Nihí hazhó’í Í’iilnííł dóó Ániit’é
t’áá akwiijí nihee iiná łahgo ánádleeh baa neilnishgo Diyin God bibee’adzillii éí ayóó bidziil doo.
Shik’iské ááshinee’, éí nihitáaségalgo díí nóhłą’íi baa hózhó Bóhólníihii biDiyin be’ádziil niyee dahólóníi nóhłį’í. Ayóó yá’át’éhíi ádaał’įįgo nihéehásin! Ayóó ánhi’dó’ní. Nihá sohodizin. Dóó ntsáo nihaa áhééh hasín.
T’áá’ániidigo Diyin God yáyałtí’ii Joseph Smith kót’áó neenitin: Tsídá nihee iiná łahgo ánídaadleeh bee nida’notin doo dii diné ániid háánoot’aanii bich’į́.1 T’áá nihi diyin k’ehjí niilzeeł niidzingo náda’iidlá bee ayóó nihił hózhǫǫ’ doo.2 Áko náidikid: “Da’ t’áá aniitsoh nihee iiná łahgo ánídahdiilneeh?” Ła’ éí doo bá nantł’ah da;
Dine’é t’óó ahayóí bąąhí ndit’áá k’éé hodi’nééh át’é danízin—éí bits’ąą na’ádá t’áá hazhó’ó ágháo ájiit’į́įhgo t’éi. Ndi díí kot’áo baa nitsáhakéesíi Satan háni’ yiih yiyíílá. Bí Jesus Christ bich’į’ hadíighałíi yich’ą́ą́h niighááh, Christ 3 bighaan nihich’į’ ąą kóyósingo sizíh, náhodeesdzíh nízingo dóó há yinízin,4 ayóó iidi’ááh, hąąh néiił’áoł, hatse’ áhooł’įįh, jiłtólí, dóó diniiyąn ánihíił’įįh.
Saad biká kot’é bąąhí ndit’áá Greekjí Ánii Áha’deet’ą́ biyi’ metanoeo daaní. Saad ats’íjį’ kot’é meta nínii “łahgo át’įįh.” Saad akéedi kot’é noeo Greekjí saad bił áhadaałt’éii eíí íiłní “hani’,” “ha’ééhozin,” “ii’sizį́į,” dóó “hayól.”5
Ákoh, Jesus ní dóó shí yínanihídééłkidgo “nidi’áá,”6 Bí yee’ nihini’ łahgo óhłééh nihił ní, nihi’ééhózin, nihii’sizį́į—azhą́ hait’áo hááhiiyóoł. Bí yee’ łahgo ádoołííł nihił ní hait’áo ayóó i’íi’ní,ntsíikees, bá néiilnish, ha’íi baa néidá, nihichóoní bił yiit’ásh, niha’á?lchíní naníiyin, dóó nída nihits’íís baa áhwiilyą́.
Doo ła’ kot’áo bee haa’áyį́į da, agháo yá aniit’ééh, doodáo atsísgo níidzingo bee t’ááłá’í níidzinígo niilzéłii biláaho, t’áá yoołkááł bąąhí ndit’áá bíndeilnish. Bąąhí ndit’áá doo áhoonííł at’ée da; éí lá ałkee’ bii’ ha’iidááh. Bąąhí ndit’áá doo áhoonííł at’ée da; éí lá ałkee’ bii’ ha’iidááh. Oodlą’ bił ahóoltą’go, bąąhí ndit’áá ha’ch’į’ ąą’ áyiił’į́įh Jesus Christ ak’é Nina’ídlá be’ádziil.7
Nihi bee aha’deet’ą́ be’átiin bikáá’ yéego bee yiikáhgo, bee aha’deet’ą́ be’átiin bitádiigáz doodáo adéiiyáz, doodáo siizíi doo bee aha’deet’ą́ k’ad yiit’į́į da, t’áá shǫǫ bąąhí nidinóh’ááh. T’áá yoołkááł bąąhí nihidóh’áahgo nihitse’ wóhleeł—t’áá yoołkááł hazhó’í í’iilnííł dóó ániit’é.
