Malongesha a Dialumingu dia FSY

Dialumingu Dibidi

2. Longa bia bungi pa bulongolodi bua lupandu

Consider the Lilies {Ela meji bua LIlies} , kudi Eva Timothy

Kumvua bulongolodi bua lupandu bua Nzambi kudi kuambuluisha bua kuandamuna nkonku ya mu moyo. Bulongolodi bua lupandu, anyi bulongolodi bua disanka, budi bulongolodi bua Tatu wa mu Diûlu bua kukuambuluisha bua upingana kudiyi ne ukumbaja malu a bunzambi adi mu wewa. Yezu Kilisto udi pankatshi pa bulongolodi ebu. Kupitshila ku Bupikudi Buenda, Mupandishi udi upepeja bulongolodi.

Eyi idi imua nkonku ne bibilu bia dilonga biwudi mua kuteta:

• Kipatshila ne malu mimpa kayi bidi mu wewa?

  Wakaluila pa buloba bua kulonga, kukudimuna mutshima, ne kutamba kulua bu Tatu weba wa mu Diûlu ne Yezu Kilisto. Bu muwudi wela meji pa kipatshila ne malu mimpa adi mu wewa, ela meji pa Yezu Kilisto. Udi bu tshinyi? Enza lista wa imua ngikadilu idi ikuluila mu meji pawudi wela meji a Yezu Kilisto. Udi umona imua ya ku ngikadilu mu wewa nkayeba anyi dîku anyi balunda beba anyi?

• Ntshinyi tshidi mu dina dieba?

  Bala mifundu ne keba mêna mashilangana bua bulongolodi bua lupandu: 2 Nefi 9:6, 13; 11:5; Alama 34:16; 41:2; 42:8, 15, 31. Ntshinyi tshidi mena â akulongesha pa bulongolodi bua Nzambi? Dimua dia ku mena â kayi didi dikupesha meji a nyuma abungi? Dimua dia ku mena â kayi didi dikupesha ditekemena?

• Buatshinyi dîku didi ne mushinga mu bulongolodi bua Nzambi?

  Kulua bia bungi bu Tatu wa mu Diûlu kudi kuangata difuka malanda a tshiendelela. Mêku adi munkatshi mua bulongolodi bua Nzambi, nansha padiwu kâyi makana. Udi mua kulonga malongesha a mushinga ku malanda a mêku. Vuluka, nansha mateta adi mua kukuambuluisha bua ukola!

  Funda mena a bakesa ba ku bidimba bia dîku dieba. Pashisha, bua muntu yonsu, funda tshiwudi ulonga ku malanda eba ne muntu awu. Tshilejilu, jandula tshidi bidimba bia dîku bilonga kudi umua ne mukuabu mu Genese 45:4–11; 1 Nefi 5:1–8; and Mose 5:1–12.

Biambuluishi Bikuabu

• Buludiki ku Mifundu, “Bulongolodi bua Dipikula”

• “Bulongolodi bua Lupandu bua Nzambi,” Longesha Lumu Luimpa Luanyi: Buludiki bua Kutangalaja Lumu Luimpa lua Yezu Kilisto (2023), 46–60

• Topics and Questions [Biena Bualu ne Nkonku], “Plan of Salvation [Dilongolola dia Lupandu],” Tshisanga tshia Mikanda ya Lumu Luimpa.

• “Dîku: Dimanyisha kudi ba pa Buloba” (Tshisangi tshia Mikanda ya Lumu Luimpa)

Mushindu kayi uwudi wenza ne dibikila ku buludiki bua FSY? Mushindu kayi udi Mupandishi ukuambuluisha?

© 2027 by Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, January 2027. Tshiluba. 20794 760