Usa ka Damgo alang ni Dieter
Gipahiangay gikan kang Elder Dieter F. Uchtdorf, nga “Call for Heroes!” (BYU Pathway Worldwide devotional, Hul. 14, 2020 byupathway.org/devotionals).
Sa dihang siya usa ka batang lalaki, si Elder Dieter F. Uchtdorf gusto kaayong motan-aw og mga eroplano. Naghanduraw siya nga magpalupad sa usa niadtong dako nga mga eroplano.
Pila ka adlaw, gusto ko nga mahimong usa ka piloto.
Apan ang pamilya ni Dieter walay daghang kwarta. Sila nahimong refugee ug kinahanglan nga mobiya sa ilang panimalay og kaduha sa pag-adto sa usa ka bag-ong nasud.
Samtang nagdula ang ubang mga bata, si Dieter mitrabaho isip usa ka tighatud nga batang lalaki aron sa pagtabang sa iyang pamilya.
Usahay gibati niya nga ingon og ang iyang damgo imposible!
Apan samtang siya nagdako, si Dieter mitrabaho og maayo sa pagkab-ot sa iyang mga damgo. Siya adunay hugot nga pagtuo nga ang Langitnong Amahan motabang kaniya.
Siya misulod sa air force ug nagbansay nga mahimong ang labing maayo nga piloto kutob sa iyang mahimo.
Sa katapusan nakab-ut niya ang iyang damgo. Siya mipalupad og dagkong eroplano sulod sa daghang mga katuigan!
Tingali ikaw naghunahuna kon ang imong damgo posible ba usab.
Mahimong dili kini sayon, apan ikaw makahimo niini.
Tingali makasinati ka og mga hagit, apan kini makahimo kanimo nga mas malig-on. Ang Dios uban kanimo sa matag lakang diha sa agianan!
“Trabaho og maayo. Pagbaton og hugot nga pagtuo. Pagbaton og paglaum. Salig sa Dios. Kon imong buhaton ang imong bahin, ang mga butang mahimo ra.”
Mga paghulagway ni Cam Kendell