇසෙනු ඇත: “යේසුස් ක්‍රිස්තුස්වහන්සේගෙන් බලය පැවරී ඇති මම පියාණන්, පුත්‍රයාණන් සහ ශුද්ධාත්මයාණන්ගේ නාමයෙන් මම ඔබව බෞතීස්ම කරමි. ආමෙන්.”1
ඔබ වතුරෙන් එළියට එන විට, සේවය කිරීමට තවත් ඇමතුමක් ඔබ පිළිගෙන තිබෙනවා. දෙවියන්වහන්සේගේ නව ගිවිසුම් දියණියක ලෙස, ඔබ පොරොන්දුවක් දී යේසුස් ක්‍රිස්තුස්වහන්සේගේ පසු-දවස්වල ශුද්ධවන්තයන්ගේ සභාවේ පැවරුමක් ලබාගත් අතර, ඉන්පසුව ඔබ සාමාජිකයෙකු ලෙස තහවුරු වුණා. යේසුස් ක්‍රිස්තුස්වහන්සේගේ නාමය ඔබ වෙතට ගෙන ඒමටත්, උන්වහන්සේගේ අණ පණත් පිළිපැදීමටත් හා උන්වහන්සේට සේවය කිරීමටත් ඔබ දෙවියන්වහන්සේ සමග ගිවිසුමක් ඇති කරගෙන ඇත.
මෙම ගිවිසුම් ඇතිකරගන්නා සෑම කෙනෙකුටම, ස්වාමින්වහන්සේ ඔහුට හෝ ඇයට කිරීමට කැඳවන එම සේවය එම පුද්ගලයාට හොඳින් ගැලපේ. කෙසේවෙතත්, ගිවිසුමේ දියණියන් හා දෙවියන්වහන්සේගේ පුත්‍රයන් සියල්ලෝම එක වැදගත් හා ප්‍රීතිමත් ඇමතුමක් බෙදාගන්නවා. ඒ උන්වහන්සේ උදෙසා අන් අයට සේවය කිරීමයි.
සභාපති රසල් එම්. නෙල්සන් සහෝදරියන් සමග කතා කරමින්, ස්වාමින්වහන්සේගේ කාර්යයට උන්වහන්සේ හා එක්වන ලෙස ඔබෙන් ඉල්ලා සිටි අපූරු සාරාංශයක් ලබාදුන්නා. ඔබගේ ඇමතුම සභාපති නෙල්සන් මේ ආකාරයට විස්තර කළා: “ස්වාමින්වහන්සේ මෙසේ වදාළ සේක: ‘මාගේ කාර්යය හා මහිමය මනුෂ්‍යයා සඳහා අමරණීයභාවය හා සදාකාල ජීවනය ගෙන ඒමයි.’(මෝසෙස් 1:39.) එබැවින් උන්වහන්සේගේ කැපවූ අනුගාමික-දියණිය සැබවින්ම මෙසේ පැවසිය හැකිය, ‘මාගේ කාර්යය හා මහිමය නම් මගේ ආදරණීයයන්ට එම ස්වර්ගීය ඉලක්කය කරා ළඟාවීමට උපකාර කිරීමයි.’
“තවත් මිනිසෙකුට සෙලෙස්ටියල් සුදුසුකම කරා ළඟාවීමට උපකාර කිරීම ස්ත්‍රියගේ දිව්‍ය මෙහෙවරේ කොටසක්. මවක්, ගුරුවරියක් හෝ සාන්තුවරයෙකු ලෙස ඇය ජීවමාන මැටි සකස් කරන්නේ ඇගේ බලාපොරොත්තු වල හැඩයටයි. දෙවියන්වහන්සේ සමග සහයෝගයෙන්, ඇගේ දිව්‍යමය මෙහෙවර වන්නේ ආත්මයන්ට ජීවත්වීමට සහ ප්‍රාණයන් ඔසවා තැබීමට උපකාර කිරීමයි. මෙය ඇගේ නිර්මාණයේ මිනුමයි. එය සක්‍රීය කිරීම, වැඩිදියුණු කිරීම සහ උසස් කිරීමකි.”2
මව, නායකයා හෝ දේවසේවයේ යෙදෙන සහෝදරිය වැනි ඇමතුම් වල සේවය සඳහා ඔබේ පුද්ගලික මෙහෙවර යොමුවන්නේ කවදාද, කොපමණ කාලයක්ද යන්න ඔබට දැනගත නොහැකියි. අපගේ පැවරුම්වල වේලාව, කාලසීමාව හෝ අනුපිළිවෙල තෝරාගැනීම ස්වාමින්වහන්සේ ප්‍රේමයෙන් බැහැර නොකරයි. එහෙත් මේ සියලු පැවරුම් මේ ජීවිතයේදී හෝ ඊළඟ ජීවිතයේදී දෙවියන්වහන්සේගේ සෑම දියණියකටම පැමිණෙන බව ඔබ ශුද්ධලියවිල්ලෙන් හා ජීවමාන අනාගතවක්තෘවරුන්ගෙන් දනී. ඒ සියල්ලම ප්‍රේමණීය පවුල් වල සදාකාල ජීවනය සඳහා සූදානම් වීමකි - “එය දෙවියන්වහන්සේගේ සියලු දීමනා අතරින් ශ්‍රේෂ්ටතම ත්‍යාගයයි.”3
අවසානය මනසේ තබාගෙන දැන් සූදානම් වීමේ සෑම උත්සාහයක්ම සඳහා ප්‍රයත්න ගැනීමට ඔබ ඥානවන්ත වනු ඇත. මෙම කාර්යය වඩාත් සරල කර ඇත්තේ මෙම සෑම පැවරුමකටම එකම සූදානමක් අවශ්‍ය වන බැවිනි.