bąąhí nihidíiy’áahgo, łahgo ádii’níłii niidzín! Yisdána’iiníłíi bee bá hwiil’áahgo nizhónígo łah ánihídoolííł. Tsídá nihee iiná łahgo ánídaadleeh bee nida’notin doo dii diné ániid háánoot’aanii bich’į́.8 Bąąhí nidit’ááh niidzíihgo, nihí Jesus Christ bee beníilt’éhii niidzíih!9
Shik’is, nihí denhóyee’ hazhó’í í’iilnííł dóó hazhó’í ániit’é bee neibááh. Adoolzííh bił néibaahíi t’áá aaníí. Ach’į́’ na’íił’ná yee’ t’áá aaníí dadii’níníi dóó Bóhólníihii bínaanish yił adoosíihígíí t’áá awołíbee ah. Bí yee’ bá nidáalnishígíí baa nihił dahózhóníi dóó Bóhólníihii yee ayóó ánho’níi yík’ijį’ yee nídaabaahíi danihidínóołtl’á yiká dah deidiyíijaa’.10
Bąąhí ndit’áá yee’ ach’į́’ na’íił’ná bibee ódleehí biih adáahgo kána’adáh bił ch’íhiikááh. Bóhólníihii doo k’ad hadíniilt’é diidleeł nihó’níi da nídi áhool’áo áhwii’nííł. Ndi yéego niłtólí doołééł éiyá nihó’ní. T’áá yoołkááł bik’éh bąąhí nihidiit’áago niiłtólí yiidlééł, dóó niiltólí ídlį́ bii’ ádziil hóló. T’áá nihi niiltólígo Diyin God ayóó bilák’ee bitse’go bibee na’ánishí daniidlį́. Nihíbąąhí ndiit’áá—niiltólí—yee’ Israel áłhą’ánalnéehgi yéego nihiká adoolwół.
Bóhólníihii yíneinéestą́ą́’ Joseph Smith “diyin be’ádziil bee choil’íníi eíí yá’ąąshdi be’ádziil doo bił ałtsádoo’níł dago ahótą’, dóó yá’ąąsh be’ádziil eíí doo ko’ílééh índa dóolzíł da t’áá hazhó’ó t’áá ákogi á’at’é bee iináago t’éí.”11
Nihí ha’íí yá’ąąsh be’ádziil bee yéego choidiil’įįłíí nihíł béédahózin. Nihí ałdó’ ha’íí nihidinóołtl’áhii nihił béédahózin—nihí ha’íí ne’kódiilníiłgo yá’ąąsh be’ádziil choil’į́ baa honíti’. Shik’iské, ha’íí bąąhí ndit’áá yich’ą́ą́h sizínii baa sodołzingo bik’i’dóohtį́į́h. Ha’íí nahinił tłágo doo bąąhí ndit’áá .ohłéeh da. Dóó índa, łahgo ádoohníił! Bąąhí ndóh’áá! T’áá áníiltso yee’ yiwóhgo í’iilnííł dóó ániit’é dadiidlééł.12
T’áá doole’é chodéilniil’į́įgo bee yá’at’éeh dadiidlééł. Ła’ éiyá kait’áo nihits’íís baa áhwiilyą́. Shí diné bits’íís álílée k’éhgo ályao baa ááh nísin. Éí yee’ ayóó át’áo ályaa, bee t’áá hazhóó’óo nooséełgo hónáasii diyin dooléełgo át’é. Nihí éí t’áágééd doo náásdiidáał da. Nihi ats’íís nihaa haasyá, Diyin God éí binikáá góne’é bee náás dah diidzá beniilt’é da diidléełíi.
