Volai mai vei Iko
Laki Dabe e Yasana
Sierra F., yabaki 12, Utah, Amerika
Dua na siga e koronivuli, au rogoca ni a vakasaurarataki tiko e dua na gonetagane. Au sa yalo rarawa. E sega ni dodonu me dua e vakataki vaqo.
E muri na siga oya, a dua na neimami veilasamaki vakalasi. A lako mai na gonetagane ka vakasaurarataki taumada ka dabe tu vakataki koya. Niu raici koya, au sa nanuma na ka a yaco tu. Au rogoca e dua na domo ni tukuna vei au meu dabe e yasana. Ia au sega ni vinakata meu dabe duadua tu ga ki vua. Ena daumaka o koya, au a vakananuma. E sega ni gadreva o koya e dua me dabe tikivi koya. Au a vakatikitikitaka na nanuma oya.
A rogo tale mai vei au na domo, ka kaukauwa cake. Laki dabe e yasana.
Au raici koya tu na gonetagane. A rairai galili tu ka rarawa. Donu, au vakasamataka. Niu dabe sobu tu e yasana, a rairai lomaleqa o koya. Au tukuna vua na yacaqu ka tarogi koya me baleti koya. E liu, au a tavariri. Ia ni keirau veivosaki tu, au a yalo vakacegu. Ka sa sega ni rairai galili se rarawa tale o koya.
Ni sa na lesu tale ki na kalasi o koya, au kaya niu na vosa vakamalua vua. A matadredredre vakalailai o koya ka kaya donu. A gole mai vei au na noqu qasenivuli ka kaya, “Vinaka vakalevu, Sierra. Sa lomavinaka saraga oya. ” Au a deguvacu ga.
A toso totolo sara na vo ni siga, ia e sega ni lako tani na yalo vakacegu oya. Au kila tu niu sa caka dodonu. Ena so na gauna era sega ni dau vakabibitaki na tamata ni ra duidui tu. Au sega ni taleitaka, ia e yaco tu.
Eda sa luvena taucoko na Kalou. Sa dodonu meda yalovinaka vei ira na tani. Kevaka eda cakava oqo, au kila ni na vakalougatataki keda na Kalou.
Droini mai vei Kristin Sorra