Sandei Aftenun Sesen
“Luk Mi Mi Laet we Yufala I Mas Leftemap”
Samfala Pat
Sevya i stap oltaem long wokbaot blong yumi long wol ia. … Bakegen mo bakegen, wetem klin lav mo sore blong Hem, Hem i sastenem yumi taem yumi fesem ol hadtaem blong laef ia. …
Lav ia i posibol nomo taem yumi sastenem wanwan long yumi long wok blong Hem.
Yumi sastenem profet blong yumi we i laef long jeneral konfrens, mo Fas Presidensi, Kworom blong Olgeta Twelef Aposol, ol nara Jeneral Atoriti mo Jeneral Ofisa blong Jos. Blong sasten i minim blong leftemap wan nara man, blong lisin long olgeta, blong stap fetful long tras blong olgeta, blong mekem wanem oli talem. Oli toktok wetem insperesen blong Lod; oli andastanem ol problem blong tedei ol gudfala prinsipol we i stap lus tedei insaed long sosaeti mo wanem Setan i stap gohed blong mekem blong stopem plan blong Papa. Blong leftemap ol han blong yumi, yumi stap mekem komitmen blong soem sapot blong yumi, i no blong taem ia nomo, be blong evri dei laef blong yumi. …
… Yumi leftemap laet blong Lod taem yumi hang strong long ol kavenan blong yumi mo taem yumi sapotem profet blong yumi we i stap laef taem hem i talemaot ol toktok blong God. …
Blong leftemap profet i wan tabu wok. Yumi no stap kwaet nomo be stap aktiv blong difendem hem, folem kaonsel blong hem, tijim ol toktok blong hem, mo prea from hem. …
Ol brata mo sista, yumi nidim blong givim moa sapot mo help, mo no komplen mo agens tumas, leftemap toktok blong Lod, ol wei blong Hem, mo profet blong Hem. …
… Taem yumi sastenem profet blong yumi, yumi testifae se Sevya i singaotem hem, we hem i “laet … blong wol.”