“Manumalo i le Lalolagi ma Maua le Malologa,” Mo le Malosi o le Autalavou, Fep. 2024.
Upu e Ola Ai
Manumalo i le Lalolagi ma Maua le Malologa
Ata na tusia e Bryan Beach
Ona sa manumalo Iesu Keriso i lenei lalolagi pa’ū, ma talu ai sa Ia togiolaina i tatou taitoatasi, o lea e mafai ai foi e outou ona faatoilaloina lenei lalolagi ua faatumuina i le agasala, faatotonugalemu ia te oe lava, ma e tele lava ina vaivai.
A o e salamo moni ma saili Atu i Lana fesoasoani, e mafai ona e tulai a’e i luga atu o lenei lalolagi matautia ma maua ai le malologamoni.
O le a le uiga o le manumalo i le lalolagi?
O lona uiga:
-
O le manumalo lea i le faaosoosoga ia popole atu i mea a le lalolagi nai lo mea a le Atua.
-
O le faatuatuaina o le aoaoga faavae a Keriso e sili atu i lo filosofia a tagata.
-
O le fiafia i le upumoni, ta’uleagaina le taufaasese, ma avea ma “soo lotomaualalalo o Keriso.”
-
O le filifili e aloese mai soo se mea e tuliesea ai le Agaga ma naunau ai e “lafoai” e oo lava i a tatou agasala e sili ona fiafia i ai.
-
O le tuputupu a’e i le alofa i le Atua ma Lona Alo Pele e sili atu i lo lou alofa i soo se tasi po o soo se mea.
E faapefea la ona tatou manumalo i le lalolagi?
-
Saili atu ma mulimuli i musumusuga a le Agaga Paia.
-
Salamo i aso taitasi ma tausia feagaiga e faaeeina ai i tatou i le mana.
-
Tumau i le ala o feagaiga.
E siitia e le Faaola i tatou i luga a’e o lenei lalolagi pa’ū e ala i le faamanuiaina o i tatou i le alofa mamā sili atu, lotomaualalo, agaalofa, agalelei, loto-pulea, filemu, ma le malologa
Ona na manumalo Iesu Keriso i lenei lalolagi, tou te mafaia foi.