« Tū’atira’a », Nō te pūai o te feiā ’āpī, Māti 2021, te rotora’a o te ’api tāpo’i nō mua.
Tū’atira’a
Liah T.
16, Louisiana, Hau marite
’Ua riro te pehe ’ei tuha’a rahi nō tō’u orara’a. E mea au nā’u ’ia ha’uti i te fira ’e te reo marū. I tō’u ’āpīra’a ra, ’ua pi’ihia tō’u mama nō te ha’api’i i te hīmene i roto i te Paraimere. ’Ua ha’api’i mai ’oia iā’u i te au atu i te mau hīmene i roto i te Buka hīmene nō te mau tamari’i, ’e ’ua ’ite au i te ’ohipara’a o te Vārua i te mau taime ato’a e ha’uti au i te reira.
Tē ’ori ato’a nei au nō te Louisiana Vintage Dancers ’e tē pēni ato’a nei au i ni’a i te paruai anoihi nō tō’u na metua ’e tō’u ’utuāfare. ’Ua tupu tō’u ’oa’oa rahi ’e te māuruuru ho’i i te feiā ato’a o tē hōro’a i tō rātou taime nō te pēni i te mau hōho’a ’e ’itehia nei i te fare purera’a. Tē mana’o nei au ē, e mea fa’ahiahia mau te pēnira’a i te hōho’a tei riro ’ei ’ē’a pāpū nō te feiā ato’a tei fa’a’ite mai i tō rātou mau mana’o i ni’a i te ’evanelia.
I roto i te ’āmuira’a rahi nō ’Ātopa 2018 ra, ’ua fa’ahiti ’o Elder Gerrit W. Gong nō te Pupu nō te Tino ’Ahuru Ma Piti ’āpōsetolo i te tahi hōho’a pēni nō te hō’ē tapera’a mahana i muri mai i te hō’ē uru rā’au. E mea nehenehe mau ā ! Tē fa’aha’amana’o mai nei teie hōho’a pēni iā’u ē, e hiti noa mai te mahana i muri mai i te pō pōuri.
Te ’evanelia, ’o tō’u ïa ora ! E mea au roa nā’u i te ha’atū’ati i tō’u here nō te anoihi i te ’evanelia. I te tahi taime, noa atu ’aita te hōho’a pēni e au i te hōho’a fa’aro’o, e ’ite ’ihoā vau i te here o te Atua. ’Ua hi’o vau i te mau hōho’a pēni nō te mau manu ’e ’ua mana’o vau ē, « ’Auē ho’i ē, ’ua hāmani te Atua i taua manu ra nō’u ».