«Առաջին տեսիլքը», Ընկեր, հունվար 2025, 26-28:
Սուրբ գրությունների պատմություններ
Առաջին Տեսիլքը
Այս պատմությունը կարող եք կարդալ Ջոզեֆ Սմիթ-Պատմություն 1.1–20-ում։
Երբ Ջոզեֆ Սմիթը երիտասարդ էր, շատ եկեղեցիներ տարբեր բաներ էին ուսուցանում Հիսուս Քրիստոսի մասին։ Ջոզեֆը չգիտեր, թե որ եկեղեցուն միանար:
Մի օր նա կարդաց Հակոբոս 1.5-ը Աստվածաշնչում։ Այնտեղ ասվում էր, որ եթե իմաստության կարիք ունենք, կարող ենք խնդրել Աստծուն։ Ջոզեֆը որոշեց անել այդ։
Գարնանային մի գեղեցիկ օր Ջոզեֆը մտավ անտառ՝ աղոթելու Երկնային Հորը։
Նա ծնկի իջավ և սկսեց աղոթել: Բայց հետո նա իր շուրջը խավար զգաց։ Ջոզեֆը վախեցած էր։ Նա խնդրեց Աստծուն իրեն օգնել:
Հանկարծ Ջոզեֆը երկնքից իջնող վառ լույս տեսավ։ Նա տեսավ Երկնային Հորը և Հիսուս Քրիստոսին, որոնք կանգնած էին օդում։ Երկնային Հայրն ասաց Ջոզեֆի անունը: Երկնային Հայրը, մատնացույց անելով Հիսուսին, ասաց․ «Սա է Իմ Սիրելի Որդին։ Լսիր Նրան»:
Հիսուսն ասաց Ջոզեֆին, որ չպետք է միանա եկեղեցիներից որևէ մեկին:
Ջոզեֆն օգնելու էր վերականգնել ավետարանի լրիվությունը երկրի վրա։
Ջոզեֆն այլևս շփոթված չէր: Նա լցված էր ուրախությամբ։ Նա գիտեր, որ Աստված սիրում է իրեն։ Որոշ մարդիկ չէին հավատում, որ նա տեսել էր Երկնային Հորը և Հիսուս Քրիստոսին, բայց նա գիտեր, որ դա ճիշտ էր: