Jeran n̄an Jeran
Juon En̄jake in Aenōm̧m̧an
Jān juon iien intōrpiu ippān Lucy Stevenson Ewell.
Juon jippon̄ ke ekar 11 aō iiō, ikar ruj im ron̄ juon ainikien jān ettōn̄aak eo. Ejjeļo̧k juon ekar itok im karuj n̄a n̄an jikuuļ āinwōt aer kijon̄ kōm̧m̧ane. Ke ikar diwōj im lale ta eo eaar waļo̧k, ikar loe bwe jema ekar mej.
Ke baam̧le eo aō ekar kōnono ilo ettōn̄aak eo, ikar etal n̄an atōke eo. Atōke eo am ekar kilep, im ikar jerbal ippān jema n̄an jipan̄ kōjparoke. Ikar jijet ilo jea eo ium̧win wōjke ko im jan̄. Ikar en̄jake ao būrom̧ōj im jaje ta.
Ālkin jejjo wōt minit ko, iaar loe rūkaki in Būraimere eo aō ej kōppeļļo̧k gate eo. Ekar itok im jijet ioon jea eo turū im kar ba, “Joni, kwoj keememej ke katak eo jaar ekkatak kake Jabōt eo ļo̧k kōn karōk in lo̧mo̧o̧r?” Rūkaki eo ekar kōmeļeļeik n̄an eō bar juon alen bwe ad rej ejake juon jetōb im juon ānbwin. Ekar ba bwe jetōb eo an jema ekar pād ilo juon jikin em̧m̧an, im juon raan enaaj bar jerkakpeje. Juon raan inaaj bar loe e.
Em̧ool jekdo̧o̧n ke ikar būrom̧ōj wōt, ikar en̄jake aenōm̧m̧an. Ij keememej aenōm̧m̧an eo aolep iien ij ļōmņak en̄jake jab eo. Rūkaki in Būraimere aō ekar jerbal in karejar e n̄a, im Jetōb Kwojarjar eo ekar kaenōm̧m̧an eō. Ekar jipan̄ kalōk naan in kam̧ool eo aō kōn iakwe eo im karōk in lo̧mo̧o̧r eo an Jemedwōj Ilan̄.
Jekdo̧o̧n ta eo kwoj dipuki, Anij ej kea kōn kwe. Kwojjab aikuj in juon rūtto n̄an en̄jake an Jetōb eo kam̧ool bwe aolep men renaaj EM̧M̧AN. Komaron̄ kalōk juon naan in kam̧ool kōn karōk eo an Jemedwōj Ilan̄. Kom̧ maron̄ en̄jake aenōm̧m̧an.
Kōmeļeļe ko jān Arthur Lin