Frá Æðsta forsætisráðinu

Hann er upprisinn!

Henry B. Eyring forseti

annar ráðgjafi í Æðsta forsætisráðinu

Tekið úr „Hann er upprisinn,“ Líahóna, apríl 2013, 4–5.

Jesus riding a donkey into Jerusalem

Upprisa Jesú Krists gefur okkur von. Hún gaf mér von sumarið 1969, þegar móðir mín lést. Ég var sorgmæddur vegna þess að ég var tímabundið aðskilinn frá henni.

Ég fann samt gleði þegar heilagur andi sagði mér að upprisan væri sönn. Ég get séð í huga mér hvernig það verður að sjá móður mína og aðra ástvini aftur einn daginn.

Jesús Kristur reis upp frá dauðum. Vegna hans munu öll börn himnesks föður, sem í heiminn fæðast, rísa upp í líkama sem aldrei mun deyja.

Upprisan: Þegar andi Jesú sameinaðist líkama hans eftir að hann dó. Vegna Jesú munu allir sem hafa dáið líka rísa upp einn daginn.

„Ég ber vitni um að Jesús er hinn upprisni Kristur, frelsari okkar, og okkar fullkomna fyrirmynd og vegur til eilífs lífs.“

Henry B. Eyring forseti

Sagan um páskana

Klippið út spjöldin og límið þau á pappír. Gatið holurnar og bindið þær saman með spotta. Nú átt þú páska-sögubók!

1. Jesus riding a donkey into Jerusalem

   Jesús Kristur reið inn í Jerúsalemborg á ösnu. Fólkið lofaði hann og lagði pálmagreinar á jörðina. (Sjá Markús 11:1–11.)

2. Jesus blessing a man

   Jesús heimsótti musterið. Hann læknaði þá sem blindir voru og haltir. (Sjá Matteus 21:12–14.)

3. bag of coins

   Öfundsjúkir prestar borguðu einum af lærisveinum Jesú Krists, Júdasi Ískaríot, 30 silfurpeninga til að framselja hann. (Sjá Matteus 26:14–16.)

4. Jesus holding bread

   Jesús borðaði páskamáltíðina með lærisveinum sínum. Hann gaf þeim sakramentið til að hjálpa þeim að muna eftir honum. (Sjá Matteus 26:19–20, 26–28).

5. Jesus praying

   Jesús fór til Getsemane til að biðja til himnesks föður. Þar tók hann að þjást fyrir syndir okkar. Fólk með sverð kom og tók hann fastan. (Sjá Matteus 26:36–50.)

6. tomb with stone

   Jesús þjáðist og dó á krossinum. Líkami hans lá í gröf með stórum steini fyrir munanum. (Sjá Matteus 27:27–35, 57–60.)

7. Resurrected Jesus in front of tomb

   Englar rúlluðu steininum frá. Þeir sögðu Maríu Magdalenu og fleiri konum að Jesús væri upprisinn. Jesús birtist konunum og þær tilbáðu hann. (Sjá Matteus 28:1–10.)

8. Resurrect Jesus in white robe

   Jesús birtist lærisveinum sínum. Þeir komu við upprisinn líkama hans. Hann sagði þeim að kenna öllum fagnaðarerindi sitt. Jesús Kristur reis aftur upp, svo við munum líka gera það! (Sjá Lúkas 24:36–43; Matteus 28:16–20.)

Sjá Kom, fylg mér fyrir Kenningu og sáttmála 29 og páska.

Friend Magazine, 2021/03-04 Mar/Apr

Myndskreytingar eftir Steliyana Doneva