O se So’o o Iesu Keriso

Tagai pe faapefea e le faamatalaga a Mamona o ia lava ona fesootai ia te oe foi ia.

Ata

o le perofeta o Mamona

so’o o Iesu Keriso

O le upu so’o o lona uiga o se tasi e a’oa’o mai se faiaoga po o se matai (e pei o se tamaitiiti aoga po o se tagata faataitai).

O so’o o Iesu Keriso e a’oa’o mai ia te Ia, mulimuli i Ana aoaoga, ma taumafai ia faapei o Ia.

Ua Ia valaauina e folafola atu lana afioga

O nisi tagata e i ai se valaauga faapitoa e folafola atu le afioga a Keriso, e pei o faifeautalai. Ae e ala i a tatou feagaiga, tatou te folafola atu ai e tausi Ana poloaiga, e aofia ai le poloaiga ia avea o se malamalama i le lalolagi (tagai i le Mataio 5:14–16). Ua tatou folafola atu lo tatou naunautai e “tutu o ni molimau a le Atua i taimi uma ma i mea uma, ma i nofoaga uma” (Mosaea 18:9

Ua valaauina tagata uma O Le Ekalesia a Iesu Keriso o le Au Paia o Aso e Gata Ai e fesoasoani e faataunuu le galuega a le Alii ma faasoa atu Lana talalelei (tagai i le Mataupu Faavae ma Feagaiga 38:40–41).

ola e faavavau

O le ola e faavavau o lona uiga o le ola i le malo selesitila faatasi ma le Tama Faalelagi ma Iesu Keriso. O le taui lenei mo tagata o e faatuatua ia Iesu Keriso, salamo, osia ma tausia feagaiga, ma tumau e o’o i le iuga.

Sa fetalai mai le Alii, “O la’u galuega ma lo’u mamalu lenei—ia aumaia le tino ola pea ma le ola faavavau o le tagata” (Mose 1:39). E fesoasoani so’o ia te Ia e faataunuu Lana galuega.