Imong Sinulat
Paghimamat sa Propeta
Ni Steven R., edad 12, Puerto Rico
Pipila ka tuig ang milabay, si Presidente Nelson mianhi sa akong yutang natawhan sa Puerto Rico. Kini usa ka dako nga panalangin. Kanunay gayod kong gusto nga makakita kaniya. Ug gusto ko nga makahigayon nga mahimamat siya sa personal. Ang akong mama miingon nga lisod kini tungod kay adunay daghang tawo sa miting. Aduna gihapon koy hugot nga pagtuo, ug nag-ampo ako og maayo nga mahimamat siya.
Atol sa iyang pakigpulong, gisulatan nako siya og mubo nga sulat. Ako adunay paglaom ug hugot nga pagtuo nga ako makahimo sa paghatag kaniya sa akong sulat. Human natapos ang mga pakigpulong, misulay ko nga magpaduol. Nakit-an niya ang akong manghod nga lalaki ug miduol ngadto kaniya uban sa dakong pahiyom. Dayon milamano siya kanako! Gisultian niya ako, “Mahimo kang talagsaon nga misyonaryo.” Hinumdoman gayod nako kanunay ang iyang mga pulong.
Paghulagway pinaagi ni McQuinn Belnap