දේවසේවයේ යෙදෙන සහෝදරියක් වීමේ පැවරුමෙන් පටන් ගනිමු. පියා මියගිය පවුලක අවුරුදු 10 ක දියණියක ලෙස හෝ, මෑතකදී ගින්නෙන් පීඩාවට පත් වූ සහන සමිතියේ සභාපතිවරයකු ලෙස හෝ, ඔබ ශල්‍යකර්මයෙන් සුවය ලබමින් රෝහලක සිටියදී හෝ, ස්වාමින්වහන්සේගේ දේවසේවයේ දියණිය වීමට ඔබ කළ කැඳවීම ඉටුකිරීමට අවස්ථාවක් ඔබට ඇත.
ඒවා බෙහෙවින් වෙනස් දේවසේවා පැවරුම් ලෙස පෙනෙයි. උන්වහන්සේ මාර්ගයක් පිළියෙල කර මිස ස්වාමින්වහන්සේ අණක් නොදෙන බවට ඇති නිර්භීත ඇදහිල්ල සමග බලවත් ප්‍රේමනීය හදවතක් පමණක් ඒ සඳහා වුවමනා වෙයි.4
ඇය සුදානම් බැවින්, 10 හැවිරිදි දියණිය තම වැන්දඹු මව වටා දෑත් තබා තම පවුලට උදව් කරන්නේ කෙසේදැයි දැන ගැනීමට යාච්ඤා කළා. එමෙන්ම ඇය එය තබා ගනී.
සහන සමිතියේ සභාපතිනිය ඇගේ ප්‍රදේශයේ අනපේක්ෂිත ගින්නක් ඇතිවීමට පෙර සේවය කිරීමට සූදානම්ව සිටියා. ඇය මිනිසුන්ව දැන හඳුනාගෙන ආදරය කර තිබුණා. ස්වාමින්වහන්සේ උදෙසා කළ කුඩා සේවයට උපකාර කිරීම සඳහා ඇය කළ යාච්ඤා වලට පිළිතුරු ලැබීමෙන් යේසුස් ක්‍රිස්තුස්වහන්සේ කෙරෙහි ඇය තුළ තිබූ ඇදහිල්ල වසර ගණනාවක් පුරා වර්ධනය වී තිබුණා. ඇයගේ දිගුකාලීන සූදානම නිසා, විපතට පත්ව සිටින මිනිසුන්ට සහ පවුල් වලට සේවය කිරීම සඳහා තම සහෝදරියන් සංවිධානය කිරීමට ඇය සූදානම්ව හා උනන්දුවෙන් සිටියා.
ශල්‍යකර්මයකින් රෝහලක සුවය ලබන සහෝදරියක් සෙසු රෝගීන්ට උපස්ථාන කිරීමට සූදානම් වී සිටියා. සෑම ආගන්තුකයෙකුටම ඔහු හෝ ඇය අසල්වැසියෙකු හා මිතුරෙකු සේ ස්වාමින්වහන්සේ වෙනුවෙන් සේවය කිරීම සඳහා ඇය ජීවිත කාලයම ගතකර තිබුණා. රෝහලේ දේවසේවයට කැඳවීම ඇයගේ හදවතේ දැනුණු විට, ඇය ඉතා නිර්භීතව හා එතරම් ආදරයෙන් අන් අයට සේවය කළ නිසා, අනෙක් රෝගීන් ඇය ඉක්මණින් සුවය නොලබයි කියා බලාපොරොත්තු වුණා.
