Pein Jipan̄ ko ilo aolepān Laļ in
Ioon Porter jān Poland
Jān juon intōrpiu ippān Amie Jane Leavitt.
Ioon ajri in Būrāimere ro rej jipan̄ ro jet, āinwōt kar Jisōs.
Aolep men kōn Porter
Dettan: 10
Jān: USA im ej jokwe ilo Poland
Kajin ko: Kajin Pālle im ej ekkatak Kajin French
Baam̧le: Baba, Mama, brother ro Ethan, Mason, im Connor, im juon kūdu etan Ginger
Kōttōbar ko im etōņak ko: Oktak im erom juon rilale menin mour ko.
Pein Jipan̄ ko an Porter
Aolep iien Porter ej pukōt men ko reddik emaron̄ kōm̧m̧ane n̄an jipan̄ ro jet. Ilo m̧weo, ej jipan̄ jinen im jemān kōm̧m̧an m̧ōn̄ā n̄an baam̧le eo an. Ilo jikin jikuuļ, ej lale bwe aolep rej bōk koņaer ilo ikkure ko, eļaptata ajri ro im aolep iien rej kōjekdoon er. Ej jipan̄ kōjparok kein ikkure ko ilo iien kakkūje, jekdoon n̄e ejjab ikkure kaki. Ej bar kōm̧m̧ane men ko n̄an jipan̄ menin mour ko. Ej m̧ōttan juon club ilo jikuuļ me ej kōm̧m̧an to̧ļe ko n̄an kidu ko ilo jikin menin mour ko.
Porter ej jipan̄ ilo an bōk koņan ilo BillionGraves project eo. E im baam̧le eo an raar ilo̧k n̄an juon uleej n̄an ebbōk pija in jōbwe in lōb ko. Brother eo an Connor ej jipan̄ bōk pija ko. Innām rej upload i pija ko n̄an website eo an būroojāāk eo. Pija kein renaaj jipan̄ armej ro aolepān laļ in me rej kappok meļeļe ko kōn rūtto in Poland ro aer.
Men ko em̧m̧antata ippān Porter
Jikin: Virginia, USA, im Hersheypark ilo Pennsylvania, USA
Bwebwenato eo kōn Jisōs: Ke Jisōs Ekar kalur lom̧aļo
Al in Būraimere: “Gethsemane” (M̧aaj 2018 Jera ak Liaona)
M̧ōn̄ā: Mandoo (Korean dumplings)
Kōļar: Bōrbōļ
Jabjōk ko ilo Jikuuļ: Riit im bōnbōn
Porter ej jipan̄ bōk pija ko ilo juon uleej n̄an juon būroojāāk an menmenbwij an baam̧le aolepān laļ in.
Kōmeļeļe ko jān C. B. Canga