Mubo nga mga Sulat sa Komperensiya
Ngano nga Mosimba Man Kita
Si Presidente Oaks miingon nga ang pagsimba importante. Kon kita mosimba, makalihok kita isip usa ka grupo aron sa pagserbisyo sa uban. Makatabang kita sa mga tawo kinsa nag-inusara ug magpakita og gugma kanila. Makaambit usab kita sa sakramento ug makasimba ni Jesukristo.
Nagtudlo kini kanako:
Ang Ngalan sa Simbahan
Si Elder Andersen naghisgot bahin sa usa ka batang babaye sa Tahiti kinsa migamit sa tibuok ngalan sa Simbahan. Sa dihang ang iyang maestra nangutana kon Mormon ba siya, siya miingon, “Ako usa ka miyembro sa Ang Simbahan ni Jesukristo sa mga Santos sa Ulahing mga Adlaw.” Ang iyang maestra gusto nga makakat-on pa og dugang bahin sa Simbahan. Wala madugay, ang iyang maestra nabunyagan!
Nagtudlo kini kanako:
Usa ka Tumong sa Kasulatan
Si Sister Cordon misaysay og istorya bahin sa usa ka batang babaye kinsa nagtakda og tumong sa pagbasa sa mga kasulatan. Siya magbasa og lima ka bersikulo matag buntag. Dayon iyang gidapit ang iyang mga ginikanan ug mga igsoon sa pagbasa uban kaniya. Siya mitabang sa iyang pamilya nga mas maduol kang Jesukristo.
Nagtudlo kini kanako:
Pakighimamat sa mga Misyonaryo
Si Elder Giuffra mipakigbahin giunsa niya pag-apil sa Simbahan sa Chile. Usa ka adlaw nakakita siya og duha ka misyonaryo nga mibisita sa iyang silingan. Nangutana siya sa iyang silingan bahin kanila, ug siya midapit kaniya sa pagpakigtagbo kanila. Ang mga misyonaryo mitudlo kaniya ug sa iyang inahan nga magbaton og hugot nga pagtuo kang Jesukristo. Sila nakaangkon og pagpamatuod ug mipili nga magpabunyag.
Nagtudlo kini kanako:
Mga paghulagway pinaagi ni Apryl Stott