ඔබ දේවසේවයේ යෙදීමට සූදානම් වන ආකාරයටම, ස්වාමින්වහන්සේ වෙනුවෙන් නායකයෙකු වීමට ඔබගේ කැඳවීම සඳහා සූදානම් විය හැකියි. මිනිසුන්ව මෙහෙයවීමටත්, බිය නොවී උන්වහන්සේගේ වචනය ඉගැන්වීමටත් ශුද්ධලියවිල්ලට ඔබ තුළ ඇති ගැඹුරු ප්‍රේමය තුළ මුල් බැස ඇති යේසුස් ක්‍රිස්තුස්වහන්සේ කෙරෙහි ඇදහිල්ල අවශ්‍ය වෙනවා. එවිට ශුද්ධාත්මයාණන්වහන්සේ ඔබේ නිරන්තර සහකරු ලෙස තබාගැනීමට ඔබ සූදානම් වනු ඇත. තරුණ කාන්තා සභාපතිත්වයේ සිටින ඔබේ උපදේශකවරයා ඇගේ කටහඬින් භීතියෙන් යුතුව “ඇල්වරෙස් සහෝදරිය අද අසනීපයෙන් සිටී” යැයි පැවසූ විට “මම කරන්නම්” යැයි පැවසීමට ඔබ උනන්දු වනු ඇත. ඇගේ පන්තිය උගන්වන්නේ කවුද?”
ස්වාමීන්වහන්සේ මවක් ලෙස පැවරුමකට ඔබව කැඳවන අපූරු දවස සඳහා බොහෝ දුරට ඒ හා සමාන සූදානමක් අවශ්‍ය වෙනවා. නමුත් ඒ සඳහා ඔබට කලින් අවශ්‍ය වූවාට වඩා ආදරණීය හදවතක් අවශ්‍ය වේවි. ඒ සඳහා ඔබගේ හදවතේ වෙන කවරදාටත් වඩා යේසුස් ක්‍රිස්තුස්වහන්සේ කෙරෙහි ඇදහිල්ලක් අවශ්‍ය වනු ඇත. ඔබට හැකියැයි සිතනවාටත් වැඩියෙන් වුවත් ශුද්ධාත්මයාණන්ගේ බලපෑම, මගපෙන්වීම සහ සැනසීම වෙනුවෙන් යාච්ඤා කිරීමට හැකියාවක් අවශ්‍ය වනු ඇත.
ඕනෑම වයස් මට්ටමක සිටින මිනිසෙකුට මව්වරුන්ට අවශ්‍ය දේ දැනගත හැක්කේ කෙසේදැයි ඔබ සාධාරණ ලෙස අසනු ඇත. එය වලංගු ප්‍රශ්නයකි. මිනිසුන්ට සියල්ල දැනගත නොහැකියි, නමුත් දෙවියන්වහන්සේගෙන් එළිදරව් කිරීමෙන් අපට පාඩම් කිහිපයක් ඉගෙනගත හැකියි. අප නිරීක්ෂණය කරන දේ තේරුම්ගැනීමට උපකාර කිරීම සඳහා ආත්මයාණන්වහන්සේ සෙවීමට අවස්ථාව ලබාගන්නා විට, නිරීක්‍ෂණයෙන්ද අපට බොහෝ දේ ඉගෙනගත හැකියි.
අප විවාහ වී වසර 57 ක් ගතවී ඇතත් මම කැත්ලීන් ජොන්සන් අයිරින්ග්ව තවමත් නිරීක්ෂණය කරනවා. ඇය පිරිමි ළමයින් හතර දෙනෙකුගේ සහ ගැහැණු ළමයින් දෙදෙනෙකුගේ මවක්. අද වන විට, සෘජු පවුලේ සාමාජිකයන් සියයකට වඩා වැඩි පිරිසකට සහ ඇයගේ මව් හදවතට ඇය හදාගත් තවත් සිය ගණනකට මවගේ බලපෑමක් ඇතිකිරීමේ කැඳවීම ඇය පිළිගෙන තිබෙනවා.
