“Hinumdomi Unsa ang Labing Mahinungdanon,” Alang sa Kalig-on sa mga Kabatan-onan, Mayo 2024.
Mga Pulong nga Naggiya og Maayong Kinabuhi
Hinumdomi Unsa ang Labing Mahinungdanon
Gipahiangay gikan sa usa ka pakigpulong sa Abril 2023 nga kinatibuk-ang komperensiya.
Una, ang relasyon ngadto sa atong Langitnong Amahan ug sa Iyang Anak, si Ginoong Jesukristo. Kini nga relasyon labing mahinungdanon karon ug sa kahangtoran.
Ikaduha, mga relasyon sa pamilya.
Akong iapil ang kaliwat, mga higala, ug gani akong mga pamilya sa ward. Kini nga mga relasyon gikinahanglan kaayo alang sa emosyonal og pisikal nga kahimsog.
Ikatulo, pagsunod sa mga pag-aghat sa Espiritu diha sa atong labing mahinungdanong mga relasyon ug sa atong mga paningkamot sa paghigugma sa atong mga silingan sama sa atong kaugalingon.
Ang kataposan, ang pagkakabig ngadto sa Ginoo, ang pagpamatuod mahitungod Kaniya, ug ang pagserbisyo Kaniya.
Mas kanunayong mohatag sa inyong pagpamatuod ni Jesukristo. Ihatag ang inyong pagpamatuod sa unsay inyong nahibaloan ug gituohan ug kon unsay inyong gibati. Ang Espiritu Santo mokompirma sa kamatuoran niadtong kinsa sinsero nga maminaw sa inyong pagpamatuod.