Titiraki ao Kaekaia
“A mwaiti rinerine aika bubura aika I riai n karaoi. “N na kanga ni karekea oin au kaotioti?”
“Kamatebwaia tamaroana ao buakakana ao rinea are e na kateimatoako ma te Atua. Ururingnga n tataro imwaain, i nanon, ao imwiin karaoan am iango ke am babaire. E na kamatoa nakoim te Tamnei bwa tera ae eti.”
Laneah S., 16, Utah, USA
“E na buokiko 100% te tataro ao warekan koroboki aika tabu. E taekinaki ni koroboki aika tabu, ‘Bubuti ao ane kam na anganaki.’ Ma ngaia are bubuti! Imwiina ao mwakuri nakon are ko kainnanoia. Ururingnga, e na teimatoa ni karekei bwaai te Uea!”
Parker B., 16, California, USA
“Butiia Tamara are i Karawa ao wareka Ana taeka. Noora aron te Tamnei ae Raoiroi n roko nakoim man korean am namakin ke wirikiriki ni katoabong, ao ko kona ni kunea te banna ni karekean am kaotioti i bon iroum.”
Caleb A., 18, North Carolina, USA
“Ana Boki Moomon bon teuana mai buakon bwaai ni mwakuri ae te kabanea n tamaroa ae iai iroura ibukin karekean oin ara kaotioti. Ti kona n reiakinna man aia katooto burabeti ni kawai.”
João C., 19, São Paulo, Brazil
“N tabetai ao e aki kona n roko te kaeka n te tai naba ae tawe, ao n tabetai e roko. N tabetai ao e roko te kaeka bwa te namakin ae rangi n onoti ke te anene ae ko ongo n te taromauri. A kona naba n anga te reirei ae tamaroa utu ao rao aika a onimakinaki.”
Anabel V., 12, Utah, USA