Mulwol Ni fan Gelingin e Pi’in ni Fal’yangren nifen e Pul ko, February 2025
Ayuw ko Gin Nib Mangil
Demturug ko mang e magawon rom, ma Yesus Kristus era ayuwegnem nf’an gara sap Ngak.
Rogon Yalen, nike yoloey Jeanette Bourup
Ra boch ngiyal’ ma gadad gubin nib t’uf e ayuw rodad. Boch ngiyal’ e b’or e ayuw nib t’uf. Tin nib riyul’, e yofas e mangil ningan yan riy ni gathi yigo’gur ningam man riy.
Yesus Kristus ra pi’ e ayuw ko gin nib mangil, nibay e athapeg, nge gelngin riy. Ma rayog nibe ayuwegem ni ngam thiliyegem—ngaboch ngabang nd’an mu laminag.
Woed Gumircha’em nike Thil
Gama maybil ngam ning e ayuw ngak Got ninge munguy nag gumircha’en e pich’an ni yadbe t’ogor ngom? F’anra arogon, mab mangil facha’ nike ’un ngom (muguy u 3 Nephi 12:44; Moroni 7:48). Mara dariy e t’ogor rom nwoed u lan fare Babiyor ku Mormon (ma gamnang, ni t’ogor nibay tilan e cham rorad e yidra cham), sana kam maybil kam ning e ayuw ngak Got ninge munguy gumircha’en be’ ndar fal’egethin ngom.
Ma kam maybil kam ning e ayuw ngak Got ninge munguy nag gumircha’em? Sana be mom’aw ningam n’agfan e kireb rok bee’. Fa dar dugil ’anum ningam domomow, machane gaba alan’. Fa gaba’adag ningam fil’aeg anum ko pi walagem machane bay bochngiyal’ nyidbe k’aring e domomaw ngom.
“[Yesus Kristus] era thiliyeg gumircha’em nge yofas rom. Buch’uw buch’uw iyan ngaram, gara mang woed boech Ir. Amithin e tha’ nge m’ag rom Ngak e ra’i pi’ ’angin gelngin nibe yib Rok ngom” (Fan Ko Gelngin fapi Fal’yangren: Kanawo’ ko Duguliy [2022], 8, nike ’un boch ngay).
Pin’ey e gathi bugi binan’ nikan micheg nag? Demturug ko mang e gabe mgagawon riy, u gumircha’em ma Yesus Kristus e rayog ninge pi’ e ayuw. Urogon nrayog ningam sap Ngak e dabay?
© 2025 by Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Thiliyeg e thin ko Gubin e Puul ko Thin Nfan Fapi Fal’yangren, February 2025. Yapese. 19621 905