Liga ni Veivukei e Vuravura Raraba
Oqo o Porter mai Poladi
Mai na veivakatarogi nei Amie Jane Leavitt
Oqo o ira na gone ena Lalai era vukei ira eso, me vaka a cakava o Jisu.
Na veika kece e baleti Porter
Yabaki: 10
Mai: Amerika ka bula tiko e Poladi
Vosa: Vaka Valagi ka vulica tiko na vosa vaka Varanise
Matavuvale: Ta, Na, tacina o Ethan, Mason, kei Connor, kei na dua na koli o Ginger
Takete kei na tatadra: Yaco me dua na vuniwai ni manumanu ka qaravi ira na manumanu.
Na Liga ni Veivukei nei Porter
E dau vakaraica tu ga o Porter na veika lalai e rawa ni cakava me vukei ira kina na tamata. E vale, e dau vukei rau nona itubutubu me saqari na kakana ni vuvale. E koronivuli, e raica o koya me ra okati kece na tamata ena qito, vakabibi o ira na gone era dau sega tu ni okati. E veivuke o koya ena kena qarauni na iyaya ni vakacagicagi, kevaka sara mada ga e sega ni qito kina. E cakava talega na veika me vukei ira na manumanu. O koya e tiki ni dua na kalavo e koronivuli ka dau caka iyaya ni vakatatalo me baleta na koli ena vale ni manumanu.
A veivuke talega o Porter ena nona vakaitavi ena cakacaka ni BillionGraves. A lako vata kei na nona vuvale ki na dua na ibulubulu me ratou tabaka na vatunibulubulu. A veivuke o tuakana o Connor ena veitaba. Oti era qai vakavodoka na itaba ki na mataveilawa ni cakacaka. Na itaba oqo ena vukei ira na tamata ena veiyasai vuravura era vakasaqara tiko na itukutuku me baleti ira na tubudra e Poladi.
Veika Taleitaki nei Porter
Vanua: Virginia, Amerika, kei Hersheypark e Pennsylvania, Amerika
iTalanoa kei Jisu: Na Gauna a Vakamaravutaka kina na Wasawasa
Sere ni Lalai: “Kecisemani” (Maji 2018 Friend se Liaona)
Kakana: Mandoo (keke lalai ni Korea)
Roka: Lokaloka
Ulutaga e Koronivuli: Wilivola kei na fika
A veivuke o Porter ena kena tauri na iyaloyalo ena dua na ibulubulu me baleta e dua na cakacaka ni tuva kawa e vuravura raraba.
Droini mai vei C. B. Canga