“I Kanga Ni Bwabetitoaki,” Te Rao, Aokati 2023, 12–13.
I Kanga Ni Bwabetitoaki
Mauri! Ngai bon Aranoarii. I maeka i Tahiti. Bon 11 au ririki ni maiu, ao I kakatonga n taekinna bwa bon ngai kaain Ana Ekaretia Ana Ekaretia Iesu Kristo ibukia Aika Itiaki ni Boong aika Kaitira.
Ko kanga n reiakina taekan te Ekaretia?
Tabeman mai irouia raraou a kaoa au utu nakon ana waaki ni kakukurei te Ekaretia. Ti bon kaoaki naba nakon ana bwabetito te ataei temanna. I titirakina tinau ngkana ti kona n kaitibo ma mitinare ibukina bwa I rangi ni kan reiakina ae bati riki iaon Iesu Kristo.
Aekara aron ami kaitibo ma mitinare?
A rangi n tamaroa mitinare akekei! I bon rangi ni kukurei ni karekea te reirei ma ngaiia ibukin taekan Iesu Kristo ao ana euangkerio. I rangi n nano ni karaki ake a taungai ao tenaan takakaro ake a buokai n reireinai.
Aekakira aron am bwabetito?
Tamau e bon bwabetitoai ma tinau n au ka11 n koronririki. I bon rangi ni kukurei! Ti kaoiia aomata aika bati ake ti bati n tangiriia. A roko n boutokaai au tia reirei ma raou n reirei.
Ngke i aerake man te ran, I bon onrake n te kukurei. E bon aki toki wiingareu! I bon rangi ni kukurei ngke I kona n iira ana katooto Iesu Kristo.
Aekara arom ngke ko nakon te Moanrinan n te moantai?
N te moan tai, e bon nako nanou ao kanga N na tang. Ma imwiina I a manga kaea aia waaki ni kakukurei n te Moanrinan. E reke au tai n kinaia ni kabane, ao a reke raoraou aika boou.
Ngkana ko boou, au reirei bon kaea am kiraati n te Moanrinan, e ngae ngkana ko maaku n te moantai. Ti tangiriia aomata aika a boou!
Ko na kanga n iriira Iesu?
I tataro ao I nanako n te taromauri ni katoa Tabati. I taetae ma au utu ibukin taekan ana euangkerio Iesu Kristo.
I kataia ni buokiia tabeman riki nakoia ake a kainnanoa te ibuobuoki. Ni mweengau, I buoka tinau n tabena. I buoka tamau n unuuniki, koro aia, ao n katei bwaai. Tabeua namwakaina n nako, bon iai ana kaoti tarena ara uoote. Bon ngai te tia katangtang, ngaia are I a bon oro turam naba ni kabanea au te tairiki anne!
Tamnei iroun Stéphane Sayeb