Minahal nga mga Higala,
Sa wala pa kamo matawo, nagpuyo kamo uban sa inyong langitnong mga ginikanan. Ang Langitnong Amahan naghimo og usa ka plano alang kanatong tanan nga moanhi sa yuta aron sa pagkat-on ug paglambo. Kini mao ang plano sa kalipay. Si Jesukristo mipakita kanato sa paagi sa dihang Siya mianhi sa yuta. Samtang kamo nagpili sa pagsunod Kaniya, kamo nagpili sa pagsunod sa plano sa Langitnong Amahan. Kamo nagtubo nga sama sa Manluluwas!
Adto sa pahina 2 aron sa pagkat-on pa og dugang mahitungod sa plano sa kalipay. Dayon pagdula sa dula sa pahina 24.
Nahigugma,
Ang Higala
Diin Kami Nagbasa sa Higala
Denzel B. ug Elba E., nag-edad og 8 ug 9, nagbasa sa Higala sa Iningles diha sa panimalay ug diha sa Simbahan sa Dar es Salaam, Tanzania.
Gusto Kami nga Makakita sa Templo
Abraham, Fernando, ug Enoc T., nag-edad og 7, 10, ug 5, mibisita sa Templo sa Guadalajara Mexico uban sa ilang mga ginikanan.
Mga Karnero ni Jesus
Nalingaw ako sa kalihokan nga mohuyop sa mga karnero ngadto ni Jesus gikan sa Dali, Sunod Kanako nga mga ideya (Sept. 2020).
Ari S., edad 4, Texas, USA