“Among Minahal nga Batan-ong mga Higala,” Higala, Agosto 2023, 1.
Among Minahal nga Batan-ong mga Higala,
Nanghinaot kami nga malingaw kamo niining espesyal nga isyu sa Higala. Kining tanan kabahin sa pagpabunyag ug pagkompirma.
Kon bag-o lang gyod kamong nabunyagan, kamo among gihangop isip bag-o nga miyembro sa Ang Simbahan ni Jesukristo sa mga Santos sa Ulahing mga Adlaw!
Sa dihang kamo nabunyagan, kamo misunod sa ehemplo sa atong Manluluwas, si Jesukristo. Kamo misaad nga mohinumdom sa Manluluwas ug motuman sa Iyang mga sugo. Kini nga mga saad gitawag og mga pakigsaad. Sa dihang kamo makompirmahan, inyong madawat ang gasa sa Espiritu Santo. Ang Espiritu Santo mohupay, mogiya, ug modasig nimo sa tibuok nimong kinabuhi.
Kon kamo nabunyagan na, kami modasig ninyo sa paghinumdom sa pakigsaad nga inyong gihimo sa bunyag ug maningkamot sa pagsunod ni Jesus kada adlaw.
Kon kamo wala pa mabunyagi, nanghinaot kami nga kamo mag-andam pinaagi sa pagkat-on pa og dugang kabahin niining mahinungdanon nga lakang.
Mapasigarbohon kaayo kami sa matag usa kaninyo. Nasayod kami nga ang Langitnong Amahan nagbantay kaninyo. Siya nahigugma gayod ninyo pag-ayo, ug kami usab.
Ang Unang Kapangulohan