Pananatiling Ligtas

Page from the August 2022 Friend Magazine.

Ikaw ay minamahal na anak ng Diyos At karapat-dapat kang makadama ng pagmamahal, kapayapaan, at na ligtas ka, anuman ang mangyari! Narito ang ilang ideya na makatutulong sa iyo:

Hindi OK kung may tao na …

• nanghahampas, nanunulak, o nananakit sa iyo sa anumang paraan

• nagsasabi ng masasakit na salita sa iyo

• nagpapakita sa iyo ng mga larawan o video ng mga taong walang damit

• hinihiling sa iyo na labagin ang batas o patakaran ng iyong pamilya

• hinihiling sa iyo na magtago ng lihim at huwag sabihin ito kaninuman

• nagsasabi sa iyo na sasaktan ka nila o ang ibang tao

• nagpapadala sa iyo o humihiling sa iyo na magpadala ng mga pribadong retrato

• sinasabihan kang tingnan o hawakan ang kanilang katawan o ang iyong katawan

Ang mga bahagi ng iyong katawan na matatakpan ng isang bathing suit ay pribado para sa iyo. Walang dapat humawak sa mga bahaging ito ng iyong katawan maliban kung sila ay magulang o doktor na tumutulong na mapanatili kang malinis at malusog.

Ano ang Gagawin

• Pakinggan ang iyong mga damdamin.

• Magsabi ng hindi.

• Lumakad o tumakbo palayo.

• Magsabi sa isang mapagkakatiwalaang mas matanda sa iyo.

Paghingi ng Tulong

Kung may ginawang masama sa iyo, hindi mo ito kasalanan, at hindi ka nag-iisa! Mahal ka ng Ama sa Langit, at may mga taong makatutulong sa iyo kapag may problema ka. Isulat ang mga pangalan ng ilang mapagkakatiwalaang tao na maaari mong kausapin.

1. ______________________

2. ______________________

3. ______________________

Mga larawang-guhit ni Mark Robison