Maysa a Flashlight ken Bileg ti Kinasaserdote ti Dios

Kitaem no kasano a ti panangawat kadagiti ordinansa ti priesthood ket mangyeg iti lawag iti biagmo.

Panggep

Tapno maipaayan dagiti agtutubo iti nabigasion a padas a tumulong kadakuada a mangammo no kasano ti panagtignay iti bileg ti priesthood ti Mangisalakan iti biagtayo.

Ti Karit

Mangaramid iti padas ti nabigasion babaen ti panangusar iti maysa a kompas, mapa, Global Positioning System (GPS), wenno scavenger hunt. (Mabalin met a gundaway daytoy a mangisuro kadagiti agtutubo no kasano ti panagandar dagiti kompas, mapa, ken GPS.) Bingayem dagiti agtutubo iti babassit, nagtipon a babbai ken lallaki a gupo. Ikkan ti tunggal grupo iti lugar a pangrugian ken direksion nga agturong iti umuna kadagiti uppat nga estasion.
Iti tunggal estasion, makasarak ti tunggal grupo iti maysa a paset ti flashlight—dagiti bateria, bombilia, lente, wenno bagi—ken maysa a pagilasinan iti sumaganad nga estasionda.
Kalpasan a maurnong amin dagiti paset, pagtitiponen dagiti grupo ket paurnos kadakuada dagiti flashlight-da. Iddepen dagitoy ken awisem ti amin a mangpaliiw iti lawag a pataudenda.

Pagsaritaantayo ti maipapan iti Daytoy

Apay nga awan ti aniaman a maysa a paset a nangpataud iti lawag a bukodna?

Ania ti napasamak idi umiso ti pannakaurnos dagiti amin a paset?

Kasano a kasla bileg ti priesthood ti flashlight?

Apay a napateg a laglagipen nga umay amin a bileg ti priesthood babaen ken ni Jesucristo?

Mabalinmo nga Ilawlawag

Ilawlawag a napateg ti tunggal paset ti flashlight, ngem awan kadagita ti mangpataud iti lawag a bukbukodda. No laeng nasayaat ti pannakaurnos ken pannakaitunos dagiti paset nga agtrabaho ti lawag. Kasta met, ti bileg ti priesthood ket aggapu ken ni Jesucristo. Iturayan dagiti tulbek ti priesthood no kasano a mausar ti turay ti priesthood, no kasano a ti switch ket palubosanna ti flashlight nga agtignay. Kas pagarigan, dagiti ordinansa ti priesthood, a maaramid buyogen ti turay ti priesthood, ket makayeg iti lawag, panangiturong, ken salaknib iti biagtayo bayat ti panangtungpaltayo kadagiti katulagantayo. Aniaman a kanito nga agserbitayo kadagiti calling wenno naidutok nga aramidentayo iti Simbaan, usarentayo ti naited a turay ti priesthood, ken tumulongtayo a mangsilnag iti lawag ti Mangisalakan a mangbendision kadagiti annak ti Dios.

© 2026 ti Intellectual Reserve, Inc. All rights reserved. Naimaldit iti Pilipinas. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, September 2026. Ilokano. 20074 864