2. Funda kabanzi ngokubuyiselwa kobuphristi

Ngemva kokuba abaPhostoli bakaJesu beThestamente Elisha beshonile, ubuphristi—amandla negunya likaNkulunkulu—lalahleka emhlabeni. Ekuqaleni kweminyaka yama-1800, uNkulunkulu wathumela izithunywa zasezulwini ukuze zibuyisele, noma zibuyise, ubuphristi. Ngegunya lobuphristi kanye nezimiso zabo, ukufinyelela okukhulu emandleni kaNkulunkulu kuyatholakala kithi sonke futhi.

Nansi enye imibuzo nemisebenzi yokufunda ongayizama:

UMsindisi usibusisa kanjani ngobuPhristi buka-Aroni?

Funda iMfundiso neziVumelwano 13:1 kanye no-107:20. Yimaphi amalungelo negunya uJohane uMbhabhadisi awabuyisela kuMphrofethi uJoseph Smith no-Oliver Cowdery? Bhala phansi amagama achaza izibusiso uNkulunkulu azinikezayo ngobuPhristi buka-Aroni.
UMsindisi usibusisa kanjani ngobuPhristi bukaMelkesedeki?

UPhetro, uJakobe, kanye noJohane babuyisela ubuPhristi bukaMelkesedeki. Funda iMfundiso neziVumelwano 107:18–19 bese ubhala ezinye “zezibusiso ezingokomoya zeBandla” ongazithola ngobuphristi bukaMelkesedeki.
Kungani uNkulunkulu abelana ngamandla akhe obuphristi nabantwana Bakhe?

Ngezimiso zobuphristi—njengombhabhadiso, isidlo esingcwele, kanye nezimiso zasethempelini—“amandla obuNkulunkulu ayabonakala” (bheka iMfundiso neziVumelwano 84:20–21). Xoxisanani ngokuthi niwabone kanjani amandla kaNkulunkulu empilweni yenu ngenxa yezimiso zobuphristi. Impilo yakho ibiyoba njani ngaphandle kwalezi zimiso?
Impilo yakho ibizohluka kanjani ukube ubuphristi abuzange bubuyiselwe?

© 2026 by Intellectual Reserve, Inc. All rights reserved. Igaywe eMelika. Usuku okuvunywe ngalo ukuba lesi sifundo sishicilelwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly For the Strength of Youth Message, September 2026. Zulu. 20074 783