“Kakauongo nakon te Tamnei ae Raoiroi,” Te Rao, Aokati 2023, 21.
Kakauongo nakon te Tamnei ae Raoiroi
Kamataata n te tamnei iroun Xavier Bonet
N te tiamwa ae nako, ngai ma au utu ti nako n nakonako ni kamaangngang. Te kawai aio e kairiira nakon te karaanga. Ngai ma tariu te ikawai, ao mwaneu are uarereke, ti buutii ara kau ao ti a nakonako naba inanon te karaanga arei.
Ngke e a roko te ran i etan bubuan waeu, tia toki naba. Ti noriia ataei aika a ikawai nakoira n takakaro n te tabo ae nano riki. E moangare tariu man taku, “Ti a nako n are e nano riki!”
Ma te bwanaa i atuu e tuangai bwa N na tiku ma mwaneu are e uarereke. I ataia bwa bon te Tamnei ae Raoiroi. I tuangnga tariu bwa e na nako n nooria, ma ngai ao mwaneu are uarereke ti a tiku.
Ngke e oki tariu, e taku bwa te karaanga mai ikekei e rangi n buaka ao e rangi ni kangaanga te nakonako iai. Ngke e taekina arei, I ataia bwa I a tia n karaoa au rinerine ae e eti bwa ti na mano ngai ma mwaneu are e uarereke.