සභාපති නෙල්සන් මාතෘත්වයේ මෙහෙවරද ඇතුළු - ස්ත්‍රියකගේ දිව්‍යමය මෙහෙවර පිළිබඳ පරිපූර්ණ විස්තරයක් කළ හැටි ඔබට මතකද: “මවක්, ගුරුවරියක් හෝ සාන්තුවරයෙකු ලෙස ඇය ජීවමාන මැටි සකස් කරන්නේ ඇගේ බලාපොරොත්තු වල හැඩයටයි. දෙවියන්වහන්සේ සමග සහයෝගයෙන්, ඇගේ දිව්‍යමය මෙහෙවර වන්නේ ආත්මයන්ට ජීවත්වීමට සහ ප්‍රාණයන් ඔසවා තැබීමට උපකාර කිරීමයි. මෙය ඇගේ නිර්මාණයේ මිනුමයි.”5
මට තේරුම්ගත හැකි තරමට, මගේ බිරිඳ, කැත්ලීන් අපේ පියාණන්ගේ දූවරුන්ට ලබාදී ඇති එම කැඳවීම අනුගමනය කර තිබෙනවා. “දෙවියන්වහන්සේ සමග සහයෝගයෙන් - ඇය ජීවමාන මැටි අච්චු කරන්නේ ඇගේ බලාපොරොත්තු වල හැඩයට…” යන කථාවේ එහි මූලික දේ තිබෙන බව පෙනෙනවා. ඇය බල කළේ නෑ. ඇය අච්චු ගැසුවා. ඇයගේ බලාපොරොත්තු සඳහා අච්චුවක් තිබූ අතර, ඇය ආදරය කළ හා මවක් වූ අයව හැඩගැස්වීමට උත්සාහ කළා. ඇගේ අච්චුව යේසුස් ක්‍රිස්තුස්වහන්සේගේ සුභාරංචියයි - වසර ගණනාවක් පුරා යාච්ඤා පූර්වකව නිරීක්ෂණය කිරීමෙන් මට එය දැකගත හැකිවුණා.
දෙවියන්වහන්සේ සමග හවුල් ගිවිසුමක් ඇති කාන්තාවක් වීම යනු දෙවියන්වහන්සේගේ ශ්‍රේෂ්ට හා යහපත් දියණියන් සැමවිටම මවක් වී, මෙහෙයවා, දේවසේවය කර, උන්වහන්සේ ඔවුන් වෙනුවෙන් සූදානම් කර ඇති ඕනෑම ආකාරයකින් හා ස්ථානයක සේවය කිරීමයි. දෙවියන්වහන්සේගේ ගිවිසුම් රකින දියණියක ලෙස ඔබ උන්වහන්සේ වෙත ආපසු යන විට ඔබගේ ස්වර්ගීය නිවස කරා යන ගමනේදී ඔබට ප්‍රීතියක් ලැබෙනු ඇතැයි මම පොරොන්දු වෙනවා.
පියාණන් වන දෙවියන්වහන්සේ ජීවත් වන බවත් උන්වහන්සේ ඔබට ප්‍රේම කරන බවත් මම සාක්ෂි දෙනවා. උන්වහන්සේ ඔබගේ යාච්ඤා වලට පිළිතුරු ලබාදෙනු ඇත. උන්වහන්සේගේ ආදරණීය පුත්‍රයාණන් සෑම විස්තරයකින්ම, යේසුස් ක්‍රිස්තුස්වහන්සේගේ පසු-දවස්වල ශුද්ධවන්තයන්ගෙන් යුත් සභාව මෙහෙයවනවා. සභාපති රසල් එම්. නෙල්සන් යනු උන්වහන්සේගේ ජීවමාන අනාගතවක්තෘවරයායි. එමෙන්ම, ජෝසෆ් ස්මිත් නිව් යෝර්ක්හි පැල්මයිරාහි ගස් ඇති වනාන්තරයක පියාණන් වන දෙවියන්වහන්සේ හා යේසුස් ක්‍රිස්තුස්වහන්සේ දැක කථා කළා. එය සත්‍යයි කියා මම දන්නවා. යේසුස් ක්‍රිස්තුස්වහන්සේ ඔබගේ ගැලවුම්කරුවාණන් බවත් මම සාක්ෂි දරනවා, උන්වහන්සේ ඔබට ආදරෙයි. උන්වහන්සේගේ වන්දිගෙවීම තුලින්, ඔබ වෙතට එන උසස් සහ ශුද්ධවූ කැඳවීම් වාට ඔබට පවිත්‍ර වී එසවිය හැකියි. මම සාක්ෂි දරන්නේ යේසුස් ක්‍රිස්තුස්වහන්සේගේ ශුද්ධවූ නාමයෙන්, ආමෙන්.