Satan díí bił bééhózin. Bí áát’įįdgi doo yinéł’į́į da áko t’ah áyi’sizį́ nilį́įgo yits’ą́ąjoo dah diiyáo doo bá bóhónee’ą́ą da, yíniinaa aláhjį’ ayóhoolííh dóó oołch’į́įd. Ákoh t’óó ahayóí, índa agháago, yee nihi dántahígíí lá nihits’íís doodáii’ nááná ła’ bits’íís atídiilníłii nihitsíjį yisnil. Satan doo bił hats’ídii biniinaa bee ádi ats’íís, doo nihił hats’íi dadoo niwó’nínii biniinaa jó nihee dahóló.13
Nits’íís Átaa’ bighan át’é, áhool’áo niyi’sizį́į bighan doogo bá ályaa.14 Eíí atsísdi Átaa’ bighan baa áhayąníi. Shik’iské nánhidíshkid: nihiísh nihokáá’ dine’é hait’áo nits’íís baa áholyąníi déiidoołtséeł biká háádint’į́į́h áko Diyin God jígo éiyá beisínináh? Hait’áo hane’ bich’į’ ánaníł’įníi łahgo át’é bídę́ę’go ayóó át’éii neiiníláhii doo hazhó’í báantsiníkees da. Díí nihits’íís biyi’dóó bee hódiníilzinii, shik’iské, Nihí hazhó’í bee í’iilnííł dóó ániit’ée doo nísin.
Nááná ła’ bee hazhó’í í’iilnííł dóó ałdó’ bee ániit’ée dooígíí yee’ sáanii hazhó’í bił néiildééh, bee hahóol’áhii nihich’óoní dóó nihitsi’, nihmá, dóó nihiláh.15
Lą’í nídeezidáa’, asdzání ła’ bijéí kánaaháo naaltsoos shich’į’ áyiilaa. Náyiizóh: “[shich’e’eké dóó shí] t’áá íiyisíí nihádahastįį dóó nihiyáázh ch’ééh nihaa nitsídaahkees dabidii’ní, 24/7 jooł bee nda’á’né baa hane’, náalkid bee na’a’né, bééso báá hane’, [dóó] doo niníti’ da nanél’į́ dóó nidáanéii ninánel’į́ . Nihí áko atsíjį’-dah naháatąnée bił yooáhagháah haalá nihádahastįį dóó dánhiyáázh nidáanéii dóó [ałhaa dahonílnéii] yitsíjį’-dah naháaztą́ bee áda’ii’ááh.”16
Shik’iské, áłtsé dóó agháadi diyin be’ádziil naah siláhii bindíilnishígíí nich’ooní ay’oó iiní’ní dóó baa áhólyą́. Bił t’áá ła’í nilį́. Bí t’éí bił yi’ásh. Doo bá nanitłá dago t’áá nít’éi nił naa’áásh. Nihi ch’óoní ahool’áágóó hazhó’í bił yiit’ashíí doo t’áa doole’é ts’ídá biká íit’įį da doo. Niłch’í náálkidí, bee ałch’į’ hane’é, doodáii’ saa bik’i yidzohí doo nihich’ooní itsíjį’ síil’ą́ą da doo. Bee adéénilkááh ha’íí ts’ídá baah níne’ dóó háadi ha’íshįį baa dzíil niiłhé. Eíí nijéiidi át’éii yee níł hodoołní. Nich’óoní ha’íí bee baa’áhólyą́ą dooígíí baa sodilzin. Bił hózhó íinisin. Yaa nát’įį dóó kot’é niníi diníts’a’. Binánjį’ doole’é hazhó’í ánił’į́į doolééł.
Ch’óoní doo ákot’éégóó baa áholyáníi biniinaa bąąhí yóó ahidí’aah, díijį́ bidilníish. Ałdó’, éí yee’ benáłniih t’áá ní nich’óoní be’íina’ ádęęh niinilyáo biká anánilwo’go Bóhólníihii niłtólígo iiná bináhjį’ ak’ihójidlį́ hólǫ́. Ni ánit’éhii biniinaa nich’óoní Átaa’ bighan góne’ bibee ak’ihojídlį́ doo bá óolne’ da láhgo.
