Ha’api’i mai nō ni’a i te Buka a Moromona

’O vai ’o Isaia ?

I roto i te Buka a Moromona, tē tai’o nei tātou i te mau parau a te hō’ē ta’ata o Isaia te i’oa. E peropheta ’o Isaia nō te Faufa’a Tahito. ’Ua ora maoro ’oia hou Iesu Mesia ’a fānauhia mai ai.

alt text

’Ua ha’api’i Isaia nō ni’a i te orara’a o Iesu Mesia. ’Ua parau oia ē, e hōpoi mai Iesu i te hau i tō te ao nei. ’Ua ha’api’i oia ē, e pohe Iesu, e ti’afa’ahou mai, ’e e ho’i fa’ahou mai i te fenua nei i te hō’ē mahana.

alt text

Tau hānere matahiti i muri mai, ’ua pāpa’i Nephi i te mau parau a Isaia i roto i te Buka a Moromona nō te ha’api’i ia tātou nō ni’a ia Iesu Mesia. I tō Iesu fārereira’a i te ’āti Nephi, ’ua fa’a’ite ’oia i te mau parau a Isaia. ’Ua ani mai ’oia ia tātou ’ia tuatāpapa i te reira. ’Ia tuatāpapa ana’e tātou i te mau parau a Isaia, e nehenehe tātou e putapū i te here o te Fa’aora ’e e ha’afātata atu iāna.

’Ua ha’api’i Isaia ē, ’o Iesu te « Ari’i nō te hau » (2 Nephi 19:6). ’A pāpa’i hōho’a ’aore rā ’a pata i te hō’ē hōho’a nō te hō’ē mea ’o tē tauturu ia ’outou ’ia ’ite i te hau. ’A hāpono mai i tā ’outou hōho’a i te Hoa ! ’A hi’o i te tāpo’i nō muri nō te ’ite mai e nāhea ra.

Matapū’a’a pāpa’ira’a mo’a

• ’A tai’o i te 2 Nephi 19:6. E hia rahira’a i’oa tō Iesu i roto i teie ’īrava ?

• E aha te ’ānimara tei fā mai nō te fa’a’ite ē, tei reira te Vārua Maita’i i te bāpetizora’a o te Fa’aora ? Mana’o tauturu : 2 Nephi 31:8

• ’O vai tē ti’afa’ahou mai ? Mana’o tauturu : Alama 11:44

Pāhonora’a : pae, hō’ē ū’upa, te mau ta’ata ato’a

E nehenehe au e tai’o i te Buka a Moromona !

I muri a’e i tō ’outou tai’ora’a, ’a fa’a’ū i te tuha’a o te hōho’a. E nehenehe ’outou e tai’o i teie mau pāpa’ira’a mo’a ’o tē tū’ati i te tai’ora’a tāhepetoma o te Mai, pe’e mai :

• Hepetoma 1 : 2 Nephi 11:2

• Hepetoma 2 : 2 Nephi 24:3

• Hepetoma 3 : 2 Nephi 26:23–24

• Hepetoma 4 :2 Nephi 32:5

• Hepetoma 5 : 2 Nephi 9:13

PDF nō te ’ā’amu

Mau fa’ahōho’ara’a nā Ben Simonsen