iTaviqaravi me baleti Ira na Lalai ena Lako Mai, Mo Muri Au

Me baleta na Iperiu 1–6

Alt text

Raitayaloyalotaka ni o ni soko vata tiko ena dua na waqa. O na kila vakacava na vanua mo lako kina? Veivosakitaka na sala e vaka kina e dua na kavetani o Jisu Karisito (raica na Iperiu 2:10). Ni da vakabauti Koya, e rawa ni tuberi keda o Koya ena bula taqomaki.

Me baleta na Iperiu 7–13

Lagata na “Vakabauta” (iVolanisere ni Gonelalai, 50). Veivosakitaka na sala eda vakaraitaka kina na noda vakabauta ni da nuitaka na Kalou ka muri Jisu Karisito.

Me baleta na Jemesa

Vakarautaka vata e dua na kakana taleitaki. Ni se saqa tiko, taroga, “E dau dredre beka na wawa?” E sega ni ka rawarawa na wawa. Ia ni da waraka me yaco mai na veika vinaka—me vaka na veivakalougatataki ni Kalou—ena dau yaga tu ga.

Me baleta na 1 kei na 2 ni Pita

Kauti ira na nomu lalai ki tautuba. E siga ramase beka? Dua na siga ucauca? Vakasamataka e dua na ka o rawa ni cakava mo marautaka kina na draki. Vakavulica ni da rawa ni marau, se vakacava ga na veika era tu wavoliti keda.

Me baleta na 1–3 ni Joni; Juta

Vakarautaka na kedra balavu na nomu lalai. Vakavulica ni a tubu cake tiko na iVakabula, a dau digidigi vinaka o Koya ena veisiga. Tarogi ira me ra cavuta e dua na digidigi vinaka era a cakava nikua. Vukei ira me ra kaya, “Au sa tubu tiko, me vakataki Jisu!”