Shik’iské, t’áá áníiltso bąąhí yóó adá hidiit’ááh. Nihí bikáá’ dah ásdáhídóó ndáhididii’náh, naalkidí bee ha’nitáii ne’ nidadíit’ááł, dóó ii’sizį́ k’ehjí yíikah. Éí Diyin God bibéésh éé’ t’áá át’é bee hadadidíi’nííł ákohgo nihokáá’ naanish bidínhoye’íi ádadiilnííł. Éí yee’ beiníłką́ “ yéego k’edooláii bináalnish, dóó wóhizh ałtso hatse’, hani’, dóó hadóh.”17 Hastl’a’ iilósí bikéé’ naakáii díishjį́ t’áá awolíbee nanánooyééł. Bóhólníihii bá nidáał’a’go, nihí díí bił ałch’į’ ndajibáahgo ha’íí biká da’íilwosh.
Na’áłchíní boo’íshii dóó ayóó abó’nínii yídedanilį́. Bił danółt’éhíi dóó bił yáh nandáajahii doodáii’ damóogo bił ahinóhkahii nihitse’ yídan danilį́. Dóó ałtso k’é bił da’ahidi’níi Bóhólníihii t’áá aaníi yikéé yigáłii nilį́įgo nanináh dóó áálíiłgo bił béédahózin.
Shik’iské nihízhanée’, nihi yee’ nihiZhé’é nihokáá’ doogáałdi ts’ídá nihidenhóyée’di ii’sizį́ bikéyahdę́ę́’ nihisóhkai. Nihi agháago yá’ádanóht’ééh, agháago hazhó’í ak’edahónół’į́nii nihokáá’ nihisóhkai. Satan lá t’ahdóo nináhaadáá’ neehósin dóó yisdá’iiníiłii bá naanish ádiilíłii eíí bił bééhózin. Dóó ła’ dimííl yázhí bi’ąą ha’íí yee i’didoolóhii yiyíík’ąąz, yee nik’ijį’ nídidoo’náh dóó yíneel’ą́.
Ayóó baa ahéeh níizin, Diyin be’ádziil nihee dahólóníi yiláahgo bidzíilgo yee nihik’ijį’ nídoo’náhii bił ch’íhidiikáh. Shí baa nánihooshkááh hastóí dóó ashiiké Bóhólníihii íiniziníi danóhłį́. Nihi hát’į́ t’áá ákwiijį́ bąąhí ndiit’áá íiyisíí ne’íina’ bídeeti’ áko Diyin be’ádziil kodóó ayóó bidzíilgo chóoníł’į́. Díí t’éiyá bee t’áá ní dóó na’áłchíní ii’sizį́į k’ehgo iiná biyi’ nihíhodinéestą́ą’go bináhjį’ bił ch’íhidoohkáh.
Bóhólníihii lá hastóí nááná ła’ diné yidín nilį́nii yá íidoolííł áłtsé. Bí hastóí Ii’sizį́į biinéé’ hazhó’í deidídoots’į́łii yinízin. Bí hastóí ahada’díist’ą́ t’áá awółíbee yee dahiná. Bí hastóí doo aada’diléii yinízin—hastóí t’áá hooshchį́ kodí diné ła’ bik’ih sodílzin, bijéí niłtólii, bini’ dóó bíla’ chin baah ádeníí. Bóhólníihii hastįį tsíiłgo bąąhí áts’éiidiit’aahii yíden nilį́—hastįį yéego Bóhólníihii yá nidaabáahi Diyin be’ádziil hazhó’í yee bá nidáanishii yinízin.
Diné ákot’éhii doolééł bee nihik’ijisdlíi. Bee nihik’ijisdlíi t’áá ákwiijį́ bąąhí nhidóh’áá dóó Diyin be’ádziil bitsé’go chóínół’į́. Yisdá’iiníiłii be’ayóó ó’ó’ní bee ałch’į’ yáłti’ nihich’óoní dóó niha’áłchíní dóó ałtso béé dahonóhsiníi. Bee nihik’ijisdlíi hazhó’í í’iilnííł dóó ániit’é. Dóó bee nihik’ijisdlíi nihi bideiyínółníishgo, nihe’íina’ alílee k’ehjí yii’ hadidoogááł.
Nihí Diyin God Ayóó át’éii bináanish ádeiilnííł. Jesus lá Christ nilį́ Nihí bá nidéiil’a’í daniidlį́. Shí Jesus Christ bízhi’ binahjį’ adishní, áámen.